1 KORINTUS 1:22 - PERJANJIAN BARU NALCA YUBA

²² Yahudi nim era, lok so beknaʾ dibaʾ ak eibsibyaʾ aboka elemak. Yunani nim ek dara, nimi sokok an geremsengaʾ ella danganaʾ damok ak elemak.

1 KORINTUS 1:22 Խաչաձեւ Հղումներ

YOHANES 2:18

Yesus adya ban unusukaʾ seleb dara, Yahudi dub nang era Yesus ak, ”Wera or anja nuk hekaʾ hubmen anyek eibnobaʾ aboka, anasa ulumna aboka hyak yok so beknaʾ dibaʾ enyek unuwalom,” hyek.

LUKAS 11:16

Alda onoʾ yok nim edya dara, Yesus unulumoknya nenesa sene sunuwanobaʾ aboka, anda aldib Imik Neyung ak ab yeilimen dara, laga beknaʾ dolulaʾ aboka, imik ab yok lok sonya nenyek hnon unuwalom aboka molomek.

MARKUS 8:11

Wera Parisi nang hnon Yesus ak yeiniboka, alab yuba sal yabeekanya, sene bobnenewoka gogobaʾ dibnobaʾ aboka, yok lok so beknaʾ hnon, imik heikek abnya nenyek, unuwalom aboka, sikda alak molowek.

LUKAS 11:20

Bok nak dara, bisaʾ yaklamnaʾ ara, Imik Neyung migib adya yaklamna, anya anyek unulamna dara, wera Imik Neyung adya ugun gangganek seleb wenelesilaʾ ara ulusil an.

YOHANES 4:28

Dara, ban sum enyek ban gel gera mek hmeiya beib loboka, heikek byuukanya lebokja,

YOHANES 4:48

Dara, Yesus ara ban soko dubnya bek, ”Ugunda yokaʾ-yokaʾ lok so beknaʾ senenggomaʾ, lokol danaʾ eilinggululum dara, dib senenggululum,” hyok.