1 KORINTUS 10:20 - PERJANJIAN BARU NALCA YUBA

²⁰ Yokaʾ-yokaʾ giblemakaʾ ak bo beil biniboka giblemakaʾ ara, Imik Neyung ak beil banggulumak bok, yu ganya bisaʾ ak bo beil balamak. Nadya dara, ugunda bisaʾ giblemakaʾ ab neikaʾ hiboka unaʾ ara, mem senelemna.

1 KORINTUS 10:20 Խաչաձեւ Հղումներ

WAHYU 9:20

Anyek bok, an unuwoka osinaʾ orok nim era, sikja malya unulumekaʾ ak ab ganya dangawanggumek. Hnonda, dangman adya hnon, mal gablenaʾ dabom girik adya hnon, gal adya hnon, yokaʾ-yokaʾ adya hnon, memelemek sununaʾ ek, heng eilinggulumlaʾ, o kenggulumlaʾ, yana yabanggulumlaʾ anyek, gibelmorulumek.

2 KORINTUS 4:4

Sokok an malya unaʾ gakaʾ ululanya bedya, yuba dib senenggulumak nimi ganya ibel leblesil. Wera an bisaʾ dubnya benedya, Kristus bera Imik Neyung sununaʾ anedya, Kristus si imik nenen yuba dilinaʾ heng eibijek aboka, heng luma nenelesil.

MATIUS 4:9

Anya Iblis adya Yesus ak lebnemokaʾ ara, ”Anda nak oumuwoka gibnenemen dara, ban mok soko nidyaʾ ara anak leboka eleganenggen,” hyok.

GALATIA 4:8

Youmaʾ ugunda Imik Neyung ak elgom ululum salek era, Imik Neyung be dibaʾ ak gom, alda yokaʾ anyek nunjaʾ neyung nenewoka, ugun nong ara anyagan ganya diboka ululum.

WAHYU 2:14

”Ban unulum bok, onoʾ yok-yok unaʾ hnon unululamaʾ anyek, nara lek senelamnaʾ ara, nim an gangganek sam hnon, Bileam bedya neklesil yub ek salabmouboka ulumak. Bileam bedya dara, Balak bedya Israeli nim ek hekaʾ huboka malya unaʾ lomok bobonggesukaʾ anyek nekemok, bisaʾ ak sam beil balamek denaʾ delelulum, hnonda gela salyaʾ salelulum aboka neklesilom aboka nekemok.

WAHYU 2:20

”Bok nara anak igin ganya bolenggenaʾ ara, Imik Neyung adya lelemla aboka laga sondaʾ amba lelemla gel Izebel gek, eil lololamaʾ ak, banyek hnonok ulumla. Nimi nadya wa wen nang ek sondaʾ leboka, gela salanaʾ nauba unuwoka, bisaʾ ak beil balamak denaʾ bukoka dero yabalemakaʾ ak, bobnenewoka malya pik bo ablesil.