1 KORINTUS 1:21 - PERJANJIAN BARU NALCA YUBA

²¹ Imik Neyung nidyaʾ ella ulumlaʾ adya, nimi soko nim era hyak yokaʾ-yokaʾ nauba ellaʾ anaba, sikja ella unaʾ edya dara, nak ella danggunuseng senemookanya, nunja lero yabalamab yub era, nim adya malya yuba senelemak bok, ban adya nak dib senelemak nim era, blebnesin senewoka perob senemok.

1 KORINTUS 1:21 Խաչաձեւ Հղումներ

LUKAS 10:21

Dara ban neik salek Yesus anaba, alda ei-ei ganya bomokaʾ ara, Imik Neyung Geisinya adya deknemokaʾ adya umok. Anasa Yesus adya dara, ”Neyung, Wenelesilimnya o, anda soko ab im ab dubnya ululam! Nara anak perob aboka gibgenaʾ ara, ban nidyaʾ unulusilimaʾ ara, geremseng nang eb, yokaʾ-yokaʾ ella danganaʾ dolomak nim ek ara gunuweisinjok, alda mek so nim ek anyek laga nekoka amalesilimaʾ anasa gibgen. Ban unululamaʾ ara, anja ganya adya uboka, perob senelelamaʾ anasa perob,” hyok.

MATIUS 11:25

Ban sum enyek, Yesus adya heng uboka molowanamokaʾ ara, ”Neyung o, anda im ab soko ab dara, anja uyilum! Ban unulumaʾ damok ara geremseng nim eb, yok-yok ella danganaʾ dolomak nim ek sam ara, anda doknowoka gunulumukanya, alda yokaʾ-yokaʾ ella danganaʾ orok nimi mek nang ek sam amalesilimaʾ anasa, nara anak perob aboka giblenggen.

EPESUS 3:10

Imik Neyung adya seinimoknya nera, wenera yuba donaʾ nimi pik uboka, imik sam wenewoka bo usin nang, senenggom dub nang ulumakaʾ ara, Imik Neyung adyaʾ hyak senenggomaʾ yok-yok geremsenga boboka, wa welemlaʾ anyek ella danokaʾ aboka seinimok.

1 KORINTUS 1:24

Bok Imik Neyung adya nuk youbosuk nim edya dara, nera Yahudi nim eneba, Yahudi gom nim eneba, Kristus ara Imik Neyung adya alja migib eb, alja geremseng unaʾ damok an, senelemab.

ROMA 1:28

Hnonda, Imik Neyung ak nunjaʾ neyung anyaʾ aboka laga len ganya enyek bonaʾ orok anasa, sikda Imik Neyung adya ganya eiyiba daranaʾ ganya enyek elegousuk. Wera anedya, sikda unuwamenggomnya nenyek unuru yabalamek.

ROMA 11:33

Imik Neyung bedya bonaʾ mandebnaʾ ab, yok-yok ella dangan damok eb, yokaʾ ella unaʾ ab, ai, hyak lomok sokok yangabok anyek lok bar! Wera anedya aldib, alja yuba saboka nenyek alamlaʾ ara pe lelebdaknamenggomokanya, alja ban pik era pe lelebdaknamenggom e!

LUKAS 12:32

”Ugun ululum nim era dumunga mekaʾ me bok anasa, ugunda lok ganya bonaʾ ara mem! Imik Neyung ara alja wenelemnesilnya nenyek, ugunjinya danasil.

YOHANES 12:31

Wera, sokok an yana lelewanamla salek era, seleb yalaʾ anasa, sikja dubnya bera eleboka boboganamla.

1 KORINTUS 1:18

Anasa, somoganobaʾ aboka uk hinik anam balamak nim edya dara, Kristus gal ak somogok yub era, salyaʾ lelemaʾ senelemak. Bok, nunda Imik Neyung adya blebsuk nim edya dara, Kristus somogok yub ara, Imik Neyung migib ara alan, senelemab.

1 KORINTUS 1:23

Bok nuk dara, Kristus gal ak glaboka somogok yub ek lero yabalemab. Dara, Kristus gal dubuk somogok yub era, Yahudi nim ek dara, ganya suguwoka lek senelemak. Bok Yahudi gom nim ek dara, salyaʾ so yuba senewoka dolbaleka dablesil.

1 KORINTUS 1:25

Anasa, Imik Neyung adya, nera dongdang anaʾ senelelanya nera ella nong bok, nim adya dara, nera hyak geremseng el danganaʾ senelemaknya nera dolbalek so. Onoʾ Imik Neyung adya, nera hmeng unululanya nera, migib nong ulumla. Nim adya migib era hmeng ulumla.

