1 KORINTUS 12:8 - PERJANJIAN BARU NALCA YUBA

⁸ Dara nimi ben hnonda Geisinya bedya yuba geremsengaʾ salalulaʾ aboka, wa wenaʾ damok eleklamla. Nimi hnonda al neik Geisinya bedya, pe ella dangoka yuba lelelulaʾ aboka, wa wenaʾ en damok eleklamla.

1 KORINTUS 12:8 Խաչաձեւ Հղումներ

2 KORINTUS 8:7

Anasa wenyek dara, ugunda yokaʾ-yokaʾ pe unululumaʾ yak nim ululum. Yuba dib senenaʾ hnon, perob yuba sanaʾ hnon, perobaʾ ella danganaʾ ak hnon, ganya gouluwoka aranaʾ ak hnon, nuk sam wanaʾ ulusulumaʾ hnon, ban nidyaʾ pelelumaʾ anasa, an yok nim ek aranaʾ anaba hyak nauba perobnya nedya unulululum.

1 KORINTUS 1:5

Ugunda seleb Kristus lomok uboka, wera ugunuk dara, yokaʾ-yokaʾ nidyaʾ ara, dub danganaʾ ak ululum. Ugunda yok-yok yuba salalumaʾ hnon, ella dangalalumaʾ hnon adya, dub nim ululum.

1 KORINTUS 1:30

Imik Neyung adya ganya doboka albeyok unumokaʾ adya, wera ugunda Yesus Kristus ablaboka geisa nong gebeiyisuk. Dara, Imik Neyung adya, Kristus doboka, nunja geremsengaʾ alan aboka dangiyisuk. Dara onoʾ, al Yesus ara nunjaʾ ganya peldisinaʾ ab, geisa unaʾ ab, blebsinaʾ ab danyek, ulusil.

1 KORINTUS 13:8

Wanaʾ unaʾ dibaʾ ara, hyak denghemenggomaʾ ulumla. Wenyek dara, nimi ganya geremseng uboka, Imik Neyung yuba lel eleklesak bok, eimik era unuwoka lebnenggunumak. Wenyek dara, nimi hnonda yok-yok yuba salamak bok, eimik era dengaro lobnamla. Wenera nimi yokaʾ-yokaʾ nidyaʾ ella dangalamak bok, eimik era denghenemla.

MATIUS 13:11

Anasa Yesus adya sikenek ara, ”Ugunuk dara, Imik Neyung adya wenelemnesilaʾ damok ara, gunuwoka elegosukaʾ adya ella ululum bok, sikenek dara, eleganggom anasa lelemna.

1 KORINTUS 13:2

Nara Imik Neyung yuba lenaʾ migib elegenyokaʾ adya pe leb elegoka, yokaʾ-yokaʾ ara, hyak lomoknya neneba olowoka ella uboka, yokaʾ-yokaʾ nidyaʾ ella uboka, Imik Neyung ak hyak dib senenaʾ adya, mok soko mein anaba dama delewoka yokok sam bukillil yabalesinya bok, yok nim ek wanaʾ usinaʾ orok dara, wera nak dara, hyak salyaʾ nongnya bek ulumnesinya.

RASUL 6:3

Dara wera, unulum anasa leboka, ugun gangganek ab yuba saboka, ugunja lelum ara webnok aboka, sikja ganya geremseng uboka Imik Neyung Geisinya adya ok deknewoka ulumeija nang ek, sekbadya sekiyiwanamab.

ROMA 15:14

Nadyaʾ hem yabo nang, ugunuk pe ununaʾ adya seleb deknewosuukanya, yok-yokaʾ ella danganaʾ damok eb, or pe ganya adyok wenebdanasom ara, nara seleb ella ulusin.

