1 KORINTUS 16:1 - PERJANJIAN BARU NALCA YUBA

¹ Wera rupiah yub ak lebnesin. Ugunja rupiah yokaʾ munaʾ Imik Neyung mab emba mamagoka beillililum ara, Galatia moka yuba dolomak nim ek, nadya wenyasisa yub enyek, sunuwoka pe unuwolulum.

1 KORINTUS 16:1 Խաչաձեւ Հղումներ

1 YOHANES 3:17

Nimi ben hnon alda sokok an yokaʾ-yokaʾ ara pe nauba ululabok, alkabo ben hnon bonaʾ garan ulumlaʾ eilliladyok, aranaʾ loboka eil lolomla dara, ban unululanya bera, alda Imik Neyung ak wanaʾ ululanya bera an heneseng de?

ROMA 12:13

Sik Imik Neyung mabo okna ubnesil dara, arawanalumukanya, an nong ak dara nara pik eboka, men arawounun senen ganya enyek sobaʾ bolomnelum!

GALATIA 2:10

Sikja dara, nimi bonaʾ denaʾ garan ulumak nim enyek, arawoka unulumnulum aboka, banyek ok moloweisik. Nadyaʾ anaba wa nera dib nong wa senewoka, hyak unuwanamna senemsa.

RASUL 24:17

”Nara gibnaʾ wen Yerusalem heikek unggulumsa ara, onoʾ wenyok ara, nadya mok soko nim emba sikenek arasik bonaʾ enyek, boboka onoʾ Imik Neyung ak gibgiga yokaʾ-yokaʾ beil bunun aboka anasa Yerusalem heikek yeilimsa.

PILEMON 1:7

Hem Pilemon o, anja nidyaʾ yok Imik Neyung mab ek wanaʾ ulusilimaʾ adya, wera nadya ganya heklenelekanya, naba anaso unuweisinya ganya nauba bolomna! Munaʾ Imik Neyung mabo nidyaʾ anja nong unaʾ enesa leboka, hyak nidyaʾ anak ara, ei-ei ganya bolonjak.

PILEMON 1:5

Nera an nong anyek, Wenelesilnya Yesus ak dib senewoka ganya ologoka ulumlakanya, onoʾ nimi yok munaʾ Imik Neyung mab ak wanaʾ ulusil an yuba kelemnaʾ anasa perob aboka ansamba nauba mololenggen.

IBRANI 6:10

Imik Neyung ara hyak pe sunuwoka eleklesilnya ulumla. Ugunja alsamba leboka, neik munaʾ Imik Neyung mab ek wanaʾ leblumukanya youmaʾ hnon aralelumaʾ ara, onoʾ wen hnon aralesulumaʾ amba dara, Imik Neyung ara, ugunuk hiliknenggulusilaʾ ak ulumla.

RASUL 11:30

Dara, seleb bolowoka mamagoka beibek dara, yuba dolomekaʾ dam nang ek bo binirum aboka, Barnabas beb Saulus bebdak orugosik.

RASUL 16:6

Imik Neyung Geisinya adya Paulus beb, Silas beb dak, Asia mok era Imik Neyung yuba lel birijek aboka mem hyok dara, loboka sikda Frigia sam hnon, Galatia sam yuba lebgiga birik.

GALATIA 1:2

Dara nab, nunjaʾ hemyab anyagan yuba donaʾ nim ulumak nim eb dadya dara, Galatia sokok yuba donaʾ nim ugunsamba momnya doboka beibsab.

RASUL 18:23

Wera onoʾ Paulus bera Antiokhia heikek ara, or li wen ubuk dara, yok sum era lanawoka Galatia sam hnon, Frigia sam hnon, yuba doro diriga ban nang ek ganya migib elegoka kayiwoka ubgiga yabalamok.

RASUL 11:28

Dara, ban yeilimek nang era ben hnon alja si nera Agabus. Alda sekoka Imik Neyung Geisinya migib adya aralemok adya ununumnaʾ yub anyek, orowek mok soko me nidyaʾ senenggom gwaneng okaʾ enesa leboka,

RASUL 9:41

Dara, Petrus bedya Dorkas gek soruk salawoka gliboka bukiyimok. Dara Petrus bera, anyagan ulumek munaʾ Imik Neyung mab eb, youwek salyaʾ ulumek gelewa eb yoululum aboka, Dorkas ge embengaʾ hweboka bukiyimok gel gera, wera anya e aboka sikenek elegesuk.

RASUL 9:13

Bok Ananias bedya dara, ”Wenelesilimnya, o nara ban benesa nimi nauba alsamba, alja nimi munaʾ Imik Neyung mab Yerusalem heikek ara nauba oboka unulusil alamaknya bek anasa,” hyok.

1 KORINTUS 4:17

An nenesa leboka, hem Timotius benyek na lunuwoka ugunuk bilom aboka bokol yeisin. Al Timotius bera, Wenelesilnya bemba ganya goluwoka pe welelanya bek, nadyaʾ yokaʾ dam me neneso wanaʾ ulumna me nek, bokol yeisin. Alda hyak pelemla senewoka, welelul senelamna me. Dara alja ugunuk, nadya Kristus ak dib senemsa danyek ulusenya nenyek an ara, nadya yuba donaʾ nimi wenero yabalasinaʾ anyek, ugunuk saawoka bekellilimnesil.

1 KORINTUS 11:34

Denemun sum enyek, nimi hnon gwaneng ok ublya dara, orowek aljaʾ ek ab pe delul. Ban lebnanya nenyek pe unulumun dara, Imik Neyung yuba longowoka bekoka delemunaʾ hmeinggin ara, Imik Neyung adya ugunuk malya uyiwanggunusil. Yok-yok yuba dara, nadya ugunuk yanya sum enyek, anaso-anaso aboka neknesin.

1 KORINTUS 16:15

Hemyab o, Akhaya sokok men yuba domek nimi Stefanus ek nim era, ugunda seleb ella ululumaʾ anyaʾ. Sikda munaʾ Imik Neyung mab amba aran wa ara nauba welemak.