1 KORINTUS 2:15 - PERJANJIAN BARU NALCA YUBA

¹⁵ Geisa lomok ulumak nim era, yokaʾ-yokaʾ nidyaʾ ara yana lelelabok, al nong ak dara, yok nim edya yana lelenggulumak.

1 KORINTUS 2:15 Խաչաձեւ Հղումներ

1 TESALONIKA 5:21

Yokaʾ-yokaʾ nidyaʾ sunuwomunukanya, perobaʾ ok gasa salabmoubuka ulululum.

IBRANI 5:14

Bok gasa denaʾ ak dara, nimi ganya karob nim edya, sobaʾ sunuwoka eillilimakaʾ adya, nenera perobaʾ, nenera malyaʾ senewoka, ella dangalamak nim emba ulumla.

1 YOHANES 4:1

Nadya wanaʾ ulusin hemyabo nim o! Sondaʾ anasa nunda ununumnaʾ len nang aboka, bobnenewoka lemek nang era, mok soko nidyaʾ ob lelewal bok anasa, yok-yok senenaʾ ak ara salyaʾ dib senenaʾ ara loboka, alda men ganya seininaʾ enera Imik Neyung adyinya gom, nera yok gom aboka men sunuwomunjok, wera aldib senewanalum.

1 KORINTUS 14:37

Hnon nim era, ununumnaʾ lenaʾ damok migibaʾ ulunel gom, Imik Neyung Geisinya adya yok eleknaʾ elegenyok senemlya dara, wera nadya momnya doboka beillilamnaʾ anara, Wenelesilnya bedya oruknaʾ yub ara, an senewoka yo hulul.

GALATIA 6:1

Hemyabo nang o! Ugun gangganek ara, ben hnon meknemlaʾ ak eibmun dara, ugun Imik Neyung berem ululum nang edya, pe ganya namenaʾ anyek, bera perob pik doro dibnelum. Unuwanalum bok, ugunuk hnon sikbabya malya ubnok senewoka sunuweisilyek anasa, ugumba diri uldalalulum.

PILIPI 1:10

Wera ban adya ugunda perobnya nenyek ella uboka welemunaʾ adya, Kristus yanamla sum era, ugunja nong unaʾ era, gegena ponaʾ loboka malya ulumak nim aboka yana kibsilyek anasa, mololesin.

1 KORINTUS 3:1

Ugunuk dara, nara Imik Neyung Geisa ganya seleb ulusil nim enesoʾ ak lebnenggusisa. Bok, nara ugunuk yuba lesisaʾ ara, sokok an seinilemak nim ek lelemak sok, onoʾ Kristus ak dib senelemak bok, anam moum den mab anasoʾ ulumak nim ek lelemak sok, ugunuk lesisa.

KOLOSE 1:9

Anasa, an unu ulumak an yub kebub salek eb moruwoka, nunda ugunsamba sobaʾ heng uboka mololdibilloklesab. Ugunda Imik Neyung adya senelamla ganya anyek pe munaʾ gobdo ella ublulumaʾ aboka, yok-yok Imik Neyung ak ab geremseng un ganya ab, yuba domna adya ella un ganya ab, boblulum aboka nunda mololosab.

1 KORINTUS 4:5

Anasa wera, ugunja men, bera malya ubla, bera pewal aboka, berra aboka yana leleldanggom. Alda diri ulumunaʾ ara Wenelelesilnya bedya yalyekanya, al adya yok-yok damoka nidyaʾ gunaʾ lomok sam doknolomlaʾ ara, poboka laga nenewanamla. Imik Neyung adya, onoʾ nimi ganya lomok mouboka seinilemaknya nera, laga nenewanamla. Ban sum enyek, nimi nidyaʾ ara, Imik Neyung adya sikenek unuro yana lelewoka gigiwanesil.

RASUL 16:3

Wera anyek eiyiwoka, Paulus bedya dara, nab neikik bininam aboka, Timotius bedya bolaʾ garamok. Ban unumoknya nera damok ara, anyagan Yahudi nang ulumeekanya, nidyaʾ ara Timotius alja neyung bera Yunani nang ulumla senelemek anasa umok.

YOHANES 7:17

Imik Neyung senelamlaʾ anyek, dib unuwonun senelelanya bera, nadya neklesinaʾ anara, nadya ok ganya doboka salyaʾ neklesin gom, Imik Neyung ak abaʾ ak neklesin gom ara ella danamla.

1 YOHANES 2:20

Bok ugunuk dara, geisa ululanya bek ab Geisinya ara ugunuk seleb lobonggosukaʾ anasa, wera ban adya dib nong yub ara, ugunda seleb ella ululum.