1 KORINTUS 10:11 - PERJANJIAN BARU NALCA YUBA

¹¹ Israeli nim ek, nidyaʾ unulumokaʾ ara, nun yok nim enyek, anaso unuweibyek aboka, beknaʾ dibaʾ ulusil. Ban Imik Neyung adya unumoknya nidyaʾ momnya dobokaʾ ara, nuk wenesinaʾ dibaʾ ubsuk. Nunda sidyaʾ daknamla salek ulumab nim emba ubsuk.

1 KORINTUS 10:11 Խաչաձեւ Հղումներ

MATIUS 13:39

Walenja yinaʾ yamal yeilimoknya isaʾanya bera Iblis ara an. Nonga dakne sum era, soko sidyaʾ daknamla sum; alda nonga daknamak nang era, imik ab lero nang era an.

MATIUS 13:40

Anasa walenja ak gwenewoka, neikaʾ henga gouboka uka damek sonya nera, soko sidyaʾ daknamla sum era neik so unuwanasil.

ROMA 13:11

Ugunda ban wene salek unulamla uruma era ella ululumaʾ ara, ugun mablumaʾ ara buknelum salek seleb danggiga balamla anasa, ban wenyalasil yub era al unulumnelum ok. Anasa blebsinaʾ ara nunda men anam ganya dib senewoub salek ek ab dara, wenera hyak seleb ok berem nong ulumla.

ROMA 13:12

Mok soko ara seleb inibdouluwoka, wera bereganamla salek. Wera anasa nunda wera gunaʾ hnoum ab ununanya nera lobibyekanya, dilinaʾ adya mal yin enyek enegoka ulumnemab!

ROMA 15:4

Anasa nidyaʾ yokaʾ-yokaʾ men danyek momnya doboknya nera, nuk anyeganyeb ella danamak senewoka seleb unu momnya dobok. Wera anedya nunda pe ganya gouluwoka salabmoubnaʾ ab, geisa Imik Neyung yuba momnya dobokaʾ ak ab ganya sangaldisinaʾ ab dadya, ganya welemnamab aboka unuwok.

ROMA 4:23

Anasa ban ”perobaʾ nenenaʾ ara, alak gebok,” wenhyoknya nera, Abraham bemba ok leboka momnya dobnenggubuk.

1 KORINTUS 10:6

Ban nidyaʾ unuwoknya nera, nunsamba beknaʾ dibaʾ ulusil. Sikja meilinya nek, unuwesibya senelemekaʾ anyek, numbabya neik ganya diligaʾ dobijek aboka ubsuk.

1 KORINTUS 7:29

Hemyab o, nadya lelenanya nera, damok ara banasa lelemna. Nu ulumab salek enera wera mekaʾ me ubla. Anasa wenyek danyek moruwoka, gela yak nang era, gela dobnenggomnya beneso ak ulumnamso.

1 KORINTUS 9:10

Goma, ban nera nunsamba lebsuk gom? Yo nera aldib nunsamba leboka momnya dobsuk. Anasa wera, beiyek wa welemna nang eb, doka daklamna nang eb dara, numbabya hnon dobnanam senewoka welerak bok anasa, nera nunsamba leboka momnya dobsuk.

GALATIA 4:24

Wera wenyamokaʾ sununaʾ ara ban: ban penya gelewa danara, Imik Neyung adya penya unuwanasin aboka lemoknya nek sunuwoka ulumlaʾ ara, hnonda Sinai meinik mok ebnya nek, gel gera oruknaʾ amba wa wenaʾ mab ok beillilemnamla amok gel gera, Hagar ge ulumok.

PILIPI 4:5

Wenelesilnya bera mek anam yanalabok anasa, ugun nong anyek perob ganya boboka namenaʾ ulumunaʾ ara, nimi yok nang edya eillilesinokaʾ aboka lebsin.

IBRANI 10:25

Imik Neyung yuba longolomabaʾ ara longgom mem. Nimi hnon lolomak sok neik so ununggom. Nunda ganya gwelelek aboka yokaʾ-yokaʾ unuldalamnamab. Wenelesilnya bera mek anam yanalabok anasa, nunda sobaʾ nauba so wenebdangoka uldalamnamab.

IBRANI 10:37

Ban nenesa leboka, Imik Neyung yuba bukuk sam ara, ”Eimik hyak berra yanamla salek era, or mek ok ubla; al yanamlaʾ ara, nara sum enyek, or eimik ek yanamnaʾ aboka, goʾ mabdabnenggunumla.

1 YOHANES 2:18

Najabo yab o! Yokaʾ-yokaʾ nidyaʾ sidyaʾ daknamla sum era, seleb oka dal! Hnonda eimik era Kristus ak isaʾ nenewanelanya hnon lanawanamlaʾ kelumaʾ ara, wera seleb lanawoka, nimi nauba Kristus ak isaʾ nenelemak. Wera anadya nunda sidyaʾ dakna salek era oka dal, senewoka ella ulumab.