1 KORINTUS 13:5 - PERJANJIAN BARU NALCA YUBA

⁵ Wanaʾ unaʾ ara, salyaʾ ganya adya yokaʾ-yokaʾ ununggulumla, nadya yok nim edya bok, nadyinya nok dolulaʾ aboka senewoka wegenggulumla. Wanaʾ unaʾ ara, yu ganya berra bonggulumla, alda gogobaʾ ganya bonggulumla, mona yeilirub ganya mekaʾ bonggulumla.

1 KORINTUS 13:5 Խաչաձեւ Հղումներ

1 KORINTUS 10:24

Nimi ben hnon, na nong ok pewonulul senewoka alsamba ok yeiriwoka weldanaʾ ara, mem. Nimi nidyaʾ yok nim enyek, pewolul senewoka yeiriwoka welelulum.

YAKOBUS 1:19

Nadya wanaʾ ulusin hemyabo nim o, ugunda banyek hyak pe seiniwolulum! Nimi nidyaʾ ara ken dara, berra kebnemak bok, yuba saboka nim ek yu ganya bosinaʾ ak dara, mandewanamak dara, perob.

PILIPI 2:21

Nimi yok nimi nidyaʾ ara, Yesus Kristus amba dara seininaʾ loboka, alda nunokok pewanasilinya nenyek senewoka seiniro balamak.

PILIPI 4:8

Wera, nadyaʾ hemyabo nim o, ugunja ganya ek ara, nim unaʾ perob dangalalanya nenyek, pelemak aboka gigiwanasijenya nenyek, nera pe unaʾ ab, gibildanaʾ ganya ab, perob ok ununaʾ ab, geisa ululanya neb, pelelanya neb, perobnya nedyok ugunja ganya ek deknewoka ulusulul.

GALATIA 5:13

Nadyaʾ hemyabo nim o, ugunda henga lob lomnaʾ anasoʾ ak ulululumaʾ aboka, Kristus ara ugunuk youbsuk. Ugunuk an lobsukaʾ ara, an unuwosukaʾ adya nunda yokaʾ-yokaʾ ak dara, ganya oka denaʾ adya salyaʾ lelem unulunok senenaʾ ara loboka, alda wanaʾ ubdangoka ugun moumen araldalalulum.

1 KORINTUS 12:25

Wera nong ara, doluwoka bokdeijek aboka, yana soruka nidyaʾ hiboka pe diri ubdanokaʾ aboka umok.

2 KORINTUS 5:19

Wera, Imik Neyung ara Kristus pik uboka soko nim ara sikja meknenaʾ era eib loboka, al nong ab, sikeneb neikaʾ hiyiwousuk. Dara nuk ara, ban Imik Neyung adya neikaʾ hillisil yub enyek, lero yabalalulum aboka elegousuk.

1 KORINTUS 10:33

Ugunda naba ulumna sok, ugumba unu ulululum. Nara nak pewonululaʾ aboka ununggulumna. Alda yok nim enyek, yokaʾ-yokaʾ nidyaʾ ak ganya sangillilisununaʾ aboka ulumna. Ban nadya nidyaʾ unulunanya nera, nimi nidyaʾ blebsululaʾ aboka ulumna.

1 KORINTUS 11:18

Men youbuka ugunuk ab, yuba kesisaʾ ara, ugunda yuba donaʾ nim Imik Neyung yuba longowoka ululumaʾ ak sam ara, nimi ganya bokdangoka malya neneldalamak an yuba hnon kelemna. Nadya dara, nera aldib unulumak do senelamna.

MATIUS 5:22

Bok wenyek dara, nara ugunuk ban lebnesin, Heknedya yok nim ek wabnesilnya bera, albabya yana lelewanamak; anya heknedya yok nim ek derewoka walamla dara, yana lelesinaʾ Yahudi dub nang edya yana lelewanamak. Heknedya yok nim ek leleladya, Malya unaʾ hwamnya, alamla dara, uka desin heikek doro bobogeisijek.

LUKAS 7:39

Wenyek Parisinya bera Yesus ak nadya ek sam denenam aboka e bilimoknya bedya an unuwokaʾ anyek eibuk dara, alja ganya lomok seiniwokja, ”Alda ununumnaʾ lenya bek dara, ban unulamla gel genera alda heknya, alda genyaʾ senewoka ella danamso,” senemok.

MARKUS 3:5

Dara Yesus ara yu ganya boboka gokgoba nidyaʾ keeb ganagoka ubok bok, Parisi nanga nong anyek, hyak gasa ganya bolomekaʾ anasa, alda angoo senewoka ganya sugumok. Dara Yesus adya soruka somogomoknya bek lebokaʾ ara, ”Anja soruka nginigalom,” hyok. Wera bera, soruka nginigok dara, al wene salek enyek merewok.

2 TESALONIKA 3:7

Nunda ugun gangganek sam ulumouba dara, wa wenaʾ ara hnon sulmalyaʾ unggulumouba. Anasa ugumbabya nunja wa yeiriwoka welemouba sok, nunja diligaʾ doboka wa moubuka welelulum.

1 KORINTUS 7:36

Wera nimi ben hnon, nadya molob lobsa gel genyek, goubenya yamen dangoka pe ulunamakanya, nunda kaboka siklewoka ubnenggunusinimaʾ anasa, nadya molowasa gel gek or dobnamna senelamla dara, nera or alja senelamla sok unuwolul. Anasa wera, sik dobdanasereng dara, nera malya unaʾ gom anasa, or perob.

MATIUS 9:4

Yesus ara sikja ganya seininaʾ era seleb ella ubsuk dara sikenek, ”Ugunda hekasa malya ganya ek seinilelum do?

2 TIMOTIUS 2:10

Wera anasa, ban nenesa leboka, Imik Neyung weboka gaboka dolosil nim enyek, sikda Kristus pik uboka eleklesil blebnaʾ damok hnon, anya sikenek si imik nenesinaʾ damok anaba, dobnokaʾ aboka, onoʾ nara yokaʾ-yokaʾ ara igina kweboka goululumaʾ aboka gweklamna.

2 TIMOTIUS 4:16

Nak heng goubenyekaʾ anasa, men yuba garawoka sekeldalamsa sum era, nimi ben hnonok sibin anaba arawanggunyek. Sikda nidyaʾ lobnyeekanya, sen-senem abgogorob. Anasa, wera malye, Imik Neyung adya sikenek nera malya ublum henggunususo, senelamna.