1 KORINTUS 12:10 - PERJANJIAN BARU NALCA YUBA

¹⁰ Hnon nim ek ara, yokaʾ-yokaʾ senenggomaʾ migib ununaʾ anyek, unuro yaban danasa wa migib en damok eleklamla. Onoʾ yok nim ek ara, ununumnaʾ lelelulaʾ aboka, an wa nen migibaʾ eleklamla. Al onoʾ neik Geisinya bedya hnon nim ek ara, ban nenera Imik Neyung wa ara ban, alda ban nenyek dara, Imik Neyung adyinya gomaʾ an wa migib eleklamla. Hnon nim ek ara, yok-yok sokok yuba ella danganaʾ damok migibaʾ eleklamla, hnon nim ek ara, yuba damok danyek nera damok ara, banyek lebok an danasa migib eleklamla.

1 KORINTUS 12:10 Խաչաձեւ Հղումներ

1 KORINTUS 14:39

Nadya hemyab o, anasa wera, ugunda Imik Neyung yub anyek, nim ek leb elegeisinya senewoka dulululum. Bok, nimi hnon yok-yok yub edya bobgeregoka lelemeijaʾ ara, mem loblulum aboka yuba seknenggom.

1 YOHANES 4:1

Nadya wanaʾ ulusin hemyabo nim o! Sondaʾ anasa nunda ununumnaʾ len nang aboka, bobnenewoka lemek nang era, mok soko nidyaʾ ob lelewal bok anasa, yok-yok senenaʾ ak ara salyaʾ dib senenaʾ ara loboka, alda men ganya seininaʾ enera Imik Neyung adyinya gom, nera yok gom aboka men sunuwomunjok, wera aldib senewanalum.

MARKUS 16:17

Ban nim enera, yuba dib dobek beknaʾ dibaʾ ara, ban migib enyek ulumnesil, yuba dib senewoka domeija nim edya, nadya si sibuka bisaʾ yaklemnemak, sikda sikba elgom yuba, wenyok yok yuba, saro yabalemnemak,

GALATIA 3:5

Imik Neyung ara alja Geisinya ugunuk elegoka, aljaʾ yokaʾ lok soʾ migib ununaʾ senenggomaʾ ara ugun gangganek unulusil. Ban unulusilaʾ ara unuwanalum an yub ek pe unululumaʾ adya unulusil gom, Kristus amba yub enyek ugunda keboka dib senelumaʾ adya unulusil gom?

MARKUS 16:20

Dara, alja yuba doro diriga ban nang era, yok-yok moka biniboka, Imik Neyung ak ab perob yub era, lero yabalemek. Dara, sikja yuba lelemekaʾ ak, dib lelemak aboka, Wenelesilnya beneba neikaʾ aralasukaʾ adya, sikjaʾ yokaʾ-yokaʾ unulumekaʾ ara, beknaʾ dibaʾ ara laga dangalamok.

WAHYU 2:2

Anja hekaʾ unululamaʾ ara, anda wa yeiriwoka welelamaʾ hnon, anda ganya siklewoka welmorululamaʾ hnon, nara seleb ella ulumna. Anja ganya era malya ulumak nim ek or unulunok senenggululam. Nimi nidyaʾ yuba lenaʾ gak nang dibaʾ orokjok, nunda yuba lenaʾ gak nang aldalamak nang ek, anda seleb sunubyamalumukanya, sikda sondaʾ hwam nang ulumakaʾ ara, seleb ella dangalum.

1 TESALONIKA 5:20

Imik Neyung adya nim ek eleklesil yub era malye senen ganya bonggom.

1 KORINTUS 13:8

Wanaʾ unaʾ dibaʾ ara, hyak denghemenggomaʾ ulumla. Wenyek dara, nimi ganya geremseng uboka, Imik Neyung yuba lel eleklesak bok, eimik era unuwoka lebnenggunumak. Wenyek dara, nimi hnonda yok-yok yuba salamak bok, eimik era dengaro lobnamla. Wenera nimi yokaʾ-yokaʾ nidyaʾ ella dangalamak bok, eimik era denghenemla.

