1 KORINTUS 10:16 - PERJANJIAN BARU NALCA YUBA

¹⁶ Nunda beknaʾ meka delemab sum enyek, Imik Neyung ak perob aboka giblemab dara, wera nunda Kristus alja eneng adya, hnonok nonga dangiyisukaʾ ak sunulumab de? Dara onoʾ, gwanenga soboka elekdangoka delemabnya nera, Kristus ab neikaʾ hnonok nong seleb danggumoubaʾ ak sunulumab de?

1 KORINTUS 10:16 Խաչաձեւ Հղումներ

RASUL 2:42

Dara, hyak pe yeng uboka, nimi nauba yuba lenaʾ gak nang ek ab, yuba nauba doboka, yokaʾ-yokaʾ ara neikaʾ unuwoka, anya neikik deregoka, neikik molowoka ulumek.

1 YOHANES 1:7

Bok Imik Neyung anaba alda dilinaʾ lomok ulumla sok, wera numbabya neikik dilinaʾ ak ulumeibya dara, wera nunda ganya kwebdangoka ulumabakanya, alja me Yesus Kristus adya eneng edya nunja yok-yok malya unaʾ nidyaʾ ara mek elegellilisil.

IBRANI 3:14

Nunja men youmaʾ ek mouruwoka dib senemoubaʾ anyek, pe gasa salabmouboka ulumeibyaʾ ara, sidyaʾ daknamla dara, aldib Kristus ab seleb neikaʾ un nimi douba.

RASUL 2:46

Sikda hyak sobaʾ Imik Neyung e eremek longowoka yuba sobaʾ dolomek. Dara sikda ganya sokok nenebdangoka, ei-ei ganya boboka, sikja e pik dero yabalamek.

1 KORINTUS 1:9

Imik Neyung ara alja me nunja Wenelesilnya Yesus Kristus ab ganya kwebdangoka ulululumaʾ aboka, ugunuk youbosuknya bera, sob-soba bojam ulmorulelanya bek ulumla.

1 YOHANES 1:3

Wera ugunub nub neikaʾ ganya kwebdangoka ulunobaʾ aboka, nunja seleb heng eiyimouba o kemoubaʾ anyek, ugunuk lel eleklesab. Nunja ganya kwebdangoka ulumabnya nera, Neyung beb, alja me Yesus Kristus ab, neikaʾ ganya kwebdangoka ulumab.

RASUL 20:7

Troas heikek ara, ban minggu en men sum enyek, hemyab eb bolowoka neikaʾ ak delemouba. Paulus bera ampum lanawoka binimna senemok anasa, anyagan ulumek nim emba yuba nauba lebdibigemok. Wera inimnek dukdukanek dangamok anaba Paulus bera anam yuba lelmorulomok.

1 KORINTUS 12:13

Anasonya neikik, numbabya Yahudi nimi yokaʾ gom, Yahudi gom nim gom, ek wa nang gom, seleb blebdangoka sikbeyok ganya doboka ulumak nimi gom, nunda nidyaʾ hnonok nong ak denewoka ulunokaʾ aboka, hnonok neik Geisinya bedya seleb mek dibaʾ dabsuk. Numbabya nidyaʾ ak neik Geisinya elegosuk.

RASUL 20:11

Seleb unumok dara, Paulus bera onsok imik sam welewoka bukumok. Dara, roti gwanenga nim ek bokosuk seleb dara, sikda nidyaʾ demek. Wera onoʾ inimnek pik Paulus bera yok nang eb, onoʾ yuba saldalamekaʾ seleb dara, gwelegel yabok dara, ban salek era lanawoka balamok.

LUKAS 22:17

Ban nen wenyabgogowok dara, Yesus ara alda mek hmeiya doboka Imik Neyung ak perob aboka giboka molowok dara, delemek nang ek lebokja, ”Ugunda banyek dobmunukanya, bokdangoka denelum e.

1 KORINTUS 10:15

Nadya ugunuk lelesinaʾ ara, yokaʾ-yokaʾ pe geremsengaʾ ulumak so nim ek lelesin. Nadya ugunuk lelesin yub era, ugun damnya pe keboka sunuwoka seiniwanalum.