1 KORINTUS 1:27

Anasa wera, sokok an geremseng ulumak nim era, sikba alya dabsululaʾ aboka, sokok anyeb nera dongdang alamaknya nenyek, gaboka dobsuk. Onoʾ sokok an senenggomaʾ anyek, migib ulumak nim enyek, sikba alya dabsululaʾ aboka, sokok anyeb nera hmenga senelemaknya nenyek, gaboka dobsuk.

1 KORINTUS 2:14

Dara, nim Imik Neyung Geisinya unggululanya bera, Geisinya adya eleklesilaʾ ara, donggulumla. Alda eleklesilaʾ anyek, dolbalek so senelamla. Dara, ban nenera Imik Neyung Geisinya adya ok damok ara ban senewoka ella dangalamak anasa, albeyok ella damenggom ulumla.

1 KORINTUS 4:10

Kristus nong anasa leboka, ugunuk dara yuba donaʾ geremseng nim uboka, nuk dara dongdang anaʾ nim ulumab. Nuk hmeng ulumab bok, ugunuk dara migib ululum. Nuk dara derelesak bok, ugunuk dara, perob senewoka gigilesak.

1 KORINTUS 6:2

Wera eimik era, munaʾ Imik Neyung mab adya sokok an yana lelewanesakaʾ ara, ugunda elgom ululum de? Dara ugunda soko nidyaʾ yana lelewanalum bok anasa, hekasa mek siriknya neneba wen yana leleldanggululum do?

1 KORINTUS 11:32

Bok, Imik Neyung adya nuk malya geblesilnya nera eimik enyek, nuk sokok an yokaʾ nim eb, neikaʾ dib obsilyek aboka, sene men orowek or legebnaʾ dem ok deblesil.

GALATIA 1:15

Bok Imik Neyung alja wanaʾ uboka eleksinaʾ adya, alda men na beilinaʾ oroka wenyek weboka donyookanya, alsamba welelulaʾ aboka youbonyok.

GALATIA 4:8

Youmaʾ ugunda Imik Neyung ak elgom ululum salek era, Imik Neyung be dibaʾ ak gom, alda yokaʾ anyek nunjaʾ neyung nenewoka, ugun nong ara anyagan ganya diboka ululum.

EPESUS 1:9

alda soko nang blebnamna senemokaʾ doknomokaʾ ara, alja men ganya doboka Kristus pik uboka, wen nuk laga nenewok.

KOLOSE 1:19

Wera anasa, Imik Neyung ulumlaʾ nidyaʾ ara, neyung adya ganya doboka alaʾ me ak yeindeboka al lomok munaʾ gobdo ulumla.

IBRANI 1:14

Wera anaso dara, lero nang era, dib nongaʾ ara hek nang ek ulumak do? Lero nang ek dara, sikda Imik Neyung bedya wa welemak nang ek uboka, nim Imik Neyung adya blebnamla nim ek ganya arasinaʾ amba ulumak nang ek ulumak.

IBRANI 2:3

nunda senenggom blebsinaʾ damok ek, dolbaleka gebnesibya dara, igin eleknaʾ lobnesusu de? Ban blebsinaʾ damok enera, Wenelesilnya bedya men leb elegesuukanya, alak ab kemek nim edya, nuk aldib an beknaʾ elegesik.

IBRANI 7:25

Wera anasa, Yesus ara, alda sobaʾ ulmorulamlakanya, bleblesil nim enesa leboka, Imik Neyung ak sobaʾ mololosilaʾ anasa, aldib sobaʾ ulmorulamlaʾ adya, nim Imik Neyung ak al pik uboka yalamak nim era, hyak gobdo dibaʾ amba bleblesil.

YAKOBUS 4:4

Ugunda hyak bojam unaʾ orok nim ek ululum! Nimi sokok ab kwebdangoka ulumak dara, Imik Neyung ak ara, isaʾ geblemakaʾ ara, ugunda ella ululum de? Anasa nimi ben hnon sokok sam wanaʾ ulunun senelelanya bera Imik Neyung ak ara isaʾanya geblamla.

YAKOBUS 5:15

Sikja molowanamakaʾ ara, hyak ganya dib senewoka molowanamak dara, wera Wenelesilnya bedya neiklelenya bera meriyiwoka, alja malya umlyaʾ ara meewanamla.

YAKOBUS 5:20

ugunda ban yub enyek seiniwanalumaʾ ara, Nimi malya unaʾ pik balanabok doboka perobaʾ ak sam beil yalalanya bera, malya ulumna nong unaʾ hnon bleboka, onoʾ somoknaʾ ak ab bleboka dolomlakanya, wera dololanya bedya malya unaʾ nauba doboka boloklamla. Nara Yakobus bedya gibsin e.