YUNUS 1:9 - KITTA KAREBA MADECENG

⁹ Nappébali Yunus, “Tau Ibranika. Usompai Puwangnge, Allataala ri surugaé, iya pancajiyéngngi tasi'é sibawa pottanangngé.”

YUNUS 1:9 Խաչաձեւ Հղումներ

NEHEMIA 9:6

Nainappa massempajang umma Israélié makkuwaé, “Ikonaritu Puwang, Ikonaritu Iya Posséuwaé; Mupancajiwi wéttowingngé sibawa sininna bitaraé, makkuwatoro tasi'é sibawa linoé enrengngé sininna lise'na, nainappa Muwéréng atuwong sibawa Mupiyarai. Ri Alému sininna akuwasangngé ri langié suju'i massompa; tunru'i mennang ri Iko sibawa manyara.

MAZMUR 136:26

Sukkuru'no lao ri Allataala panguwasana langié; mannennungengngi pammasé-Na.

NEHEMIA 1:4

Uwéngkalingana karébaéro, tudanna sibawa teri. Siyagangngaré esso ittana masussa atikku. Matteruka mappuwasa umassempajatto lao ri Allataala,

EZRA 1:2

“Iyanaé paréntana Korésy, arung Persia. Puwangnge, Allataala makuwasa ri surugaé pura pancajika arung ri sininna linoé, sibawa suroka untu' patettongengngi bola ri Yérusalém ri daéra Yéhuda.

2 ARUNG-NGARUNG 17:28

Na séddi imang polé ri Israél, iya puraé ritiwi polé ri Samaria lao ri Asyur, lisuni sibawa monro ri Bétel. Kuwaniro napagguru ra'ya'é pékkugi sitongenna sompai Puwangnge.

2 ARUNG-NGARUNG 17:25

Wettunna mennang bunge'-bunge' monro kuwaro dé' mennang napakalebbii Puwangnge; iyanaro saba'na napapolé Puwangnge singa-singa untu' luruiwi sibagiyang polé ri mennang.

KAJAJIYANG 14:13

Iyakiya séddi tau mulléi leppe' laporo'i sininna kajajiyangngéro lao ri Abram, tau Ibraniéro. Monroi Abram ri seddéna aju-kajung makarame' onrong assompangngé appunnangenna Mamré, séddiwi tau Amori. Mamré sibawa silessu-silessurenna, iyanaritu Eskol sibawa Anér iyanaritu sellao-sellao siyempe'na Abram.

WAHYU 16:11

Nainappa natanroiwi mennang Allataala ri surugaé nasaba mapeddii mennang sibawa nasaba sining lettanna. Iyakiya dé'topa mennang natoba' polé risining pangkaukenna iya majaé.

WAHYU 15:4

Nigana dé' namétau ri Idi, Puwang? Nigana dé' namaélo mabbirittangngi arajam-Mu? Iko bawang ritu mapaccing. Sininna bangsaé poléi matu sompa-Ko nasaba sining tindakam-Mu iya adélé'é purani naita sininna tauwé.”

WAHYU 11:13

Na iyaro wettué kajajiyanni mpéwang tanaé iya maseroé. Tawa seppulona bagiyanna polé ri kotaéro ancuru', sibawa pitussebbu tau maté nasaba iyaro mpéwang tanaé. Sining tau laingngé métau senna'ni, nainappa mennang napoji arajanna Allataala ri surugaé.

FILIPI 3:5

Risunna'ka wettukku makkéumuru aruwa essona. Jajika selaku séddi tau Israél, polé ri suku bangsa Bényamin; tau Ibrani aslika. Ri laleng atinulurengngé ri hukkunna agama Yahudié, anggotanaka golongang Farisié.

RIWAYA'NA RASUL-RASUL-E 27:23

Saba' onna' wennié malaéka' polé ri Allataala iya usompaé, iyanaritu Allataala iya mappunnangiyékka, poléi ri iyya.

RIWAYA'NA RASUL-RASUL-E 14:15

“Eh, magi mupogau'i iyaé? Idi'é tolino mutokki pada-pada Saudara! Engkaki kuwaé untu' mabbirittangngi Karéba Madécéngngé lao ri iko kuwammengngi namusalaiwi gau'-gau' iya dé'é nakkéguna namulao ri Allataala iya tuwoé, iya pancajiyéngngi langié sibawa linoé nenniya tasi'é enrengngé sininna iya engkaé ri lalenna.

HOSEA 3:5

Iyakiya poléi matu wettunna lisui bangsa Israélié lao ri Puwang Allataalana mennang, sibawa lao ri arunna mennang polé ri wijanna Daud. Namétauna matu mennang sibawa mappakalebbi lao ri Puwangnge, enrengngé tarimai sining barakka'-Na.

DANIEL 2:44

Ri wettu apparéntanna arung-ngarungngéro, Allataala ri surugaé patettongngi matu séuwa akkarungeng iya mattahangngé matu mannennungeng sibawa iya dé'é naricau matu muwi ri bangsa niga. Iyaro akkarungengngé nancuru'i matu sininna akkarungeng iya laingngéro.

AYUB 1:9

Iyakiya mappébaliwi Ibillisi', “Tentuni nasompa-Ko Ayub nasaba tarimai pamale.

NEHEMIA 2:4

Nakkutana arungngé, “Jaji, aga muwacinnai?” Ri laleng ati massempajakka lao ri Allataala makuwasaé ri surugaé,

EZRA 5:11

Mappébaliwi mennang, ‘Idi'é atannaki Allataala makuwasaiyéngngi sininna alangngé. Ripatettongngi paimeng Bolana Puwangnge iya napatettongngé sibawa napassukkué mappulo-pulo taung labe'é séddi arunna Israélié iya marajaé.

KAJAJIYANG 39:14

naobbini sining pattumaninna sibawa makkeda, “Coba mitai! Tau Ibrani iya natiwié lakkaikku ri bolaéwé, napakatunaka. Muttama'i ri laleng bili'ku sibawa maéloi péjarika, iyakiya gora loppoka.

ASSURENG 1:15

Nanabbéréna parénta arung Maséré'é lao ri Sifra sibawa Pua, duwa bidang iya tulungngéngngi sining makkunrai Ibranié mémmana.

ASSURENG 2:13

Pappa bajana laosi Musa, nanaitani duwa tau Ibrani mattengngang mallaga. Nakkutana Musa lao ri tau iya pasalaéro, “Magi muwunrui silaommu?”

KAJAJIYANG 1:10

Nasenni Allataala iyaro tanaé “Pottanang”, sibawa nasenni “Tasi” iyaro uwai maddeppungengngé. Namasennanna Allataala mitai gau'éro.

KAJAJIYANG 24:7

Puwang, Allataala iya makuwasaiyéngngi langié, pura tiwika polé ri bolana ambo'ku sibawa polé ri wanuwanna sumpuloloku, napurani mattanro lao ri iyya makkedaé maéloi mpérékka iyaé wanuwaé lao ri wija-wijakku. Alénato suroi matu malaéka'-Na untu' tulukko, kuwammengngi mulléi runtu séddi bainé polé kuwaro untu' ana'ku.