1 KORINTUS 10:14 - PERJANJIAN BARU NALCA YUBA

¹⁴ Nadya wanaʾ ulusin hemyabo nim o, bisaʾ amba hweboka giblemakaʾ anyek, hyak lek aboka lololulum.

1 KORINTUS 10:14 Խաչաձեւ Հղումներ

RASUL 15:20

Bok nunda wen sikenek, sikja nim ugumaʾ ak sam hweboka beil balamak denaʾ dijik aboka hnon, gel salaldanaʾ anyek lobongganok aboka hnon, enenga heiboka somogalya wininga manaʾ ak dijik aboka hnon, enenga dijek aboka hnon, momnya donaʾ pik, nera loblulum aboka beibnemab.

ROMA 12:19

Hem yabo nadya wanaʾ ulusin nang o, ugunda numbabya nunja diriganamab aboka mel-mel anggom, alda, diriknaʾ ak sam ara nadyaʾ memelamna ak ulumla, aro momnya dobokaʾ ulumla anasa, Imik Neyung adya waboka uruma dogom anaʾ ak eleganalum. Imik Neyung yub wenyalamlaʾ ara, na adya ambabya lunuwanalam aboka yeiriwanamna alamla.

1 KORINTUS 10:15

Nadya ugunuk lelesinaʾ ara, yokaʾ-yokaʾ pe geremsengaʾ ulumak so nim ek lelesin. Nadya ugunuk lelesin yub era, ugun damnya pe keboka sunuwoka seiniwanalum.

1 KORINTUS 10:19

Ban wenyhenya nera damok ara, har nesa lebna do? Giblemakaʾ ak beil balamak denaʾ gom, giblemakaʾ nong ak gom, nidyaʾ ara dib nongaʾ hnon ulumlaʾ anasa, lelemna de? Orok e!

1 KORINTUS 10:7

Onoʾ Hnonda Israeli nim edya sik gangganek ara, yokaʾ-yokaʾ ak giblemek sok numbabya unuweibyek aboka, beknaʾ ara ulusil. Imik Neyung yuba bukuk sam momnya dobokaʾ ara, ”Dara, Israeli nimi bukoka gwaneng meka deregoka, onoʾ sekoka eiya hlaboka unulumek,” alamla.

1 KORINTUS 5:11

alda nadya lebsenya nera damok ara, ban nenesa lemsa. Alda sondaʾ anasa, nara Imik Neyung yuba donya aldalaladyok, onoʾ gela salanaʾ ganya hnon, hmabaʾ un ganya hnon, bisaʾ ak giboka, yok nanga salyaʾ miniwoka leboka, ganya uu alasil meka deregoka, meka lelewoka hokaʾ donaʾanya ululadyok anasa, ugunublaboka ubmunuk aboka, yuba sekleng sok lemsa. Sikeneb neikaʾ seʾ bukoka denaʾ anaba, hyak mem nong!

2 KORINTUS 11:11

Hekasa nara anaso wenyhen do? Nara ugunuk wanaʾ usinaʾ orok adya anaso lebna de? Orok! Nara ugunuk wanaʾ ulusinaʾ ara, Imik Neyung anaba ella ulunel!

2 KORINTUS 12:15

Nadya ganya doboka yokaʾ-yokaʾ ara, ugunsamba leboka, nadyinya orok nenewoka dolomnakanya, na nong anaba malyaʾ neneldalamna. Nadya ugunuk nauba wanaʾ ulusin bok dara, ugunja dara, nak ara mek wanaʾ ubnenesom de?

2 KORINTUS 12:19

Ugunja dara, ban nidyaʾ lelemakaʾ ara, meknenggulumab senewoka, mala doldalamak senelesulum. Bok, nunja nidyaʾ ugunuk an lelemabnya nera, Kristus lomok uboka nenyek lelesabaʾ ara, Imik Neyung hogung ak lelemab. Nadya wanaʾ ulusin nim o, ban nidyaʾ unulumabnya nera, ugunja yuba dib senenaʾ nong anyek, gobdo migib dosululaʾ aboka ulusab.

2 KORINTUS 6:17

Anasa wera, ugunda sik Imik Neyung ak elgom ulumak nimi gangganek ab bokdanalumukanya, ugunda malyaʾ ak unulyamanggom. Dara, wera ugunuk perobaʾ leboka dobnesin,” ara Wenelesilnya bedya lelemla.

