1 KORINTUS 11:25 - PERJANJIAN BARU NALCA YUBA

²⁵ Neikso, seleb debgogomek dara, mek hmeiya doboka lebokja, ”Ban mek hmeiya era, nadya eneng ek anasa, wenyek wenyaldan yuba beknaʾ era an. Ugunda ban beknaʾ meka delemun dara, nak beklenumunukanya, delemnelum.”

1 KORINTUS 11:25 Խաչաձեւ Հղումներ

LUKAS 22:20

Anaso neikek seleb debgogowek dara, meka gweboka beiyimokaʾ ara neikaʾ delemek nang sikenek lebokja, ”Ban mek enedya wenyok unuwanamna anaʾ era pik mourunaʾ dibaʾ yarawal. Nadya eneng edya, mek eneng enera ugunsamba leboka yeksin,” hyok.

IBRANI 13:20

Dara namenaʾ pe unaʾ eleklesil Imik Neyung era, embengaʾ eleganasin amok eneng pik uboka, domba pam senenggom dubnya, nunjaʾ Wenelesilnya Yesus ara somoknaʾ ak ab saawoka bo yoknya bedya,

2 KORINTUS 3:6

Imik Neyung adya nadya wenyok ugunub dibaʾ wenyaldan yuba wa pe webnelum aboka migibaʾ nuk elegosuk. Ban wenyok yub era, momnya dobokaʾ ak unggululabok, alda ganya ak ulumla. Dara momnya dorob yub era somogollilisil bok, ganya ak yub era embengaʾ eleklesil.

1 KORINTUS 10:16

Nunda beknaʾ meka delemab sum enyek, Imik Neyung ak perob aboka giblemab dara, wera nunda Kristus alja eneng adya, hnonok nonga dangiyisukaʾ ak sunulumab de? Dara onoʾ, gwanenga soboka elekdangoka delemabnya nera, Kristus ab neikaʾ hnonok nong seleb danggumoubaʾ ak sunulumab de?

2 KORINTUS 3:14

Israeli nim era, sikja ganya seleb ong ibsuk. Dara onoʾ wenebabya, sikda youmaʾ wenyaldanaʾ yuba anam einilimak salek eneba, hogung goulunaʾ anaso anam sikja ganya ak ulusil. Kristus pik uboka adya ok, ban goulunaʾ era gloklamla.

1 KORINTUS 11:24

Alda perob aboka, Imik Neyung ak molobgogomok dara, gwaneng soboka lebokja, ”Nadya nonga ugunsamba elegeisinaʾ ara an. Nak beklenumunukanya, or delelulum,” hyok.