1 KORINTUS 10:13 - PERJANJIAN BARU NALCA YUBA

¹³ Ugunuk an sunulyamalesil sununaʾ ara, yok nimi nidyaʾ anaba, sunulyamalesil soknya nek ulusil. Dara, Imik Neyung ara hyak bojam ululanya ulumlakanya, ugunuk yokaʾ adya senenggomaʾ sunulyamelesil dara, Imik Neyung adya ugunja migiba sunuwoka, uka nauba sunulwenenggom henemla. Dara, ugunuk sunulyamalesil sum era, ugunda pe siklewoka ululumaʾ aboka, Imik Neyung adya pika bak lobnesil.

1 KORINTUS 10:13 Խաչաձեւ Հղումներ

2 PETRUS 2:9

Anasa ban eini lebmanaʾ adya eillilemab. Imik Neyung ara alak ella uboka, pe ulumak nim era, sikenek yokaʾ-yokaʾ adya geregoka malya nenelesil sum era, har so blebnamnaʾ ara pe ella ulumla. Dara onoʾ Imik Neyung ara, nimi malya ulumak nim era sidyaʾ daknamla sum ek henga geregoka yana lelewanamna senewoka, ban amba bo unaʾ ara alda ella ulumla.

2 TIMOTIUS 4:18

Nera aldib Wenelesilnya bedya nak malya ublul senewoka sunulunelaʾ ak ab blebelmorulumnenel. Alda nak doboka alja imik heikek pe bo binenel. Alak imik nenewoka sobaʾ pe giblenok. Amin.

2 TESALONIKA 3:3

Bok Imik Neyung ara alda bojam hwam ok ululanya. Anasa alja ugunuk ganya migib neneb eleganesilikanya, nimi malya nenesinaʾ ak ab leileiwoka blebnesil.

IBRANI 12:4

Anya ugunda malya unaʾ ab oldalalumuk ara, ugunja eneng hnon lananggulusil.

1 TESALONIKA 5:24

Youblesilnya bera bojam unulmorulesilnya ulumlaʾ anasa, unubdaknesil.

LUKAS 22:46

Anasa Yesus adya sikenek, ”Wei ugunda hekasa malalum do? Ugunuk yokaʾ migib adya sunubyamadesilyek aboka, ugunda bukoka mololelulum,” hyok.

2 KORINTUS 1:10

Dara, Imik Neyung migib enedya nu nong ara, somoganasibyaʾ nong ok ab blebsuukanya, onoʾ wenebabya blebnesil. Nunda Imik Neyung ak ganya welemabakanya, eimik yanamla igin yakaʾ eneba alja blebnesilaʾ anyaʾ senelemab.

WAHYU 3:10

Anda nadya yub ek dib senewoka pe siklewoka unululamaʾ anasa, nababya amba lunuwoka soko me nidyaʾ igina kwebnesil sum ek ab kemero ubnenggen. Ban unuwanamlaʾ ara soko nimi nidyaʾ ak sunuwanasil.”

WAHYU 2:10

Wene salek enyek, yokaʾ-yokaʾ igina kwebnenggelnya nenesa leboka, anda lok ganya bonaʾ ara mem. Anda pe beknelamaʾ nong ara, anak sunuwanenggelaʾ ara, Iblis adya ugun gangganek sam hnon nimi doboka gasa ek sam henga geregoka beibnesil. An henga geregoka beiyisilya salek era, lika sagobadya mabnelum. Unuweigijaʾ anaba, anda bojam ululom! Anya somogamen dara, nadya anak dib embengaʾ ulmoubnaʾ huk golunaʾ ek goliyiwanenggen.”

1 PETRUS 4:19

Anasa wera, nimi hnon nim era Imik Neyung adya senemlyaʾ adya, igina kweboka ulumnemak dara, nim en pe jongaʾ uboka sik nong ara uyiwosuknya bek elegoka onoʾ pe ulmorulunok. Imik Neyung ara alja unuwanasin ananya nera, alda gigiwoka unululanya bek ulumla.

1 YOHANES 1:9

Nunja malya unaʾ laga lelemeibya dara, Imik Neyung ara bojam uboka, hyak meknenggululanya anasa, alda nunja malya unaʾ meewanasilikanya, nuk malya unaʾ nidyaʾ ak ab geisa neniyiwanesil.

1 KORINTUS 1:9

Imik Neyung ara alja me nunja Wenelesilnya Yesus Kristus ab ganya kwebdangoka ulululumaʾ aboka, ugunuk youbosuknya bera, sob-soba bojam ulmorulelanya bek ulumla.

IBRANI 11:11

Onoʾ Abraham bera ganya dib senenaʾ adya, alab Sara geb dara, seleb yamen dangarek bok, me beiblulaʾ aboka migiba dobok. An nera alda ban me eleganenggen hyoknya bera pe bojam ululanya benyaʾ senemokaʾ adya unuwok.

IBRANI 10:23

Imik Neyung ara aldib alda bojamnya ulumlakanya, alja perobaʾ eleganesin hyokaʾ ara aldib eleganesilaʾ anasa, nunja aldib perobaʾ dobnemab aboka dib senen ganya boboka, nebom alamabaʾ ara gasa salalmoublenob.

LUKAS 11:4

Dara, nunda malya ubdangamna nim eb dara, memeldalamabaʾ anasa, ambabya nunjaʾ malya unaʾ era doboka bobogeisilom. Nuk sunulyamalesil pik sam boro dibnenggunusilim, aboka mololelulum,” hyok.

IBRANI 6:18

Wera ban penya damok era saawoka yok danganggulumla ara, Imik Neyung alja laga lenaʾ ab, unuwanasin amnaʾ ak ara, hyak mekaʾ sondaʾ lenggulumla. Ban nenesa leboka, nunda Imik Neyung ak perobaʾ leboka muruklumab nim era, nunjaʾ hogung ak an ulumlaʾ ganya nebom anaʾ ara dib dobnemabaʾ anyaʾ senen ganya era migib eleklesil.

WAHYU 19:11

Dara onoʾ hnon eimik so danyek, imik heikek ara gaboka, wera nim abaksin pama, kul pam ek eibsa. Pam en abagemoknya bedya alja si nera Bojam hwam uboka, dib nongnya aboka simek. Alda nimi henga goubnaʾ ab, mala weboka oldanaʾ ab dara, pe senenya loboka yana lelelesil.

LUKAS 16:26

Ban orokaʾ anaba, an ululamaʾ ak abaʾ ara, nuk an ara nuk anyebaʾ ara nimi hnon anak sam an yeijek, onoʾ anak anyeb nang era nuk yeijek aboka, senenggom gwerena boblebok! aro lebok.”

RASUL 27:44

Yok nang ak dara, ebelengnaʾ jobdobaʾ gom, yok jobdobaʾ gom, salawoka mek gemek binimak senewoka orugomok. Ban unumek adya, sikda nidyaʾ mek gemek blebdangoka bilimek.

MATIUS 6:13

Nunda nauba sunulusil ak sam bo yangganggunesilim bok, alda hyak meilinya bek ab blebnesilem. Anda hyak senenggom migib dubnya uboka, anja si nera sobaʾ imik ulmorulumnamla. Amin.”