1 KORINTUS 16:12 - PERJANJIAN BARU NALCA YUBA

¹² Nunja hem be Apolos bek dara, nunja hemyabo yok nang eb kemel yeisinokaʾ aboka, li wen pe weneb einiwasa. Bok alja dara, nara wen dib binimna senen ganya bonaʾ ara orok. Bok ban salek enyek pewalyaʾ eiblya dara, eimik era hyak dib kemel yanasilaʾ ak ulumla.

1 KORINTUS 16:12 Խաչաձեւ Հղումներ

1 KORINTUS 1:12

Nadya wenyhenya nera damok ara, ugun gangganek ara hnon ara lelelumja, ”Nara Paulus bek diriga balamna,” hnon nang edya dara, ”Nara Apolos bek diriga balamna,” onoʾ yok hnon nang edya dara, ”Nara Kristus ak diriga balamna,” alalumaʾ anasa lebsin.

1 KORINTUS 3:5

Dib nong ara, Paulus bera heknya do? Onoʾ Apolos bera heknya do? Nunda welenamnya nenyek, ban adya dib senelum bok, nunda Imik Neyung adya alja wa arawoka, welenam nang ok ulunam. Nunda or Wenelesilnya bedya ban wa nenyek welerurum aboka, elegesukaʾ ok welenam.

TITUS 3:4

Bok nunja blebsinaʾanya Imik Neyung bedya nuk alja perob unaʾ ab, onoʾ alja wanaʾ usinaʾ ara, seleb amasuk dara, alda nuk blebsuk.

1 KORINTUS 3:22

Anasa Paulus gom, Petrus gom, sokok an gom, somoganalumaʾ gom, embengaʾ ulumnalumaʾ gom, wen ulumla salek gom, eimik yanamla salek gom, nidyaʾ ara, ugunjinya yokaʾ nong ulumla.

RASUL 18:24

Wera danyek, Aleksandria mok eb beiyimeknya Yahudi nanga ben hnon alja si nera Apolos alameknya benyek, alda Epesus heikek eimik yeilimok. Alda hyak yuba sanaʾ ak sam geremseng nongnya uboka, Imik Neyung yuba momnya dobokaʾ nidyaʾ ara alda hyak gobdo ella ulumok.

RASUL 24:25

Bok Paulus bedya jong unaʾ yub ab, ganya siklewoka unaʾ yub ab, eimik Imik Neyung adya nidyaʾ yana lelewanasil yuba lel yabok dara, Feliks dubnya bera hyak loka daboka Paulus bek, ”Wera nera anda seleb leblam anasa, anda or bimenekanya, onoʾ yok sum lebnesilim senewanamna salek enyek, el bululum henya dara, anak el yananjak,” hyok.

MARKUS 6:21

Wera yok sum enyek Herodias gedya seinilimoknya nera gigiwok. Ban sum era, Herodes be beiyimek sum dangamokaʾ anasa, masa senenggomaʾ youmookanya, senenggom dub nang eb, yinaʾ bonaʾ dub nang eb, Galilea sokok dub nang eb, del yanalum aboka lebok.

RASUL 19:1

Wera Apolos bera anam Korintus heikek ulumok salek enyek, Paulus bera oblyek pik uboka yabalamok ara, Epesus heikik lanal bilimok. Dara, Paulus bera Epesus heikek seleb byuk dara, anyagan Imik Neyung yuba doro diriga ban nang eb ehwibdangamek.

TITUS 3:13

Senas yuba damok elnya beb, Apolos beb dara, sikda pe lanawoka baladurukaʾ aboka, sikenek unggulumlyaʾ nidyaʾ anyek, pe duboka arawanasilim.

RASUL 15:34

Bok Silas bera, nara anyagan ulumnamna aboka, Antiokhia heikek dibaʾ lomok.)