ROMA 15:19

yok lok so beknaʾ migib adya hnon, yok senenggom lok so ununaʾ adya hnon, Geisinya migib adya na pik uboka, welemlaʾ anyek hnonok, nara asaʾ ganya boboka wenyaro yabalamnamna. Dara nara Yerusalem heik ab ara Ilirikum heik dongolamsa dara, nara Kristus bedya perob lero yanggan yub era hyak senenya loboka leb elekdo yibisa.

ROMA 12:6

Wera nunda nidyaʾ ara yok-yok perobnya nenyek, wanaʾ uboka eleksinaʾ sunuwoka elegousuknya nera nunjaʾ dangoka bo ulumab. Anasa ban yok perobnya ununumnaʾ lenaʾ amba elegesilya dara, wera nunda ganya dib senenaʾ adya sunuwoka ununumnaʾ pe lelemnemab.

RASUL 19:6

Wera Paulus sikenek soruka salawoka heng uboka lelesuk sum enyek, Imik Neyung Geisinya sikenek gologol yingginiboka, sikda yok-yok yuba saboka, Imik Neyung yuba lel yabek.

RASUL 11:28

Dara, ban yeilimek nang era ben hnon alja si nera Agabus. Alda sekoka Imik Neyung Geisinya migib adya aralemok adya ununumnaʾ yub anyek, orowek mok soko me nidyaʾ senenggom gwaneng okaʾ enesa leboka,

RASUL 5:3

Dara, Petrus bedya Ananias bek, ”Anda ganya ek bisaʾ dubnya Satan weklul aboka, globol lolamakanya, anja soko dekelam rupiah era darasam era ansamba dolamaakanya, Geisinya bek sondaʾ lelelam ara hekasa ulam do?

RASUL 1:8

Bok, ugunda Imik Neyung Geisinya ugunuk sam seleb yeisilya dara, ugunda migibaʾ dobnelum. Dara, Yerusalem heik ab, nidyaʾ Yudea sokok ab, Samaria sam ab ara, nidyaʾ soko dagolongnaʾ me nidyaʾ, nasamba yuba bo lero yabalemnelum,” hyok.

YOHANES 16:13

Bok, Imik Neyung jong ganya unaʾ ugunuk lebnesil Geisinya benyek yalya dara, alja dib yuba nidyaʾ ella danalum aboka neknesil. Alja ok yok seiniwoka ganya doboka lebnenggunulabok, alja seleb kemlyaʾ anyek, ugunuk neknesil. Nera yokaʾ-yokaʾ eimik unuwanalanya nenyek neklemnesil.

YOHANES 14:12

”Heknedya nak dib senewanenel dara, nadya welemsa wa nera, alba unuru welemnamla. Dara, nara Neyung bek binimnaʾ anasa, alda nauba so welemnamla asinaʾ ara, dib lemna.

LUKAS 24:49

Nadyaʾ anaba, Imik Neyung adya ugunuk lebsukaʾ anyek, ugunuk bokol yanasin. Bok ugunda al heik enyek anyek ok ulumunaʾ ara, imik migib era ugunuk goulul yanasil,” hyok.

IBRANI 2:4

Imik Neyung ara aljaʾ lok so beknaʾ eb, senenggom lok so ununaʾ eb, lok so migib ununaʾ eb, hnon alja unuwanamna senemokaʾ sunuwoka, Geisinya anyek alja bokosuknya neb dadya, blebsinaʾ damok enyek laga amasuk.

RASUL 11:27

Dara ban salek enyek, ununumnaʾ lelemek nang era, Yerusalem heikek ab ara Antiokhia heikek wenebadya nang yeilimek.

1 KORINTUS 11:4

Nimi ben hnon heng uboka mololamla salek gom, nimi gong weklemakaʾ ak Imik Neyung yuba lel eleklesilikanya, huk golunaʾ golunggulumla dara, wera bera Kristus ak malya nenelamlaʾ ara an.

1 KORINTUS 14:13

Ban nenesa, wera nimi yok-yok yuba salameija nim era, Imik Neyung adya migibaʾ elegesilya enyek, sikja salamak yuba damok enyek, anasa lelemab aboka neknemakaʾ anasa, Imik Neyung ak molowanok.