1 KORINTUS 3:23 - PERJANJIAN BARU NALCA YUBA

²³ Dara, onoʾ ugun nong ak dara, Kristus aljinya uboka, Kristus nong ak dara, Imik Neyung aljinya ulumla.

1 KORINTUS 3:23 Խաչաձեւ Հղումներ

GALATIA 3:29

Dara, ugunda Kristus alja mab ulumun dara, Abraham nang yilaʾ dangoka ululum. Anasa, ugunda Imik Neyung adya Abraham bek eleganesin amokaʾ ak dobnelum nang ek ululum.

1 KORINTUS 15:23

Bok, nimi nidyaʾ munaʾ gobdo yok-yok elaʾ gigiro embengaʾ suboka bukiyiwanasil. Kristus ak men embengaʾ suboka bukiyibok. Dara, onoʾ eimik al Kristus yanggalya sum era, alja ak ulumak nim era, embengaʾ suboka bukiyiwanasil.

1 KORINTUS 11:3

Wera hnonok ella daseng senenanya donok pe ella danalumaʾ ara, nenya adya hukuk ara, Kristus hnonok dubnya ulumla, gel adya hukuk ara, nenya ulumla. Dara onoʾ, Kristus adya huk dubuk ara, Imik Neyung ok hnonok ulumla.

YOHANES 17:18

Neyung anja nak sokok an bokol yeilinulum sok, nadya onoʾ sikenek sokok an boksisa.

2 KORINTUS 10:7

Ugunja hogung ak laga ululanya nenyek kemelelulum. Nimi ben hnon, nara Kristus adyaʾ ak ulumna senebdalya dara, al damnya nara benyek Kristus aljinya ulumna senelamla sok, numbabya Kristus adya nim ek ulumak senewosulul.

ROMA 14:8

Anasa nunda embengaʾ ulumab dara, Imik Neyung amba ulumab. Anya nunda somoganamab dara, onoʾ Imik Neyung amba somoganamab. Wera anasa, embengaʾ unaʾ gom, somoknaʾ gom, nidyaʾ ara nunda Imik Neyung aljinya ulumab.

YOHANES 17:21

Dara, nadya anak mololamnaʾ ara, Neyung anda na lomok ulunelemekanya, nara an lomok ulunggen sok, sikbabya neikaʾ hiboka hnonok ulunokaʾ aboka mololamna. Wera onoʾ, soko nim adya, nak aldib Imik Neyung adya bokol yeilimok senewanokaʾ aboka, sikda hnonok uboka nu lomok ulunokaʾ aboka mololamna.

GALATIA 5:24

Nim ara, Kristus Yesus adyaʾ seleb dangarob nim era, sokok an nimi ganya era, yok-yok malya unaʾ salyaʾ doro unulusinya ganya ab, salyaʾ meknewoka unulusinya ganya anyek, seleb oboka gal ak glabek.

1 KORINTUS 8:6

nun nong ak dara, Imik Neyung nunja neyung hnonok ok ulumla. Al adya dara, yokaʾ-yokaʾ nidyaʾ uyimoknya bek ulumla. Nunda al nong amba ok ulumab. Nunja Wenelesilnya bera, nuk dara hnonok ok ulusilaʾ ara, Yesus Kristus hnonok ulusil. Nidyaʾ yokaʾ-yokaʾ ara, Yesus Kristus pik moruwoka uyimok. Dara, nunda al adya embengaʾ ulumab.

1 KORINTUS 7:22

Nimi ben hnon, oruknanya bek bok, Wenelesilnya bedya youbomok bok dara, wenera alda Wenelesilnya bedya gloʾanya dangalamla. Bok, youbomok sum enyek, gloʾanya ulumok bok dara, alda Kristus adya wa wenya dangalamla.

EPESUS 1:10

Unu seinimokaʾ ara, yokaʾ-yokaʾ wen ulumlaʾ nidyaʾ sidyaʾ daknamla salek enyek, Imik Neyung adya dara, imik ulumlaʾ sokok ulumlaʾ, nidyaʾ hnonokaʾ ak nenewoka Kristus anyek dubnya ulumnamla aboka orowek seinimok.

MATIUS 17:5

Petrus bera anam wenyaboka yuba salamok sab-sab, debaʾ buma hnon sikenek so siklel yinggisuk dara, debaʾ lomok sam ab yuba hnon, ”Nadya wanaʾ nong ulumna me nera ban. Alja nadya ganya hekel eleklenel. Alak pe keblulum e!” hyok.

1 KORINTUS 15:28

Imik Neyung nong anyek, nidyaʾ yokaʾ-yokaʾ ara, aljinya nok dolulaʾ aboka, Kristus ara albabya, Imik Neyung adya yokaʾ-yokaʾ nidyaʾ ara, alja damumduk seleb nenewalya dara, wera Kristus adya al damnya ara Imik Neyung damumduk nenebdanamla. Dara Imik Neyung adya albeyok nidyaʾ wenewoka bo ulumnesil.