1 KORINTUS 15:10 - PERJANJIAN BARU NALCA YUBA

¹⁰ Bok, Imik Neyung adya wanaʾ uboka eleksinaʾ nong edya, nara wera an seleb wen ulumna sok dasa. Imik Neyung adya nadya unulamsa malya unaʾ doboka boboganyokaʾ ara, salyaʾ lelem ub lobnenggubnyok. Nadya yok yuba lenaʾ nang era, nauba so ununaʾ orok bok, nak danyek nauba yeiriwoka welemsa. Bok, nera nadya ok wenggulumsa. Alda nenera Imik Neyung adya nak wanaʾ uboka eleksinaʾ elegenyokaʾ adya unumsa.

1 KORINTUS 15:10 Խաչաձեւ Հղումներ

PILIPI 4:13

Alda nak migib eleklenel Kristus aralenelaʾ adya, yok-yok igina kwelenel bok pe ulumnesinya ok senen ganya bolomna.

2 KORINTUS 3:5

Nunja unu welemab wa nemba dara, numbeyok dara, unuwamenggomaʾ ak ululabok, nunja unu migibaʾ welemabaʾ ara Imik Neyung adya ok eleklesil.

PILIPI 2:13

Nenesa leboka Imik Neyung adya, alja ganya ek hekel eleklenenokaʾ aboka ugunja ganya lomok sam weboka, unuweisinya ganya hnon, unuwanokaʾ aboka migiba hnon eleklesil.

GALATIA 2:8

(Imik Neyung adya Petrus bek nimi bolaʾ garalamak nim ek, yuba len wa arawoka migib elegemoknya bedya, neik so nababya bolaʾ garanaʾ orok nim ek neik wa welelulaʾ aboka arawoka migib eleganyok.)

ROMA 12:3

Nak wanaʾ uboka eleksinaʾ damok enyek sunuwoka, nara ugunuk nimi yok-yok wenyhenemna, Ugunda ugun seiniwoka unuwanasomnya nera hwiboka, hyak senenggom imik unuwanggunusomnya nenyek seininggom, mem. Bok ganya onoʾ yok so uboka pe seinililulum, wera anedya ugun nong ara, ban Imik Neyung adya nimi yok-yok eleklesilaʾ, ganya dib senenaʾ pik uboka, yokaʾ ak ganya sobaʾanya senewanalum.

2 KORINTUS 12:11

Nak dara, hyak salyaʾ anya ulunabok, yokaʾ-yokaʾ pe ununaʾ ak sam amba dara, senenggom yuba lenaʾ gak nang eneba sikda senenggomaʾ bok, nak dara mekaʾ sirikaʾ ak ara, hnon unggulumla. Ban neneso leboka, ugunja nak ara pelemla senewoka gigiwananesom bok, ugunda unuwanggunulumaʾ adya, nara dongdang anaʾ anya beneso dangalamna.

2 KORINTUS 6:1

Nunda neikaʾ welemab nang edya, Imik Neyung adya ugunuk wanaʾ uboka eleknaʾ dololumaʾ anyek, salyaʾ lelem domunuk aboka dukaʾ lololosab.

1 KORINTUS 4:7

Anasa wera anak dara, heknedya men perob so uyinyok senelelam do? Anda yokaʾ-yokaʾ bololamaʾ ara, hnon eleganggunjoknya nek hnon bololam de? Wera dara, yokaʾ-yokaʾ nidyaʾ anak elegenjok bok dara, hekasa nabeyok dolomna senewoka, nonggo alalam do?

1 KORINTUS 15:2

Ugunda yuba lebok ara, anyek senewoka dib senenaʾ orok danyek hnonok. Onoʾ nadya pe men leb elegesisa Imik Neyung yub ek pe salabmowoka ulumun dara, Imik Neyung yub enedya ugun nonga blebnesil.

ROMA 11:1

Dara nara heibnesin: Imik Neyung ara alja nim era seleb ugunda na lek hyok de? Hyak orok, wenyhenggubuk! Nababya Israeli nang, Abraham bek ab mengebgiga, Benyamin nang yilaʾ ak abnya.

MATIUS 10:20

Anasa ban unuwanasak salek enyek yuba sabnelumnya nera, ugunja sibamaʾ adya sabnelum bok, neyung imik heikek ululanya alja Geisinya adya ugunuk uboka yuba sabnamla,” hyok.

1 KORINTUS 3:6

Nadya dara, yinaʾ ok memsa, Apolos bedya dara, alda mek ok yekemok bok, meklaʾ sangiyiwoka weliyimoknya bera, Imik Neyung adya ok unumok.

1 KORINTUS 3:10

Imik Neyung adya nak wanaʾ uboka eleksinaʾ edya wera, nara e sonya beneso uboka, nadya men e igimsaʾ ak ara, yok nanga makoka solomak. Bok, nimi nidyaʾ ara, nadya egomnaʾ igimsa ak, hekaʾ huboka sobnamna do senewoka pe kendenemso.

1 KORINTUS 15:11

Anasa wera ugumbabya or hek nim ek ab, Imik Neyung yuba dololumaʾ ara, nak ab gom, yok yuba lenaʾ nang ek ab gom, nera yok lanawanggunumla. Dib nong ara, nunja ban yuba lero yalasab dara, ugun doboka dib senelumaʾ anyek, hnonok dib nong.

1 TESALONIKA 5:12

Wera, kabo nim o, ugun gangganek wa nauba welemak nang era, Wenelesilnya bedya wa nenyek, ugunuk mengewoka welesak nang era sikenek gigilelulum e, alasab.

1 TIMOTIUS 4:10

Nimi nidyaʾ blebsinaʾ dubnya, Imik Neyung embengaʾ ululanya bek, dib nong ara, nu yuba dib senelemab nimi bleblesilnya bek eleganesin amokaʾ ara, dib eleganesil anyaʾ aboka, nunda duboka yeiriwoka welemab.

MATIUS 25:16

Wera lambadya rupiah lemoknya bedya dara, alda biniboka, onoʾ yok lambadya rupiah dek sounuwoka dobok.