1 KORINTUS 12:12 - PERJANJIAN BARU NALCA YUBA

¹² Kristus ara, nimi nong anasoʾ ak hnonok ok ulumla. Nong ara hnonok bok, yana soruk ara yok-yok gong ulumla. Yana soruk ara, yok-yok bok nong dub ak dara, hnonokaʾ ak ulumla.

1 KORINTUS 12:12 Խաչաձեւ Հղումներ

KOLOSE 3:15

Ugunda hnonok nong unaʾ ulunok aboka, seleb youbosuk anasa, Kristus adyaʾ namen uboka neikaʾ hiboka un ganya anyek, ugunja ganya lomok sobaʾ orugoka bo ulusulul. Anya sobaʾ perob aboka giblelulum.

1 KORINTUS 12:27

Hemyab o, anasa ugunda Kristus nonga ululumukanya, onoʾ ugunda hnonok-hnonok Kristus adya nong yokaʾ ululum.

KOLOSE 2:19

Dara, sikda hukuk ara, pe salalmoubnenggulumak. Bok hukuk ab ara, nonga nidyaʾ hiboka, mel-mel ab nolong gwerenaʾ ab dadya, neikaʾ pero welemakaʾ adya, Imik Neyung bedya ak nelemla.

EPESUS 4:4

Imik Neyung adyaʾ perobaʾ ak ganya welenokaʾ aboka youbsukaʾ ara hnonok ulumla sok, nong ara hnonok ok ulumla, Geisinya bera hnonok ok ulumla.

1 KORINTUS 10:17

Gwaneng ara hnonok bok, numbabya al hnonok gwanenga soboka delemabaʾ anasa, wera nun nong ara, nauba ulumab bok, hnonok nonga dangoka ulumab.

EPESUS 5:30

Nunda Kristus adya nong ulumabaʾ anasa, unu diri bo ulusil.

KOLOSE 1:18

Alda nong ak dara, yuba donaʾ nimi hiboka amba, al Kristus ara, huka, dubnya, ulumla. Alda men yokaʾ nong, anya somoknaʾ ak ab men nonga subuknya ulumla. Anasa, yokaʾ-yokaʾ ab dara, alak danyek, hyak nonokdob.

EPESUS 5:23

Kristus ara yuba donaʾ nim edya sikjaʾ dubnya uboka, onoʾ sik yuba doboka alja nonga dangalamak nim emba blebsinaʾ dubnya ulusil sok, nenya ara alja gel emba dubnya ulumla.

EPESUS 4:12

Ban unura elegousukaʾ ara, munaʾ Imik Neyung mab era, welenok aboka elegousuk. Pe welemeijaʾ adya, Kristus adya nonga perobaʾ nenewoka nauba danggiga balalulaʾ aboka elegousuk.

GALATIA 3:16

Imik Neyung adya perobaʾ unuwanasin aboka orowek lebgogomokaʾ ara, Abraham bemba hnon dara, onoʾ hnonda Abraham nang yilaʾ amba hnon lemok. Imik Neyung yub ek ara, ”Abraham nang yilaʾ amba” lemoknya nera, nimi nauba amba henggubuk. Alda, ”An nang yilaʾ amba” hyok aro momnya dobokaʾ ara, nimi ben hnonok Kristus amba lebok.

KOLOSE 1:24

Anasa, nara wera ugunsamba leboka, igina dolomna dara, eiya dablenel. Wera, Kristus nong amba, alja yuba donaʾ nim emba leboka, alja nong enyek, igin kweboka buluk loboknya nera, nak an gigilamla.

EPESUS 1:23

Yok-yok mok soko nidyaʾ yokaʾ-yokaʾ ulumlaʾ ak deknewoka ululanya Yesus Kristus alja nong dibaʾ ara, yuba don nimi hiboka ulumaakanya, sikba alja deknelesil nang ulumak.

1 KORINTUS 12:7

Nuk nidyaʾ hiboka pewosululaʾ aboka, Imik Neyung Geisinya ara, nimi hnonok-hnonok yok-yok eleklesil.

1 KORINTUS 12:20

Anasa yana soruk ara gong ululabok, nong ara hnonok ok ulumla.