1 KORINTUS 12:11 - PERJANJIAN BARU NALCA YUBA

¹¹ Ban nidyaʾ unulamlaʾ ara al neik Geisinya bedya ok unulamla. Nimi yok-yok elaʾ gigiro Geisinya elegosunun senemnaʾ ok sunuwoka yok-yok eleklesil.

1 KORINTUS 12:11 Խաչաձեւ Հղումներ

1 KORINTUS 12:4

Imik Neyung Geisinya adya, wa wenaʾ damok eleklesilaʾ ara, yok-yok ululabok, ban nidyaʾ ara, neik Geisinya bedya ok eleklesil.

IBRANI 2:4

Imik Neyung ara aljaʾ lok so beknaʾ eb, senenggom lok so ununaʾ eb, lok so migib ununaʾ eb, hnon alja unuwanamna senemokaʾ sunuwoka, Geisinya anyek alja bokosuknya neb dadya, blebsinaʾ damok enyek laga amasuk.

2 KORINTUS 10:13

Nunda anasoʾ ak ununggulumab. Nunda pelemab alamab dara, wera Imik Neyung adya unulumnulum aboka garasukaʾ ak ok sunuwoka pelemab alamab. Dara, ugun nong ara garamok mok ek an ululum.

EPESUS 4:7

Bok, nunda nidyaʾ ara, Kristus adya bera anaso wa wen arasinaʾ eleganamna senewokaʾ anyek, sunuwoka eleklesilaʾ ak dolomab.

1 KORINTUS 12:6

Imik Neyung wa welemakaʾ ara, yok-yok ululabok, wa welemakaʾ anasa migibaʾ eleklesil Imik Neyung era, hnonok ok ulumla.

YAKOBUS 1:18

Alja ganya edyok albeyok ganya doboka, alja dib nong ulumla yub edya nuk alja mabo dangiyisuk. Ban unusuknya nera, anadya nidyaʾ yokaʾ-yokaʾ uyimokaʾ ara mek so bok, nuk perob ekla oulyanga dobnokaʾ aboka unusuk.

EPESUS 1:11

Imik Neyung ara yok-yok wa nidyaʾ welemlaʾ ara, unuwanamna wenyananya nok sunuwoka unulamla. Dara wera, Imik Neyung adya, hyak youmaʾ nong enyek nuk orowek weboka dobsuk. Anadya, Kristus pik uboka nunda Imik Neyung misaʾ seleb domouba.

1 KORINTUS 7:17

Imik Neyung adya ugunuk youbsukaʾ ara, al adya migib elegoka ban unuwoka ulumnelum aboka, youbosuk sok, neik so unu ulumnalum. Dara, ban yub enyek, nimi nidyaʾ Imik Neyung yuba dolomak nim ek unulululum aboka, wenero yabalasin.

1 KORINTUS 7:7

Nadya ganya ak dara, nimi nidyaʾ ara, nadya ulumna sok, sikba ulumneseng senelenabok, nimi yok-yok ara, Imik Neyung adya elaʾ girigo yok-yok eleklesil. Anasa, hnon nim era ban nenyek elegemokaʾ adya, alba unululabok, yok nim era yok elegemokaʾ adya, yok unulamla.

ROMA 12:6

Wera nunda nidyaʾ ara yok-yok perobnya nenyek, wanaʾ uboka eleksinaʾ sunuwoka elegousuknya nera nunjaʾ dangoka bo ulumab. Anasa ban yok perobnya ununumnaʾ lenaʾ amba elegesilya dara, wera nunda ganya dib senenaʾ adya sunuwoka ununumnaʾ pe lelemnemab.

ROMA 9:18

Anasa Imik Neyung ara alda ganya doboka heknyek angoo yadyek ganya boboka arawanamna senenanya bek aralamla. Anya heknyek ganya gasa nenewanamna senenya bek ganya gasa unaʾ benyek an beillilamla.

YOHANES 5:21

Anasa wera, neyung beneba somogamna nim embengaʾ bukiyiboka sikenek embengaʾ unaʾ eleklesil sok, alja me neneba neikso, nadya embengaʾ elegonun senewan nim ek embengaʾ eleklesil.

YOHANES 3:27

Wera Yohanes Pembaptis bedya dara, ”Nim ara Imik Neyung adya sikenek eleganggunususo dara, yokaʾ-yokaʾ dobnenggunuseng.

YOHANES 3:8

Kaboʾ ara alja dorogunun senemnaʾ ak ara nidyaʾ doroklamla. Dara, alja uu alamlaʾ ara kelelam bok, hanyagar ab sam yalamla, hekmok balamlaʾ ara, anda elgom ululam sok, Imik Neyung Geisinya adya beillilisil nim ek dara, al anaso ulusil,” hyok.

MATIUS 20:15

Nadya bonaʾ ek gom anaba unuwanamna senewanasinyaʾ ok unuwanasinya goma? Nak heknaʾ nong anasa, anda solom ganya bobnesom gom, wenyamok,” hyok.

MATIUS 11:26

Ban unusulumaʾ ara, an dam nang orowek perob senelumaʾ adya unulum,” hyok.

1 KORINTUS 12:18

Imik Neyung adya ok yana soruka nidyaʾ ara nunja nong ak sam beiri yibuk. Yana soruk ab, yokaʾ-yokaʾ nidyaʾ ab, Imik Neyung adya alja unuwonun senemok sok sunuwoka, alja ok ganya doboka dirigoka beiri yibuk.