1 KORINTUS 14:1 - PERJANJIAN BARU NALCA YUBA

¹ Ugunda yok nim ek, wanaʾ ubnob senewoka pe yeiriwoka duboka unululum. Hnonda Imik Neyung Geisinya bedya eleklesil wa migib enyek, nauba so ara nimi yok nim ek Imik Neyung yuba lenaʾ migib enyek, dobnob senewoka dulululum.

1 KORINTUS 14:1 Խաչաձեւ Հղումներ

1 KORINTUS 14:39

Nadya hemyab o, anasa wera, ugunda Imik Neyung yub anyek, nim ek leb elegeisinya senewoka dulululum. Bok, nimi hnon yok-yok yub edya bobgeregoka lelemeijaʾ ara, mem loblulum aboka yuba seknenggom.

IBRANI 12:14

Anasa nimi yok nimi nidyaʾ ab dara pe ganya olokdangoka ulunob senewoka ulululum. Anya pe geisa unaʾ orok dara, nimi be hnon Imik Neyung ara eibnenggunumlaʾ anasa, pe geisa unaʾ anyek yeiriwoka doblelulum.

1 TIMOTIUS 4:14

Ununumnaʾ lelemek nang edya ansamba hnon orowek geklewoka lebjeekanya, nimi bo usin nang edya anak soruka luluwoka, Imik Neyung ak alda ban wa welemnamla aboka soruk diyinjekaʾ adya, ban unu welelomaʾ aboka elegenjeknya nera, beillonggom, mem.

1 KORINTUS 16:14

Ugunja yokaʾ nidyaʾ unulumnulumaʾ ara, wanaʾ ok goluwoka unulululum.

1 KORINTUS 12:1

Wenyek dara, Imik Neyung Geisinya adya wa wenaʾ migibaʾ yok-yok eleklesilaʾ ak lebnamna. Hemyab o, ban yuba damok enyek dara, hyak pe dibaʾ ella danasom senelamna.

1 KORINTUS 13:13

Anasa wera, wenyek dara, ban winilya damok danyek ulumlaʾ ara, dib senenaʾ hnon, ganya nebem anaʾ hnon, wanaʾ unaʾ hnon, ulumla. Ban winilya ululabok, dib nongnya nera, wanaʾ unaʾ ak hnonok hyak dib nong.

1 TESALONIKA 5:20

Imik Neyung adya nim ek eleklesil yub era malye senen ganya bonggom.

1 TIMOTIUS 6:11

Bok anak dara, Imik Neyung adya nim ululamaʾ anasa, banyan nidyaʾ lebnanya dara, mok nenewoka pe ululom. Anja dara, perob unaʾ pik balanun, Imik Neyung alja diligaʾ doboka ulunun, dib senen ganya ok bolonun, wanaʾ ganya boboka, ganya siklewoka ulunun, pe namenaʾ ulunun senen ganya ok boboka yeiriwoka dobgiga balalom.

1 KORINTUS 14:37

Hnon nim era, ununumnaʾ lenaʾ damok migibaʾ ulunel gom, Imik Neyung Geisinya adya yok eleknaʾ elegenyok senemlya dara, wera nadya momnya doboka beillilamnaʾ anara, Wenelesilnya bedya oruknaʾ yub ara, an senewoka yo hulul.

1 TIMOTIUS 5:10

Gelewa danara ban lebna yub enyek, wera youk gelewa henelumaʾ ara, pe welemla senewoka ella ulumeija dara, alja mabo pe bong-bong aboka weiboka nellilimlya dara, aljaʾ ek yalameija nimi perobaʾ leboka doro diyiwoka, yuba dolomak yok nim ek arawoka, unuruwaʾ garana ulusil nim ek arawoka, nidyaʾ perob wa nenyek dib ganya goluwoka bojam welemeija gelewa enyek, wera or youk gelewa henelumakanya, momnya dobnelum.

