1 KORINTUS 16:6 - PERJANJIAN BARU NALCA YUBA

⁶ Or pewalya dara, saragenaʾ li yenewanalabok anasa, unumlya salek era, ugunublaboka neikaʾ ub einiwanamab. Ban nen seleb unuwanya dara, yok-yok heikek kemero yibinunaʾ aboka arawananulum.

1 KORINTUS 16:6 Խաչաձեւ Հղումներ

RASUL 15:3

Wera dara, Antiokhia heikek Imik Neyung yuba donaʾ nim edya, sikenek bo heik gokgobok sam bo bisik dara, sikda Fenesia pik uboka, Samaria heik ab ara unuwoka byik. Dara, pikik balamek ab ara, Yahudi gom nim eneba, Imik Neyung ak ganya dangawoka yuba dolomak aboka wenyaboka nekgiga balamek. Dara, anyagan Imik Neyung yuba doboka ulumek nim era, ban yuba kemek dara, sikda hyak ganya eiya dasuk.

ROMA 15:24

nadya senelamnaʾ ara, nara Spanyol sam bannya dara, ugun ululumaʾ ak dek-deka sobnyekanya, ugunub eibdanamab senelamna. Wera anedya, ugunublaboka unaʾ anyek or mekaʾ anyaʾ senewanya dara, ugunda nak bokol bininulum senelamna.

TITUS 3:12

Nadya Artemas bek gom, Tikhikus bek gom, anak bilom aboka ben hnon boknyaʾ anyek, ben hnon anak yalya dara, nara sargenaʾ li yenewalyebok dara, Nikopolis moka ulumnamna senemnaʾ anasa, men na ulumnyaʾ ak berra yanalam.

2 KORINTUS 1:16

Nadya seinib losenya nera, ugunja pik uboka Makedonia moka binimnekanya, samal yangganyakanya, onoʾ ugunuk seʾ kemedesinya dara, nara Yudea sam binimnyaʾ anasa, ugunda arawonululumaʾ aboka seiniblomsa.

1 KORINTUS 16:11

Ugunja dara, Timotius bek ara, alda meksonya senenaʾ ara hyak mem. Nara Timotius beb yok yuba len nang eb yanamakaʾ anyaʾ senewoka diri ulusinaʾ anasa, ugunja pe arawoka ubmunaʾ adya, alda men pe nak yoululul.

RASUL 28:11

Wera nunda Malta sokok ara seleb walaʾ winilya ububa seleb dara, Malta sokok ab dara, Aleksandria mok eb mek ekla bunaʾ era, saragenaʾ li wenyek anyagan ulumok mek ekla bunaʾ ek bukoka lanabuba. Wera ban mek ekla bunaʾ saramek sekiyimek gal ak ara, sikja bisaʾ dub nang Kastor beb, Polluks beb danyek, sunuwoka garamek.

RASUL 27:12

Wera perob mek ekla bunaʾ malamla ak ara perob gom adya, wera anyagan ara, saragenaʾ li dara, kaboka mabdabnenggunumso anasa, wera mek ekla bunaʾ gliboka bolomek nang nauba so edya dara, anyagan ara loboka saragenaʾ li ubnalabok anasa, men Feniks moka binimab senemek. Feniks alamek heik era, Kreta mek dubuk sokok sam uboka, mek ekla bunaʾ bul yalamok mek gemek ara, kemban dabo sam hnon, kemban woru sam hnon ulumok.

RASUL 21:5

Bok anyagan ulumouba salek enyek, Yerusalem heikek ban salek era oka dok dara, Tirus nang era anyagan loboka, nunda lanawoka balamouba dara, sikja gelewa mab ab, nidyaʾ nuk arawoka bobsiknya nera heik gokgobok sam bo bokol bisik. Wera mek gwan berem mek ekla bunaʾ ak byuba dara, nunda nidyaʾ sikeneb komo lumugoka heng uboka molomouba.

RASUL 20:38

Paulus bedya, ”Epesus nim ugunda hnon saawoka eibnenggununulum,” amok adya, men nonogoka nauba so engelemekjok, binimok mek ekla bunaʾ ak sam bo bokol bilimek.

RASUL 17:15

Wera Berea heikek ab ara arawoka bobeknya nera Atena heikek sam bo bokdo dorogek dara, Paulus bo bokol bilimek nang edya, Paulus bedya Silas Timotius anyek men na yan sok yorurum aboka yuba beibuk dara, sikda wenyamok yuba boboka yeilimek.