1 KORINTUS 16:10 - PERJANJIAN BARU NALCA YUBA

¹⁰ Timotius bera ugunuk an yalya dara, alda nababya Wenelesilnya bedya wa welemna sok, albabya neik wa welemabnya bek anasa, ugunuk ganya goluwosululaʾ aboka perobaʾ leboka pe doro dibnelum.

1 KORINTUS 16:10 Խաչաձեւ Հղումներ

1 KORINTUS 15:58

Hemyabo nadya wanaʾ ulusin nim o, anasa wera, ugunda ganya kaboka migibaʾ anyek ulululum. Ugunja Wenelesilnya bemba nidyaʾ welelum wa nera, salyaʾ lelem danggunusil anasa, ugunda Wenelesilnya bemba yeiriwoka welelulum.

1 TESALONIKA 3:2

nunja hem be Timotius bera ugunuk boksunum. Alda Imik Neyung amba wa nub neikaʾ Kristus amba perob lero yanggan yuba neikaʾ welemabnya bek ulumla. Nunda Timotius benyek ugunuk bilom aboka boknamaʾ ara, alja ugunuk pe unuwanalum aboka wenewoka bo uboka, Kristus anyek dib ganya ologoka ulululumaʾ aboka, al adya ganya migibaʾ geblemnesil aboka bokonam.

1 KORINTUS 4:17

An nenesa leboka, hem Timotius benyek na lunuwoka ugunuk bilom aboka bokol yeisin. Al Timotius bera, Wenelesilnya bemba ganya goluwoka pe welelanya bek, nadyaʾ yokaʾ dam me neneso wanaʾ ulumna me nek, bokol yeisin. Alda hyak pelemla senewoka, welelul senelamna me. Dara alja ugunuk, nadya Kristus ak dib senemsa danyek ulusenya nenyek an ara, nadya yuba donaʾ nimi wenero yabalasinaʾ anyek, ugunuk saawoka bekellilimnesil.

ROMA 16:21

Nadyaʾ hembe, neik wa welenamnya, Timotius bedya hnon, nadyaʾ hemyabo, neikmok nang, Lukius bedya hnon, Yason bedya hnon, Sosipater bedya hnon, ugunuk perob aboka gibisak.

1 TESALONIKA 4:12

Dara, sobaʾ anaso pe ulumnelumaʾ adya, yok nim era perob senelemnesak. Anya, yok nim ek arawananulum aboka sobaʾ molonggulumnusom.

2 KORINTUS 6:1

Nunda neikaʾ welemab nang edya, Imik Neyung adya ugunuk wanaʾ uboka eleknaʾ dololumaʾ anyek, salyaʾ lelem domunuk aboka dukaʾ lololosab.

2 KORINTUS 1:1

Nadyaʾ hemyab, Imik Neyung yuba donaʾ nim Korintus heikek ululum nim eb, Akhaya sokok sam munaʾ Imik Neyung mabo nidyaʾ ab, hemyab o! Nara Paulus bedya, Yesus Kristus adya yuba lenaʾ gaknya, Imik Neyung adya senemokaʾ sunuwoka sekiyiwanyoknya bedya, nunjaʾ hem be Timotius beblaboka,

1 KORINTUS 16:11

Ugunja dara, Timotius bek ara, alda meksonya senenaʾ ara hyak mem. Nara Timotius beb yok yuba len nang eb yanamakaʾ anyaʾ senewoka diri ulusinaʾ anasa, ugunja pe arawoka ubmunaʾ adya, alda men pe nak yoululul.

RASUL 19:22

Dara wenyek, Paulus bera alda anam Asia moka ulumookanya, Makedonia sam ara alak aralerek nang ek ara, Timotius beb Erastus beb danyek, ugunuk binirum aboka bokol bilisuk.

RASUL 16:1

Wera Paulus bera balamok ara Derbe heikek ab uboka dara, onoʾ Listra heikek byuk. Dara, anyagan ara Yesus ak yuba doro diriga balamoknya si Timotius ben hnon ulumok. Alja genong gera Yahudi nimi yokaʾ bok, Yesus ak dib senewoka domok gel. Bok alja neyung bek dara, Yunani nang ulumok.