1 KORINTUS 4:21 - PERJANJIAN BARU NALCA YUBA

²¹ Anasa wenera, ugunja perob senemunya nenyek, nunda nenyek henelum. Ugunja dara, nara yeiriwoka yuba gasa einiwoka nekel yosulul senelelum gom, alda ugunuk wanaʾ ganya uboka, namenaʾ anyek pe nekel yosulul senelelum gom?

1 KORINTUS 4:21 Խաչաձեւ Հղումներ

2 KORINTUS 13:2

Wenera, ugunub nab dara, mok bokdangoka ulumab bok, penenya sum enyek neksisa sok, wen neknesin. Wera, nak ugunuk an yanamna sum era, men unu meknemek nim ek hnon, yok nim ek hnon igin eleklemnesinaʾ ara denganaʾ orok ubnamlaʾ anasa, orowek neksin.

1 TESALONIKA 2:7

Nunda aldib Kristus adya yuba lenaʾ gak nang ulumabaʾ anasa, aldib ugunuk an yokaʾ-yokaʾ elegosululum aboka molowanasisibya. Bok, nimi gela hnon alja mab ek bojam uboka pe bo ulumla sok, nunda ugun gangganek an ulumouba dara, perob ganya boboka namenaʾ anyek unulusuba.

2 KORINTUS 13:10

Imik Neyung adya nak an eleganyok migib era, nimi malya nenelelulaʾ aboka eleganggubnyok bok, alda perobaʾ nenelelulaʾ aboka eleganyokaʾ anasa, wera na yanamna sum era, Imik Neyung adya pe unuwolululaʾ aboka eleklenel migiba doboka, gasaʾ anyek dukaʾ lolom-lolom hisinyek aboka, ban momnya donaʾ enera, nara ugun gangganek an unaʾ orok salek men beibsin.

2 KORINTUS 2:3

Wera anasa nak ara, ganya hek elegananesom nim edya, nak soloma nenewonumunuk aboka, anaso seinimna yub era, an momnya doboka beibsisa. Nadya ganya eiya dabnenel dara, sikja ganya eneba eiya dabnesil senewoka ubsa.

2 KORINTUS 1:23

Nara Korintus heik yanggubsaʾ ara, ugunja ganya soloma neneweisinyek aboka ubsaʾ ara, nadya unu seiniwasenya neneba, Imik Neyung ara ella ulunel.

YAKOBUS 3:17

Bok imik heikek ab yalamla geremseng unaʾ era, men nong ara alda geisa ganya boboka ulumla, anya onoʾ yok nim ek heknaʾ ganya boboka ulumlakanya, hekom aboka, pe yuba kebdangoka ulumla. Alda angoo yadyek senewoka arawoka, perobnya nok pe unuro balamla. Alda sene or-or unaʾ loboka hnonok ok sam ok ganya kwenggulumla.

2 KORINTUS 10:6

Ugunuk dara, yuba pe keboka unulumun dara, yok bleknemakaʾ nidyaʾ ak ara, nunja igin eleklemnemab.

2 KORINTUS 2:1

Anasa wera, nadya dara, ugunja ganya soloma nenesinaʾ dalyek aboka kemel beisinaʾ era, lobnamna senemsa.

2 KORINTUS 10:8

Imik Neyung adya migib eleklesilaʾ ara, ugunuk ganya nauba nelelulaʾ aboka eleklesil, bok ganya malya nenewanokaʾ aboka eleknenggulusil. Anasa, nuk eleklesil migib ek ara, nara hnon nonggo henesinya dara, alya ubnenggununel.

2 KORINTUS 3:10

Anasa wera, youmaʾ yeblemok dilinaʾ era, wenyek senenggomnya yeblelanya neb sunuwanesibya dara, wenyeknya nera hyak senenggom adya, youmaʾ anya nera hyak dolbalekaʾ dangalamla.

1 KORINTUS 5:5

Al onnya benyek, wera alja nong ara, soldob menegoka denghulul senen bok, alja ganya ak dara, Wenelesilnya yanamla sum enyek bleblulaʾ aboka, eleganalum.

1 KORINTUS 4:18

Nimi wene nang ugun gangganek ara, nera Paulus bera anyagan yanggublul senewoka, sikda dengdang ganya bobak.

2 KORINTUS 12:18

Nara Titus benyek ugunuk an aralesululaʾ aboka bokol yeilimsa, dara onoʾ yok yuba donya be hnon alab neikaʾ wel binilum aboka bokosisa. Titus bera, ugunuk ab bonaʾ denaʾ hnon molowoka doboka desuk de? Bok nab Titus beb dara, neik ganya boboka, neik ununaʾ edya neikaʾ welenamaʾ ak, eiyilum do?

GALATIA 6:1

Hemyabo nang o! Ugun gangganek ara, ben hnon meknemlaʾ ak eibmun dara, ugun Imik Neyung berem ululum nang edya, pe ganya namenaʾ anyek, bera perob pik doro dibnelum. Unuwanalum bok, ugunuk hnon sikbabya malya ubnok senewoka sunuweisilyek anasa, ugumba diri uldalalulum.