1 KORINTUS 14:5 - PERJANJIAN BARU NALCA YUBA

⁵ Ugunda nidyaʾ yok-yok yuba salamnasom dara, perob senewanesinya. Bok, hyak nauba perob nong ara, ugunda Imik Neyung adya unuwaseng senelamlaʾ anyek, nim ek lel eleklemnesom dara, nauba perob senewanesinya. Imik Neyung yuba lelemak nang ek dara, hyak dib nong nang ulumak bok, yok-yok yuba salamak nim era, yuba danganaʾ orok dara, or mek so ulumak. Alda yok-yok yuba salamak nim era, yuba dolomak nim enyek migibaʾ dangiyiwanobaʾ aboka, yuba dangawanamla dara, pellilimnesil.

1 KORINTUS 14:5 Խաչաձեւ Հղումներ

1 KORINTUS 12:10

Hnon nim ek ara, yokaʾ-yokaʾ senenggomaʾ migib ununaʾ anyek, unuro yaban danasa wa migib en damok eleklamla. Onoʾ yok nim ek ara, ununumnaʾ lelelulaʾ aboka, an wa nen migibaʾ eleklamla. Al onoʾ neik Geisinya bedya hnon nim ek ara, ban nenera Imik Neyung wa ara ban, alda ban nenyek dara, Imik Neyung adyinya gomaʾ an wa migib eleklamla. Hnon nim ek ara, yok-yok sokok yuba ella danganaʾ damok migibaʾ eleklamla, hnon nim ek ara, yuba damok danyek nera damok ara, banyek lebok an danasa migib eleklamla.

1 KORINTUS 13:1

Nara nim adya yuba nidyaʾ ella dangoka salasinya bok, lero nang yub anaba ella dangoka salasinya bok, yok nim ek, wanaʾ unaʾ orok dara, wera nadya ella dangoka salasinya yuba danara, abya meklaʾ ak moka go-go alamla sokaʾ ak, senenggom nyonyanaʾ nyo-nyo alamla sokaʾ ak, ulumnesinya.

MARKUS 16:17

Ban nim enera, yuba dib dobek beknaʾ dibaʾ ara, ban migib enyek ulumnesil, yuba dib senewoka domeija nim edya, nadya si sibuka bisaʾ yaklemnemak, sikda sikba elgom yuba, wenyok yok yuba, saro yabalemnemak,

1 KORINTUS 14:1

Ugunda yok nim ek, wanaʾ ubnob senewoka pe yeiriwoka duboka unululum. Hnonda Imik Neyung Geisinya bedya eleklesil wa migib enyek, nauba so ara nimi yok nim ek Imik Neyung yuba lenaʾ migib enyek, dobnob senewoka dulululum.

1 KORINTUS 13:4

Nimi ben hnon, yok nim ek wanaʾ dibaʾ ululanya bera, ganya siklewoka namen ganya adya perob ok unulamla. Wanaʾ unaʾ ara, alda solom ganya bonggulumla, imik neneldanggulumla, dengdang ganya bonggulumla.

ROMA 14:19

Anasa nunda ganya pe namenaʾ unaʾ ab, wenebdangoka ganya pe unaʾ ab, damok en lanawanamlyaʾ anyek yeiriwoka doblemnemab.

1 KORINTUS 14:17

Imik Neyung bek perob aboka, anja molololam molonaʾ era perob bok, yok nim emba dara, anja molonaʾ era, bakiyiwoka perob danganggulumla.