1 KORINTUS 13:13 - PERJANJIAN BARU NALCA YUBA

¹³ Anasa wera, wenyek dara, ban winilya damok danyek ulumlaʾ ara, dib senenaʾ hnon, ganya nebem anaʾ hnon, wanaʾ unaʾ hnon, ulumla. Ban winilya ululabok, dib nongnya nera, wanaʾ unaʾ ak hnonok hyak dib nong.

1 KORINTUS 13:13 Խաչաձեւ Հղումներ

1 KORINTUS 16:14

Ugunja yokaʾ nidyaʾ unulumnulumaʾ ara, wanaʾ ok goluwoka unulululum.

KOLOSE 3:14

Anya ban nidyaʾ amba dib nongnya nera, wanaʾ uldanaʾ anyek, neikaʾ hiboka munaʾ pe goublesilaʾ anyek, ganya enyek sobaʾ bololulum.

GALATIA 5:6

Nimi Kristus Yesus lomok ulumak nim era, bolaʾ garalamakaʾ, orokaʾ ara, hnon dib nong ak unggulumla. Alda dib senenaʾ ara, wanaʾ unaʾ adya welemla dara, nenyek dib nong ara an.

PILIPI 1:9

Wera nadya ugunsamba mololosinaʾ ara ban: Ugunda perobnya nek ella danganaʾ ab geremseng unaʾ ab dara, nauba danggiga balasilyekanya, Imik Neyung ak hnon, nim ak hnon, nauba wanaʾ ubgiga balalulumaʾ aboka, mololesin.

1 TIMOTIUS 1:5

Nadya anak wenelenggenaʾ ara, nim ara perob ganya bobnokaʾ aboka hnon geisa ganya anyek ganya dukduk nong ok ulululaʾ aboka hnon, dara onoʾ sikda Wenelesilnya bek hyak dibaʾ ganya ologoka ulumeijekanya, wera ban adya sik kabo nim ek wanaʾ ulunok senewoka wenelesilomaʾ, aboka lelemna.

1 YOHANES 2:10

Alja hem yab ek wanaʾ uboka ululanya bera, alda dilinaʾ ak pe ulumla. Wera anadya alak yokaʾ unuwalya dara, yok nimi malya unaʾ lomok malyinggijek senenaʾ ara, oluk diknaʾ hyak unggulumla.

1 TESALONIKA 5:8

Bok, nunda dilinaʾ mab silibaʾ ulumabaʾ anasa, nunda pe diri ubdangoka, dib senen ganya ab, wanaʾ un ganya ab, seng anasoʾ enegoka, dib blebnesil senen ganya adya huk golubdangoka ulumnemab.

2 KORINTUS 5:10

Nunda nidyaʾ ara aldib Kristus adya yana lelewanasilaʾ ak sam bo beil binisil. Wera sokok an wen ulumab salek enyek, pe unulumabaʾ gom, malya unulumabaʾ gom ara, nunja unulumabaʾ sunuwoka deknesil.

1 KORINTUS 8:3

Bok, Imik Neyung ak ganya ologoka wanaʾ ululanya bera, Imik Neyung adya alak ella ulumla.

KOLOSE 1:27

Dara, Imik Neyung ara, yok-yok mok soko nimi nidyaʾ ak, alja mab ak ban gunuwoka doknomokaʾ ara, har so dub uboka, senenggomaʾ ulumlaʾ anyek amalesil. Dara, gunuwoka doknonaʾ ara ban: Kristus ara ugun lomok ulusil. Ban Kristus ugun lomok ulusil ara, perobaʾ senenggomaʾ ak ganya wenaʾ dibaʾ ara an.

1 PETRUS 1:21

Wera ugunda Kristus anyek nimi somoknaʾ ak ab embengaʾ suboka bukiyiwoka, imik nenewoknya be pik anyeb uboka, Imik Neyung bek ara dib senelelum. Anasa Imik Neyung enyek anyek, ugunda dib senewoka, onoʾ Imik Neyung enyek ganya nebom aboka diri ululum.

1 YOHANES 3:9

Seleb Imik Neyung mabo dangamek nim era, Imik Neyung alja unulamla diligaʾ yinaʾ anaso seleb sikenek ulusilaʾ anasa, sobaʾ malya unubmoruwamenggom. Dara onoʾ, sikda Imik Neyung adya mengesuk nim anasa, wera sob-sobaʾ malya unubmoruwamenggom.

1 YOHANES 3:3

Nimi nidyaʾ ban nenyek nak unuwanenel senewoka ganya welemak nim era, al nong ara pe geisa ulunun aboka diri uldalamak. Wera Kristus anaba geisa ulumla sok, malya unaʾ ak ab loboka geisaʾ ak ulunun senelemak.

1 YOHANES 2:14

Najabo yab o, momnya doboka beibsinya nera, ugunda mekmab era ugunja neyung Imik Neyung bek seleb ella dangalumaʾ anasa, ubsin. Neyung yab o, ugunuk momnya doboka beibsinya nera, ugunda men youmaʾ ulumok yub ek seleb ella dangalumaʾ anasa, ubsin. Goubenya nang o, ugunuk momnya doboka beibsinaʾ ara, ugunda migib ululumaʾ anasa, ubsin. Imik Neyung yub ara ugunja ganya ek seleb ulusil. Dara onoʾ, yu bisaʾ ara seleb ugunja yugom nenelumaʾ anasa, ubsin.

