1 KORINTUS 3:19 - PERJANJIAN BARU NALCA YUBA

¹⁹ Nera sokok anyek geremseng nong senelemaknya nera, Imik Neyung adya dara, dongdang anaʾ anya senelamla. Imik Neyung bukuk momnya dobokaʾ ara, ”Yokaʾ-yokaʾ geremseng ulumak nim ek, Imik Neyung adya geremseng ulumakaʾ ak ab, henga weboka youlusil,” aro dobok.

1 KORINTUS 3:19 Խաչաձեւ Հղումներ

1 KORINTUS 2:6

Ban ulumsaʾ anaba, Imik Neyung yuba hyak ganya ologoka kaboka domek nim ek ara, naba hnon geremsengaʾ ella danganaʾ hnon lel eleklesin. Bok, ban lel eleklesin geremsengnya nenera, sokok an ella dangalamak geremsengnya nera unggulumla. Onoʾ sokok an dub dangoka ulumak nang sikja geremsengnya nera unggulumla. Eimik ban dub nang era, hyak denghenemak.

1 KORINTUS 4:6

Anasa nadya hemyab o, ugun pesindamba dara, nadya Apolos bek hnon, nak hnon, sunuwoka seleb lebsin. Ban unusenya nera damok ara, anadya ugunda nuk keeboka, sik unulurak senewoka pe unuwolulum, anya wera, wen ulumla pe unulumakaʾ anyek salabmoublulumaʾ aboka ubsin. Anadya wera, ugun moumen ara, nunda perob nim aboka, gigibdangoka onoʾ yok nim era, malya nenewomunuk aboka ubsin.

EPESUS 4:14

Anasa, mek mab edya ganya windong-wandong alamak sok, nunda yok-yok damoka neksin yub edya giliwoka bol goknenggulumnesil. Hnon nang era meknewoka bobnenewoka leboka, henga weboka youlosak bok, sikja yuba keboka ununggulumnemab.

YAKOBUS 3:15

Ban lebna geremseng unaʾ era, imik heikek ab yangganggululabok, alda sokok ab hnon, bisaʾ ak ab hnon, nimi ganya dukaʾ adya lanalamla.