EPESUS 1:3

Wei, nunjaʾ Wenelesilnya Yesus Kristus aljaʾ neyung Imik Neyung ak sobaʾ perob aboka giblenob e! Nunda Kristus ab neikaʾ kwebdoubaʾ adya, Imik Neyung adya, imik heikek digumaʾ ganya eleknaʾ perobaʾ nidyaʾ ganya doboka elegousuknya bek giblenob.

1 KORINTUS 12:31

Anasa wera, ugunda hyak perob wa wen damok enyek, dobnob senewoka hyak yeiriwoka dulululum. Bok ana damumduk anara, hyak pe unuwanalumnya nenyek neknesin.

3 YOHANES 1:11

Nadya wanaʾ ulunggenaʾ hem o! Anda meilinya nek hyak dilinaʾ ara mem nong. Alda anda perobnya nenyek dililelom. Perob unaʾ unulumak nim era, sikda Imik Neyung adyinya ulumak. Alda malya unaʾ unuro ulumak nim era, sikda Imik Neyung ak elgom ulumak nim era an.

2 PETRUS 1:7

Dara, Imik Neyung senelamla sok sunuwoka ulumunuk ab dara, ugun neik yuba dololum nim ek perobaʾ lebdangoka yadyek ganya bobdangoka pe unuldalalulum. Ugun nim ek yadyek uboka pe unuldalamunuk ab dara, onoʾ nimi yok nim ek wanaʾ unaʾ dibaʾ pe unulusululum.

ROMA 12:6

Wera nunda nidyaʾ ara yok-yok perobnya nenyek, wanaʾ uboka eleksinaʾ sunuwoka elegousuknya nera nunjaʾ dangoka bo ulumab. Anasa ban yok perobnya ununumnaʾ lenaʾ amba elegesilya dara, wera nunda ganya dib senenaʾ adya sunuwoka ununumnaʾ pe lelemnemab.

2 TIMOTIUS 2:22

Goubenya nim edya nenyek perob senewoka malya ulumaknya nek, anda mok geboka ululom. Anda Imik Neyung amba ok perob senelamla sunuwoka pe uboka, alak hyak dib senewoka, nim ak wanaʾ uboka, hyak namenaʾ anyek ululom. Perob ganya boboka, Wenelesilnya bek araweisilom aboka, molowoka ulumak nim eblaboka, anaso unu ulululum.

ROMA 9:30

Wera anaso dara, nunda hekaʾ hnon henesibya do? Henesibnya nera ban: yok-yok mok soko nim era perob nenesinaʾ ak we dobnenggulumek bok, ganya aldib senenaʾ adyok, ban perob nenesinaʾ ara seleb dorob.

ROMA 14:19

Anasa nunda ganya pe namenaʾ unaʾ ab, wenebdangoka ganya pe unaʾ ab, damok en lanawanamlyaʾ anyek yeiriwoka doblemnemab.

1 KORINTUS 13:2

Nara Imik Neyung yuba lenaʾ migib elegenyokaʾ adya pe leb elegoka, yokaʾ-yokaʾ ara, hyak lomoknya neneba olowoka ella uboka, yokaʾ-yokaʾ nidyaʾ ella uboka, Imik Neyung ak hyak dib senenaʾ adya, mok soko mein anaba dama delewoka yokok sam bukillil yabalesinya bok, yok nim ek wanaʾ usinaʾ orok dara, wera nak dara, hyak salyaʾ nongnya bek ulumnesinya.

1 KORINTUS 14:22

Anasa wera, yok-yok yub edya, bobgeregoka san dara, nera Imik Neyung yuba dolomak nim emba sanggulumak bok, alda yuba donggulumak nim emba beknaʾ dibaʾ ella danokaʾ aboka ulumla. Dara onoʾ, ununumnaʾ yub anyek lero yabalamakaʾ ara, yuba donaʾ orok nim emba unggululabok, yuba dib senelemak nim emba ulumla.