1 KORINTUS 2:11

Nimi ganya lomok sam yokaʾ-yokaʾ ella ulumla ara, yok soko nim era, ella uldanggulumak bok, al damnya bedya ok ella uldalamla. Anasonya neikik, Imik Neyung adya ganya yok-yok seinimnaʾ ella ulumlaʾ ara, al Imik Neyung alja Geisinya adya ok ella uldalamla.

1 KORINTUS 2:16

Imik Neyung yuba bukuk momnya dobokaʾ ara, ”Heknyek Wenelesilnya bedya ganya ak ara ella ulumla do? Dara onoʾ, heknedya Wenelesilnya bek wenewanamso do?” alamla. Bok al nun nong anyek, Kristus seinilamla sok, numbabya neikso seinilimab.

1 KORINTUS 14:6

Wera, na kabo nim o, nak ugunuk yanasinyekanya, yok-yok yuba saro yabasinya dara, ugunsamba dara perob danasuso de? Nera ugunuk dara, mekaʾ sibin anaba perob danggunususo. Alda yoknya perob danasonya nera, Imik Neyung yuba damok ak gom, yokaʾ-yokaʾ anyek Imik Neyung amba geklewoka lel eleklesisinya gom, Imik Neyung yuba nong ak lel eleklesisinya gom, neklesisinya dara, perob danesisonya nera an.

1 KORINTUS 14:26

Hemyab o, anasa wera, ban nidyaʾ lebnanya nera damok ara hekaʾ ak lebna do? Ugunda mamagoka longolulum dara, hnonda bera seblemak, hnonda yuba neklesak, hnonda Imik Neyung ak ab, yok-yok ununaʾ neklesak, hnonda yok-yok yuba bobgeregoka salamak, hnonda yuba salamak ara, anasa-anasa lelemak aboka, yana lelewoka neklesak. Bok ban nera nidyaʾ ara, Imik Neyung mab bukiyiwanobaʾ aboka unul dalalulum.

2 KORINTUS 1:12

Nunjaʾ mek ganya edya dara, nunda sokok an ulumoubaʾ ara, onoʾ nauba so ara ugunuk ulusubnya nek dara, nunda perob ganya adya hnon, perob geisa ganya adya anara unulumoubaʾ anasa, nunda eiya dablesil. Nunja ban unulumoubnya nera, nimi ganya geremseng adya unggulumoub bok, alda Imik Neyung adya wanaʾ uboka eleksinaʾ sunuwoka unulumouba.

2 KORINTUS 2:14

Bok nunda Imik Neyung ak perob aboka sobaʾ giblemab! Al Imik Neyung welemlaʾ adya nuk sam ara, Kristus pik uboka yokaʾ-yokaʾ ak hmenga nenewoka ollamaklamab. Onoʾ alda nu pik uboka alak ella dangan gen-gen songaʾ anasoʾ ak, mok soko me nidyaʾ olleleklamla.

2 KORINTUS 4:6

Imik Neyung adya leleladya, ”Gunaʾ lomok ab dilinaʾ yeblul,” alamla Imik Neyung enedya, nunjaʾ ganya lomok dilinaʾ yeblesil. Al Imik Neyung adya alja nong senedyaʾ ella dangasin dilinaʾ yeblulaʾ aboka unulusil. Dara Kristus aljaʾ asok pik uboka dilinaʾ yeblesil.

2 KORINTUS 6:6

Onoʾ geisa unaʾ adya hnon, ella danganaʾ adya hnon, igina siklebmouboka unaʾ adya hnon, perob unaʾ adya hnon, Geisinya lomok unaʾ adya hnon, munaʾ gobdo wanaʾ unaʾ adya hnon, laga amalamab.

2 KORINTUS 11:6

Nara yuba sanaʾ ara, pe hobyang sanggulumna bok, ella danganaʾ ak dara, nara dongdang anaʾ mekaʾ oroknya bek ulumna. An unaʾ era ugunuk yokaʾ-yokaʾ unusubaʾ ak anyeb, laga dangamokaʾ ara ella ululum.