2 KORINTUS 7:1

Nadya wanaʾ ulusin nim o! Ban nidyaʾ unuwanasin hyokaʾ ara nuk lebsuk. Anasemba nunda al Imik Neyung ak lok ganya boboka, nunda al Imik Neyung amba gobdo geisaʾ perobaʾ anyek ulunob. Nunjaʾ ganya nonga malya nenelesil malya unaʾ nidyaʾ ara, dibaʾ loboka geisa nenebdanamab.

PILIPI 4:1

Nadya wanaʾ ulusin hemyabo nim o, wera anasa ugunda Wenelesilnya bek hyak dib senewoka ganya ologoka ubmoublulum. Nara ugunuk hyak eibsisinya senen ulusin. Ugun nong anyek, nadya ganya hekoka nadyaʾ deknaʾ dibaʾ nim ululum.

PILEMON 1:1

Nunjaʾ hem Pilemon o, nunjaʾ hem be uboka, neik wa welemabnya ululam! Nara Paulus, Yesus Kristus amba leboka henga goubnyeknya bedya, nunjaʾ hem be Timotius beb neikaʾ uboka, ban momnya donaʾ enera anak beibgenem,

IBRANI 6:9

Bok nadya wanaʾ ulusin hemyabo nim o, nunja an wenhyabaʾ anaba, nunja dara, ugunuk ara or malye, dibaʾ pe ulumakaʾ anyaʾ senelesab. Anya, nunja dara, ugunuk ara sikda Imik Neyung adya perobaʾ, sik blebnesisoʾ ara seleb dobekaʾ anyaʾ senelesab.

1 PETRUS 2:11

Nadya wanaʾ ulusin hemyabo nim o! Ugun nong ara sekel yanggan nim uboka, salyaʾ soko pik dongol girikna nim ululumaʾ anasa, nimi malya ubsinya ganya bolomakaʾ anyek, nimi ganya lomok sam malya ul eleklesilaʾ anyek, ugumba hnon ununaʾ mem aboka yuba garawoka sekna.

1 YOHANES 5:21

Najabo yab o, ugunda yokaʾ-yokaʾ sunuwoka giblemakaʾ ak abaʾ ara mok nenewoka ulululum e.

WAHYU 13:8

Dara ban yu nongaʾ ak ara, sokok an ulumak nimi nidyaʾ ara, alak giblemnemak. Bok anam soko uyiwanggom salek enyek ab moruwoka orob domba me aljaʾ nim embengaʾ un buku lomok sam si unggulumlya nim era, ban yu nongaʾ ak giblemnemak.

WAHYU 2:14

”Ban unulum bok, onoʾ yok-yok unaʾ hnon unululamaʾ anyek, nara lek senelamnaʾ ara, nim an gangganek sam hnon, Bileam bedya neklesil yub ek salabmouboka ulumak. Bileam bedya dara, Balak bedya Israeli nim ek hekaʾ huboka malya unaʾ lomok bobonggesukaʾ anyek nekemok, bisaʾ ak sam beil balamek denaʾ delelulum, hnonda gela salyaʾ salelulum aboka neklesilom aboka nekemok.

WAHYU 21:8

Bok nimi nidyaʾ lok hwam nim eb, yuba dib senenaʾ orok nim eb, malya uboka gasa ganya bolomak nim eb, nimi salyaʾ olomak nim eb, gelaʾ nauba salalemak nang eb, nimi guma guklesak nang eb, bisaʾ girik gala giblemak nim eb, nimi nidyaʾ sondaʾ hwam nim eb dara, ban sobaʾ singilamlaʾ uk mek gwanek sam doboka dabnesil. Wera penenya somoganamakaʾ ara an,” wenhyok.

WAHYU 22:15

Bok nimi guma guklesak nang eb, gel salanaʾ hwam ok ulumak nang eb, nim dib olomak nim eb, bisaʾ girik gala giblemak nim eb, sondaʾ hwam ok lelemak nim eb, nera yuba sirik adya sondaʾ lelemak gom, sene bobnenewoka wanaʾ ulumak nim eb, ban nimi digum nidyaʾ ara, perob heikek ab weilik geboka ulumnemak,” hyok.