1 KORINTUS 1:27 - PERJANJIAN BARU NALCA YUBA

²⁷ Anasa wera, sokok an geremseng ulumak nim era, sikba alya dabsululaʾ aboka, sokok anyeb nera dongdang alamaknya nenyek, gaboka dobsuk. Onoʾ sokok an senenggomaʾ anyek, migib ulumak nim enyek, sikba alya dabsululaʾ aboka, sokok anyeb nera hmenga senelemaknya nenyek, gaboka dobsuk.

1 KORINTUS 1:27 Խաչաձեւ Հղումներ

YAKOBUS 2:5

Nadya wanaʾ ulusin nim o! Ugunda banyek seiniwanalum. Sokok an bonaʾ garana ulumak nim era, yuba dib senenaʾ dub nim ulunokaʾ aboka, Imik Neyung adya weboka dolosil. Imik Neyung adya alak wanaʾ ulumak nim emba lesuk yuba sunuwoka, Imik Neyung alja mabo silibaʾ yokaʾ nenelesil.

MATIUS 11:25

Ban sum enyek, Yesus adya heng uboka molowanamokaʾ ara, ”Neyung o, anda im ab soko ab dara, anja uyilum! Ban unulumaʾ damok ara geremseng nim eb, yok-yok ella danganaʾ dolomak nim ek sam ara, anda doknowoka gunulumukanya, alda yokaʾ-yokaʾ ella danganaʾ orok nimi mek nang ek sam amalesilimaʾ anasa, nara anak perob aboka giblenggen.

1 KORINTUS 1:20

Geremseng nimi dibaʾ ara hanyagar ulumak do? Sokok an yuba neksin nang dibaʾ ara, har sam ulumak do? Imik Neyung adya sokok anyagan geremseng ulumakaʾ ara, orok nenemokaʾ anano?

LUKAS 21:15

Ugunjaʾ isaʾ nang edya, ugunuk malya nenewoka obneboka, ugunja lebnemun yub era sondaʾ amba lebak senen dalyek aboka, nadya ugunuk sabnemun yub eb, ella dangan geremseng eb eleganesin.

2 KORINTUS 4:7

Bok ban geisa perobaʾ ara, nu soko adya uyisuk nimi nong lomok bolomab. Wera an unulumabnya nera, senenggom migib era nuk an unggulumla, alda Imik Neyung ak ulumlaʾ anyek laga dolulaʾ aboka ulumab.

MATIUS 21:16

Dara sikja Yesus ak, ”Sikda an wenyalamakaʾ ara, anda kelam de?” hyek. Wenyek Yesus adya, ”Yo, naba kenadyok umna,” hyookanya, ”Mab ab, momden mab eb dara, perob senewoka giblenokaʾ aboka, anda unusulum, an momnya dobokaʾ ara, ugunda eininggululum de?” hyok.

2 KORINTUS 10:10

Nim adya ok dara, Paulus bedya momnya doboka beillilesil yub era, pe gasaʾ migib nongaʾ lelemla. Bok al nong anyek, oka nu gangganek ulumla dara, alda hmeng so ulumlakanya, alja yub era, dolbalek so dangalamla, alanyak.

MATIUS 9:9

Wera Yesus ara anyaganyebaʾ ara loboka byuk. Wera anam balamok salek, nimi ben hnon alda rupiah mok soko amba molowoka dolosuknya, alja si nera Matius, alja wa wen ek sam bulumokaʾ ak eibuk. Dara Yesus adya alak, ”Anda nak diriga yalom!” hyok. Dara Matius bera sekoka, Yesus ak dobol byuk.

RASUL 17:18

Dara onoʾ neikik wenyek, Epikuros bedya men seinimok ganya seininaʾ enyek seiniwoka ulumek nanga hnon, onoʾ Stoa bedya men seinimoknya nek seiniro ulumek nanga hnon, alablaboka neikik ganya amomaʾ ub einimek. Dara, sik gangganek ab hnon nang edya lelemekja, ”Benera ella danganaʾ ara mek bok, yuba sanaʾ anyek nauba lelemla anasa, hekaʾ anasonya ella dangoka lelemla do?” hyek. Bok onoʾ yok nang edya dara, lelemekja, ”Alda yok soko nang edya molowoka giblemak bisaʾ yub ek lero yabalamla,” alamek. Ban wenyameknya nera damok ara, Paulus bedya Yesus amba geklewoka Imik Neyung yuba lelemookanya, onoʾ somogamna seleb dara, embengaʾ suboka bulumak yuba lelemok anasa, wenyaro balamek.

RASUL 7:54

Yahudi yuba san nang edya, Stefanus bedya lelemok yuba kemek dara, sikja ganya oblumugoka mona yeilib menegesuk dara, sikda Stefanus bek si gleng darawoka yu ganya bomek.

RASUL 7:35

”Musa al ban Musa benyek Israeli nimi nong edya alak, Heknedya nuk bo uboka, yana lelesilom aboka sekiyinjok do aboka wekdo dorogomekaʾ onnya bedya al nenesa leboka unumek bok, onoʾ alja Imik Neyung lero adya gal donggalek sam yeiniboka, bo usinya uboka blebsinya nenewoka Imik Neyung adya Mesir sokok bokol bilimok.

1 KORINTUS 1:21

Imik Neyung nidyaʾ ella ulumlaʾ adya, nimi soko nim era hyak yokaʾ-yokaʾ nauba ellaʾ anaba, sikja ella unaʾ edya dara, nak ella danggunuseng senemookanya, nunja lero yabalamab yub era, nim adya malya yuba senelemak bok, ban adya nak dib senelemak nim era, blebnesin senewoka perob senemok.

1 KORINTUS 2:12

Wera nuk ara, soko enyek anyeb ganya ek eleganggusuk bok, alda Imik Neyung adya, alja Geisa ganya ek elegousuk. Anadya wera, Imik Neyung adya nidyaʾ yokaʾ-yokaʾ nuk elegousuknya nera, ella danokaʾ aboka Geisinya elegosuk.