1 KORINTUS 10:23 - PERJANJIAN BARU NALCA YUBA

²³ Nim adya hnon wenyalamakaʾ ara, ”Nunja yokaʾ-yokaʾ unuwanob senemeibyaʾ ara or unulunob ok,” alamak. Nera aldib mem anaʾ orok bok, ban perob senelemabnya nera, nidyaʾ pelesil gomaʾ. ”Nunja anyek-anyek unuwonun senemeibyaʾ ara, unulumnumab,” wenyalamak bok, ban ululanya nidyaʾ ara, nunsamba perobaʾ nenelesil gomaʾ.

1 KORINTUS 10:23 Խաչաձեւ Հղումներ

1 KORINTUS 6:12

Yok nim edya hnon lelemakaʾ ara, ”Yokaʾ-yokaʾ nidyaʾ ara, salyaʾ ganya doboka unuwanesibya,” alasak. Bok nak dara, ”Ban nidyaʾ ara perobnya nokaʾ aboka ganya doboka unuwanamna,” henesinya bok, na nong ak dara, ”Yokaʾ-yokaʾ adya ologoka mabnelyek,” senelamna.

1 KORINTUS 8:9

Bok, ugunda hyak pe keebmoublulum! An adya nidyaʾ yokaʾ-yokaʾ ara, ella uboka unululamaʾ adya, yub dib doboka ganya kanaʾ orok nim enyek, oluk diknaʾ girik anaso neniyiwamenek anasa, keeboka ululom.

EPESUS 4:29

Ugunda yuba sabnemun dara, malya yub enyek geregoka salyaʾ sanaʾ ara mem. Nimi perob yuba ok salamakaʾ adya, nimi kelemak nim era, perobaʾ dousululaʾ aboka, nimi keboka perob danamlya yub ok sunuwoka saldalalulum.

1 TESALONIKA 5:11

Anasa, seleb unuldalalum sok, ganya gwelelek aldalamnalumukanya, migiba nenellildalamnalum.

ROMA 14:15

Anasa anda an yokaʾ hnon delelamakanya, anjaʾ hem bek alja ganya soloma dabel dililam dara, wera anda wanaʾ uldalalulum alamla yub ek sunuwoka ununggululam. Kristus ara alsamba seleb somogok anasa, anda denaʾ anasa leboka anjaʾ hem bek somogoldinaʾ ara mem.

1 KORINTUS 14:17

Imik Neyung bek perob aboka, anja molololam molonaʾ era perob bok, yok nim emba dara, anja molonaʾ era, bakiyiwoka perob danganggulumla.

1 KORINTUS 14:26

Hemyab o, anasa wera, ban nidyaʾ lebnanya nera damok ara hekaʾ ak lebna do? Ugunda mamagoka longolulum dara, hnonda bera seblemak, hnonda yuba neklesak, hnonda Imik Neyung ak ab, yok-yok ununaʾ neklesak, hnonda yok-yok yuba bobgeregoka salamak, hnonda yuba salamak ara, anasa-anasa lelemak aboka, yana lelewoka neklesak. Bok ban nera nidyaʾ ara, Imik Neyung mab bukiyiwanobaʾ aboka unul dalalulum.

1 TIMOTIUS 1:4

Salyaʾ malya hwam deng anyek maro lolomla yub ek ganya we bulumakaʾ hnon, youmaʾ morublinaʾ nim ek yana lelewoka unuwok aboka neklamnaʾ anyek, kero bulumak nim ek unululumaʾ ara mem, alalom. Ban nidyaʾ ara mal damok lanalamlaʾ ak anasa, Imik Neyung adya alak dib senewanaʾ anasa eleklesilaʾ anyek sunuwoka ununggulumakaʾ anasa, mem henelam.

1 KORINTUS 14:12

Ugunuk dara, Imik Neyung adya eleklesil wa wenaʾ dobnob senen ganya ululumaʾ anasa, dib nong ara, Imik Neyung adya eleklesil wa wenaʾ damoka dobmunaʾ ara, yuba dolomak nim enyek, pebgiga balalulaʾ aboka migib unaʾ ak dobnobaʾ aboka, duboka elelulum.

1 KORINTUS 8:1

Wenera meewoka giblemaknya nek, beil balamak denaʾ yub ek lebnesin. Nim adya, ”Nunda nidyaʾ ara, yokaʾ-yokaʾ ella ulumab,” alamakaʾ ara ella ulumab. Bok, nimi geremseng ulumakaʾ nong adya, nauba dengdang ganya nenelesil, bok wanaʾ unaʾ adya danyek, nim ak bukullilisil.

2 KORINTUS 12:19

Ugunja dara, ban nidyaʾ lelemakaʾ ara, meknenggulumab senewoka, mala doldalamak senelesulum. Bok, nunja nidyaʾ ugunuk an lelemabnya nera, Kristus lomok uboka nenyek lelesabaʾ ara, Imik Neyung hogung ak lelemab. Nadya wanaʾ ulusin nim o, ban nidyaʾ unulumabnya nera, ugunja yuba dib senenaʾ nong anyek, gobdo migib dosululaʾ aboka ulusab.