1 KORINTUS 10:25 - PERJANJIAN BARU NALCA YUBA

^25-26 Imik Neyung yuba bukuk sam momnya dobokaʾ ara, ”Soko ab, yokaʾ ab, yokaʾ-yokaʾ nidyaʾ dubuk ulumlaʾ ara, Wenelesilnya bedyaʾ ak ulumla,” hyok anasa, ugunda deknaʾ gasaʾ ak sam, yokaʾ-yokaʾ soba yakaʾ bo beil yalamakaʾ ara, or dekoka delelulum. Ugunja mek ganya ek ara, igina ubsilyek aboka, nauba heildanggom.

1 KORINTUS 10:25 Խաչաձեւ Հղումներ

1 KORINTUS 8:7

Bok, ban ella ulumabaʾ anaba, ban nera nimi nidyaʾ ella ulumakaʾ goma! Hnonda youmaʾ dara, bisaʾ giblemekaʾ adya, wenebabya sobaʾ giblemakaʾ ak sam beil balamak denaʾ era, an senewoka bekelmoublemak. Anadya sikja mek ganya era dib kanaʾ orok adya, doboka den dara, nera malya unaʾ denewanel senelemak.

1 TIMOTIUS 4:4

Imik Neyung adya yokaʾ-yokaʾ nidyaʾ uyimokaʾ ara, perob anasa, Imik Neyung alak eleklesilimaʾ perob wenyaboka doboka den dara, wera nera memaʾ hnon unggulumla.

TITUS 1:15

Nimi ganya geisa ulumak nim ek dara, yokaʾ-yokaʾ nidyaʾ ara geisa deng ok ulumla. Bok nimi yuba okoka ganya goluwoka donaʾ loboka, ganya sembejaʾ adya ok goluwoka ulumak nim era, sikja sobaʾ seininaʾ ab, sikja mek ganya seininaʾ ak ara, seleb sembejaʾ ok dokaʾ anasa, geisa unaʾ ara mekaʾ me anaba unggulusil!

ROMA 14:14

Nara Yesus pik ab uboka ella ulumnekanya hyak aldib senelamnaʾ ara, yok-yok denaʾ ak dara, malyaʾ ara hnon unggulumla. Bok ban yokaʾ-yokaʾ ara sembejaʾ ak ulumla senelemak nang enyek, sikenek danyek, sembejaʾ dibaʾ ara an ulumla.

ROMA 13:5

Wera anasa, nunda ganya yok-yok sok lobdanamab, nenera Imik Neyung ara wabsilyek aboka gom, alda nunja ganya adya wenyalamlyaʾ sunuwoka unulumnemab.

RASUL 10:15

Bok onoʾ Petrus bek hnon saawoka lebok ara, ”Imik Neyung adya or seleb perob nenemoknya nera, anja dara, malyaʾ aboka wenyanggom,” hyok.