1 KORINTUS 10:17 - PERJANJIAN BARU NALCA YUBA

¹⁷ Gwaneng ara hnonok bok, numbabya al hnonok gwanenga soboka delemabaʾ anasa, wera nun nong ara, nauba ulumab bok, hnonok nonga dangoka ulumab.

1 KORINTUS 10:17 Խաչաձեւ Հղումներ

ROMA 12:5

Dara numbabya neikik, hyak gong bok, Kristus lomok ara hnonok nong ok ulumab, bok nunda yok-yok si silisak ara be hnonja bedya nong era onoʾ yoknya bedyaʾ amba ulumab.

KOLOSE 3:15

Ugunda hnonok nong unaʾ ulunok aboka, seleb youbosuk anasa, Kristus adyaʾ namen uboka neikaʾ hiboka un ganya anyek, ugunja ganya lomok sobaʾ orugoka bo ulusulul. Anya sobaʾ perob aboka giblelulum.

1 KORINTUS 12:27

Hemyab o, anasa ugunda Kristus nonga ululumukanya, onoʾ ugunda hnonok-hnonok Kristus adya nong yokaʾ ululum.

1 KORINTUS 12:12

Kristus ara, nimi nong anasoʾ ak hnonok ok ulumla. Nong ara hnonok bok, yana soruk ara yok-yok gong ulumla. Yana soruk ara, yok-yok bok nong dub ak dara, hnonokaʾ ak ulumla.

EPESUS 4:25

Anasa ugunda nidyaʾ ara sonda leldanaʾ ara hyak mem. Nunda nidyaʾ ara Kristus alja hnonok nong ak ulumab bok anasa, gunun ganya bonaʾ loboka, dib yub ok saldalamnelum.

EPESUS 4:16

Dara alak ab, nonga nidyaʾ ara, mel-mela mourumnaʾ gong adya hyak pe meewoka sunuwoka beiri byuk. Wera anedya, nonga digum yok-yok ara, pe wero balamlaʾ adya, wera nong ara wanaʾ unaʾ pik uboka migibaʾ danggiga nero balamla.

EPESUS 4:4

Imik Neyung adyaʾ perobaʾ ak ganya welenokaʾ aboka youbsukaʾ ara hnonok ulumla sok, nong ara hnonok ok ulumla, Geisinya bera hnonok ok ulumla.

KOLOSE 3:11

Ban nenyek dara, Yunani Yahudi nang gom, bolaʾ garaweknya oroknya gom, yu hwam nang Skit nang gom, wa wenya oruknanya gom, ban wenyaboka si singgulumak bok, Kristus ara ban nidyaʾ amba damok ulusilekanya, alda sik nidyaʾ lomok ulusil.

EPESUS 3:6

Ban men doknomokaʾ ara, Imik Neyung adyaʾ perob lero yanggan yuba pik uboka, Imik Neyung adyaʾ misaʾ era, perob eleknaʾ youmaʾ dara, Yahudi nim emba ok beillilemok bok, wenyek dara, nimi Yahudi gom nim emba hnon beillilesil. Wera nimi Yahudi gom nim eneba, Imik Neyung adya neik mabo silibaʾ nenewoka, Imik Neyung adya Yesus Kristus pik uboka, eleganesin amokaʾ perobaʾ era, neikaʾ dobnemak aboka wen leb elegousuk.

KOLOSE 2:19

Dara, sikda hukuk ara, pe salalmoubnenggulumak. Bok hukuk ab ara, nonga nidyaʾ hiboka, mel-mel ab nolong gwerenaʾ ab dadya, neikaʾ pero welemakaʾ adya, Imik Neyung bedya ak nelemla.

1 KORINTUS 10:21

Ugunda Wenelesilnya bedya meka mek hmeiyek demun dara, onoʾ bisaʾ meka deregoka unaʾ ara mem. Ugunda Imik Neyung adya denaʾ de, bisa adya denaʾ de unaʾ ara, hyak mem nong.