1 KORINTUS 3:10 - PERJANJIAN BARU NALCA YUBA

¹⁰ Imik Neyung adya nak wanaʾ uboka eleksinaʾ edya wera, nara e sonya beneso uboka, nadya men e igimsaʾ ak ara, yok nanga makoka solomak. Bok, nimi nidyaʾ ara, nadya egomnaʾ igimsa ak, hekaʾ huboka sobnamna do senewoka pe kendenemso.

1 KORINTUS 3:10 Խաչաձեւ Հղումներ

MATIUS 24:45

Dara Yesus ara onoʾ hnon lebokaʾ ara, ”Wera anaso dara, wa arawoka wenya bera, heknyek geremseng uboka pe bojam ulumnamla do? Anedya perob sum dalya dara, wa damnya bedya nim ek denaʾ deb elegosululaʾ aboka, dubnya bera anasonya bek sekiyiwanamla.

MATIUS 7:24

”Wei anasa, nimi nadya yuba keboka pe unulumak nim era, sikda geremsengnya e pe girik dubuk sam somoknya benesoʾ ak ulumak.

LUKAS 11:35

Anasa wera, ugun an ulusil dilinaʾ era, gunaʾ deisilyek anasa, keeboka ulululum.

LUKAS 21:8

Anasa Yesus adya dara, ”Ugunuk bobnenewoka sondaʾ amba nauba malya ubsijek anasa, keeboka ulululum. Nimi nauba eimik era, nadya si sibuka yeijikanya, Alda nara an yan! anya, Wera soko dengan salek era seleb oka dal, henesak bok, ugunda dib senewoka dilinaʾ ara hyak mem.

RASUL 18:27

Wera danyek, Apolos bedya dara, Akhaya moka binimna senen ganya bobok. Wera anasa leboka, alja hemyab edya or binilam wenyaboka, Akhaya diriga ban nang ek sam, ugunda Apolos yanggalya dara, doro diblulum aboka momnya donaʾ beiyimek. Wera Apolos bera seleb Akhaya moka byuk dara, alja nimi nauba Imik Neyung adya wanaʾ uboka arasuk adya yuba dib senewoka domek nang ek ara nauba arasuk.

ROMA 1:5

Dara al si pik ab uboka, nunda wanaʾ uboka eleksinaʾ ab, yuba lenaʾ gak wa dara, nidyaʾ yok-yok mok soko nim era yub ak ganya dib donaʾ pik uboka pe keboka, sikda alja si nek aldib senewanok aboka dobub.

ROMA 12:3

Nak wanaʾ uboka eleksinaʾ damok enyek sunuwoka, nara ugunuk nimi yok-yok wenyhenemna, Ugunda ugun seiniwoka unuwanasomnya nera hwiboka, hyak senenggom imik unuwanggunusomnya nenyek seininggom, mem. Bok ganya onoʾ yok so uboka pe seinililulum, wera anedya ugun nong ara, ban Imik Neyung adya nimi yok-yok eleklesilaʾ, ganya dib senenaʾ pik uboka, yokaʾ ak ganya sobaʾanya senewanalum.

ROMA 15:15

Bok Imik Neyung adya wanaʾ uboka eleksinaʾ anyek, nak seleb eleganyoknya nenesa, nara or ono sam gom, anasam gom, ugunuk hnon an wenyamsaʾ anyek ella ublulum aboka, asaʾ gebdangoka momnya doboka an seleb beibsisa.

ROMA 15:20

Anya ban yub en lero yabalamsa dara, nara nadyaʾ perobaʾ anyaʾ senelamsaʾ ara, Kristus si seleb ella unggulumeija nang mok soko era, yok nang edya seleb yangameija damok enyek, onoʾ nadya sounuwoka an eilib sob siklewanyek aboka, sikja mok heik era lelemsa.

1 KORINTUS 3:11

Seleb ikimok egomnaʾ diba ara Yesus Kristus. Yok nang era, yok egomnaʾ dibaʾ iknamenggom.

1 KORINTUS 9:2

Nimi yok nang edya nak ara, Imik Neyung yuba lenaʾ gaknya ulumla hengguneneseng bok, ugunja dara, alda Imik Neyung yuba lenaʾ gaknya senewoka seiniyiwanenesom. Nera damok ara, alda ugunuk Imik Neyung yuba lebsisaʾ adya, ugunuk Imik Neyung mab ululum dara, wera nera nara aldib Imik Neyung yuba lenaʾ gaknya ulumna beknaʾ edya ugumbabya ululum.

