1 KORINTUS 4:19 - PERJANJIAN BARU NALCA YUBA

¹⁹ Wenelesilnya bedya, nak or Korintus nim ek bulul senewalya dara, mek anam ugunuk kemel yanasin. Na yanya danyek wera, dengdang ganya bolomak nim era, nera yuba dem ok salamak gom, aldib migib ulumak gom ara eibnamna.

1 KORINTUS 4:19 Խաչաձեւ Հղումներ

RASUL 18:21

Bok, onoʾ binimok sum era lebokja, ”Imik Neyung adya or helya dara, eimik onoʾ ugunuk saawoka yanasin,” hyok. Paulus bera seleb wenyabgogomok dara, mek ekla bunaʾ pik Epesus heikek ab ara, Antiokhia moka bununaʾ aboka lanawok.

RASUL 19:21

Yokaʾ-yokaʾ nidyaʾ seleb unuru dakdomok dara, Paulus bera Makedonia moka binyekanya, onoʾ Akhaya mok eb ara, Yerusalem heikek binimna senen ganya bobok. ”Wera seleb ono sam byukuk ab dara, onoʾ nara wen Roma binimna,” hyok.

IBRANI 6:3

Imik Neyung adya nuk sikda or anaso unuwanok senelesilya dara, wera nenyek nunda unulumnumab.

2 KORINTUS 1:23

Nara Korintus heik yanggubsaʾ ara, ugunja ganya soloma neneweisinyek aboka ubsaʾ ara, nadya unu seiniwasenya neneba, Imik Neyung ara ella ulunel.

1 KORINTUS 11:34

Denemun sum enyek, nimi hnon gwaneng ok ublya dara, orowek aljaʾ ek ab pe delul. Ban lebnanya nenyek pe unulumun dara, Imik Neyung yuba longowoka bekoka delemunaʾ hmeinggin ara, Imik Neyung adya ugunuk malya uyiwanggunusil. Yok-yok yuba dara, nadya ugunuk yanya sum enyek, anaso-anaso aboka neknesin.

1 KORINTUS 4:18

Nimi wene nang ugun gangganek ara, nera Paulus bera anyagan yanggublul senewoka, sikda dengdang ganya bobak.

1 KORINTUS 2:6

Ban ulumsaʾ anaba, Imik Neyung yuba hyak ganya ologoka kaboka domek nim ek ara, naba hnon geremsengaʾ ella danganaʾ hnon lel eleklesin. Bok, ban lel eleklesin geremsengnya nenera, sokok an ella dangalamak geremsengnya nera unggulumla. Onoʾ sokok an dub dangoka ulumak nang sikja geremsengnya nera unggulumla. Eimik ban dub nang era, hyak denghenemak.

ROMA 15:32

Dara na ban Imik Neyung adya wen senemlyaʾ sunuwoka ugunuk ganya eiya daboka yanamnakanya, ganya heknaʾ ugunub neikaʾ dobnemab.

YAKOBUS 4:15

Alda ban nenyek wenyhenesom dara perob, ”Imik Neyung adya unuwanamak senemlya dara, nunda embengaʾ ulumeibyekanya, ban unu an unu ulumnamab,” henesom dara perob.

1 KORINTUS 16:5

Nara ugunuk kemel yanggeisinya dara, Makedonia pik uboka kemel binisin senelamnaʾ anasa, pik enyek an uboka keebgiga ugunuk yanesin.

1 KORINTUS 14:5

Ugunda nidyaʾ yok-yok yuba salamnasom dara, perob senewanesinya. Bok, hyak nauba perob nong ara, ugunda Imik Neyung adya unuwaseng senelamlaʾ anyek, nim ek lel eleklemnesom dara, nauba perob senewanesinya. Imik Neyung yuba lelemak nang ek dara, hyak dib nong nang ulumak bok, yok-yok yuba salamak nim era, yuba danganaʾ orok dara, or mek so ulumak. Alda yok-yok yuba salamak nim era, yuba dolomak nim enyek migibaʾ dangiyiwanobaʾ aboka, yuba dangawanamla dara, pellilimnesil.

RASUL 20:2

Paulus bera alda Makedonia moka nidyaʾ yibiniboka, wera anyagan ulumek nim ek pe ululum aboka wenyaboka wenero yabalesuk. Bok nen unubgogowokaʾ seleb dara, Paulus bera Yunani moka byuk.

1 KORINTUS 4:6

Anasa nadya hemyab o, ugun pesindamba dara, nadya Apolos bek hnon, nak hnon, sunuwoka seleb lebsin. Ban unusenya nera damok ara, anadya ugunda nuk keeboka, sik unulurak senewoka pe unuwolulum, anya wera, wen ulumla pe unulumakaʾ anyek salabmoublulumaʾ aboka ubsin. Anadya wera, ugun moumen ara, nunda perob nim aboka, gigibdangoka onoʾ yok nim era, malya nenewomunuk aboka ubsin.

1 KORINTUS 16:7

Nara ugunuk ara, or yokok yabanakanya li hnonok kemel lobsinaʾ ara, lek senelamna. Wenelesilnya bedya or senewalyebok dara, nara ugunuk li gong ubwenewanamna.

2 KORINTUS 10:9

Dara, nadya momnya doboka beillilesinaʾ adya, ugunda hekasa ulusil aboka lok ganya bobmunuk senelamna.