IBRANI 6:19

Nunja dobnemab senewoka ganya nebom alamabaʾ ara, girik ak henga geregoka, mek lomok sam doublenggamnaʾ anaso ulumla. Ban unu ganya nebom alamabaʾ ara, Yesus ara nunsamba aboka mengewosuukanya, lomok wiknenaʾ aklenga poboka wekel byuk adya, hyak gasa ulusil. Dara Melkisedek benesoʾ anyek, Yesus ara imik heikek wekoka, yuba wa gakaʾ dubnya nunsamba hyak dibaʾ amba ulusil.

2 TIMOTIUS 1:7

Anasa wera, Imik Neyung adya nuk elegosukaʾ ara, lok ganya ak eleganggusuk. Bok, alda nuk elegosukaʾ ara, migib un ganya hnon, wanaʾ un ganya hnon, diri uldan ganya hnon, elegosuk.

IBRANI 6:11

Ugunja ganya adya nebom aboka dobsibya senewoka diri ululumaʾ ara, eimik pe dobnelumaʾ anasa, nunja dara, ugun moumen anyek pe yeiriwoka welemunaʾ ara sidyaʾ daklul senen ganya bolosab.

2 KORINTUS 5:15

Nim embengaʾ ulumak nim ara, siksamba ok unggulumnemak bok, alda sikenek perob dosululaʾ aboka somogoka embengaʾ suboka bukiyiwok Kristus emba ulunokaʾ aboka, Kristus ara nimi nidyaʾ amba somogosuk.

1 KORINTUS 14:1

Ugunda yok nim ek, wanaʾ ubnob senewoka pe yeiriwoka duboka unululum. Hnonda Imik Neyung Geisinya bedya eleklesil wa migib enyek, nauba so ara nimi yok nim ek Imik Neyung yuba lenaʾ migib enyek, dobnob senewoka dulululum.

1 KORINTUS 3:14

Nimi nidyaʾ e sorobaʾ anyek, uka diniwalyebok, uka denggublya dara, Imik Neyung adya perob deknaʾ dobnamla.

1 YOHANES 2:24

Anasa wera, ugunda anam yuba dib seneb einilum sum kelum yub era, ganya lomok beiyiwoka pe keeboka diri ulululum. Yuba nong enyek pe keeboka diri bo ulumnelum dara, wera ugunda sobaʾ Imik Neyung ab, alja me neb neikaʾ kwebdangoka ulumnelum.

LUKAS 22:32

Simon o, anja dib senewoka ganya oloklelamaʾ anyek, goowoka denghegelyek aboka, nara ansamba heng uboka mololenggen. Anya anda nak saaboka yanalamaʾ seleb dara, anja weisab enyek sikja ganya migiba geb eleganesilim,” hyok.

LUKAS 10:27

Wenyek benedya lebokaʾ ara, ”Anda Imik Neyung bek ganya gebman adya wanaʾ ululom, anja nong unaʾ gebman adya wanaʾ ululom, anja nong migib gebman adya wanaʾ ululom, anja ganya seininaʾ gebman adya hnon wanaʾ ululom. An dam nang wanaʾ uldalalam sok, an kabo nim ek wanaʾ ululom, wenhyok,” hyok.

IBRANI 10:39

Bok nuk dara, Imik Neyung pika banaʾ beibum aboka losaawanamab nim ek unggulumab. Alda nunda Imik Neyung ak dib senemoubaʾ anasa blebsuk nim ek ulumab.

1 KORINTUS 8:1

Wenera meewoka giblemaknya nek, beil balamak denaʾ yub ek lebnesin. Nim adya, ”Nunda nidyaʾ ara, yokaʾ-yokaʾ ella ulumab,” alamakaʾ ara ella ulumab. Bok, nimi geremseng ulumakaʾ nong adya, nauba dengdang ganya nenelesil, bok wanaʾ unaʾ adya danyek, nim ak bukullilisil.

ROMA 15:13

Wera Imik Neyung al ganya wenaʾ damoknya bera, ugunuk nidyaʾ eiya bon ganya eb, pe namenaʾ un ganya eb, ugunja ganya dib senenaʾ pik uboka nidyaʾ gigiwoka unulusulul. Anedya ugunda Geisinya migib pik uboka, ganya wenaʾ ara hyak nauba danggiga balamnelum.

IBRANI 10:35

Wera anasa, Imik Neyung adya perob deknaʾ nauba ugunuk eleganesilaʾ anasa, ugunja men ganya goulowoka dib senelumaʾ ara loboka ganya boknaʾ ara mem.

KOLOSE 1:5

Ban dib senenaʾ hnon wanaʾ unaʾ hnon ara, imik heikek ugunsamba beillilisilaʾ ak ganya welelumaʾ ak ab lanalamla. Ban ganya wenaʾ ara, ugunda men dib nong yuba kelum adya ella dangalum. Ban perob lero yanggan yub ara,

1 TESALONIKA 1:3

Ugunda dib senewoka wa wenaʾ ak hnon, ugunda wanaʾ uldalalumaʾ ak hnon, ugunja Wenelesilnya Yesus Kristus yanamla senewoka ganya mel-mel aboka salalmoublelumaʾ ak hnon, banera nunja neyung Imik Neyung saramek sam sobaʾ beklemab.