2 KORINTUS 10:15

Imik Neyung adya ugunda anyagan welemnelum aboka gamaʾ iknenggusukaʾ ak an, yok nim edya welemaknya nenesa nonggo anggulumab. Bok nunda hnonok senelemabaʾ ara, ugunja yuba dib senenaʾ anyek nauba danggiga balamnamla dara, nunjinya nauba dolul, senelemab.

EPESUS 2:20

Wera Yesus Kristus ara men ikimok egomnaʾ uboka, yuba lenaʾ gak nang eb, ununumnaʾ lelemek nang edya ikimek egomnaʾ ak, ugunda anyagan makoka sobsuk.

KOLOSE 1:29

Wera anasa, nara ban nenyek unuwoulul aboka, nadya migib nidyaʾ yeiriwoka, onoʾ alja migib na lomok welenel anyek sunuwoka, an unuwaso senewoka welemna.

KOLOSE 4:17

Dara, Arkhipus bek anaba wenyhenelum, Wenelesilnya amba doblum wa nera pe keeboka nidyaʾ pe welesilom, henelum.

1 TESALONIKA 3:2

nunja hem be Timotius bera ugunuk boksunum. Alda Imik Neyung amba wa nub neikaʾ Kristus amba perob lero yanggan yuba neikaʾ welemabnya bek ulumla. Nunda Timotius benyek ugunuk bilom aboka boknamaʾ ara, alja ugunuk pe unuwanalum aboka wenewoka bo uboka, Kristus anyek dib ganya ologoka ulululumaʾ aboka, al adya ganya migibaʾ geblemnesil aboka bokonam.

1 TIMOTIUS 4:16

Anja unulumenaʾ hnon, anja neklesimenaʾ hnon ara, an moumen anaba pe keebmoubdangoka unulumnelam. Ban nenyek pe unulmorulemen dara, an dam nang hnon, anja yuba kelenjak nimi hnon, nidyaʾ blebnesil.

2 TIMOTIUS 2:15

Anak Imik Neyung adya dara, nasamba wa pe welenelnya bera an senelenggululaʾ aboka, hyak pe yeiriwoka welelom. Anja wa welelamaʾ ara, alya ubnelyek senewoka, anya Imik Neyung ak ab neknaʾ yuba pe sunuwoka neklelomaʾ aboka hnon, pe keeboka welelom.

YAKOBUS 3:1

Na kabo nim o! Ugunda banyek ella danalum, yok nim era or mek so bok, nunda neksin nang dangalamab nang enyek, eimik era hyak gasaʾ anyek nauba yana lelewanasil bok anasa, nauba neksin nang danamab senenaʾ ara mem.

1 PETRUS 4:11

Nimi ben hnon yuba lebnelenya bera, alda Imik Neyung yub aldib an aboka lelelul. Nimi yok nim ek arawanasin senewalenya bera, Imik Neyung adya elegamlya migib ek sunuwoka aralesulul. Wera anadya yokaʾ-yokaʾ unulumnelumaʾ ak ara, Yesus Kristus pik uboka Imik Neyung si ak imik nenewanokaʾ aboka unulululum. Imik Neyung ak hnonok alak ok senenggom migibnya ululul, alak ok sobaʾ gibelmorulunok. Amin.

2 PETRUS 3:15

Imik Neyung ara men yangganggulumlaʾ ara, nuk blebsununaʾ ubokaʾ senewoka ugunda ganya enyek, pe boblulum. Nunjaʾ hem be hiboka wanaʾ ulumabnya Paulus bedya ugunuk wenyaboka momnya doboka beibsuk. Alda ugunuk momnya doboka beibsukaʾ ara, Imik Neyung adya alak geremseng eleklelanya nedya ubsuk.

WAHYU 21:14

Anya, heik en egomnaʾ ikokaʾ ara, obadya senenggomaʾ ikoka sobookanya, domba me adya nim obadya nang yuba lenaʾ gak nang, sikja si nera anyagan momnya dobok.

WAHYU 21:19

Anya mek yabnaʾ ikok girik era, gabaʾ eleb-alab alamla sok girik dadya yangaro byuk. Men yangawok egomnaʾ era eleb-alab alamla girik edya yangawok. Penenya nera embeng mekla girik bokaʾ edya yangawok. Winilinya nera, embeng mirin sub girik edya yangawok. Domnya nera, embeng elerob nong girik edya yangawok.