WAHYU 15:3 - KITTA KAREBA MADECENG

³ Sibawa makkélongngi mennang élonna Musa, atanna Allataala, enrengngé élonna Ana' Bimbala'é. Makkuwaiyé oninna, “Puwang, Allataala Pommakuwasaé, temmaka loppona sibawa makalallainna sining pangkaukem-Mu! Arunna sininna bangsaé, temmaka adélé'na sibawa tongenna sining tindakem-Mu!

WAHYU 15:3 Խաչաձեւ Հղումներ

MAZMUR 111:2

Makalallaing tongeng sining pangkaukenna Puwangnge, sitinajai risalidiki risining tau iya pojiyéngngi.

MAZMUR 139:14

Upoji-Ko saba' dé'gaga padakku! Sininna pangkaukem-Mu makalallaingngi sibawa mappabengnga, tonget-tongengngi umaingeki.

MAZMUR 145:17

adélé'i Puwangnge ri laleng sininna tindakan-Na sibawa pennoi pammasé ri laleng sininna pangkauken-Na.

IBRANI 3:5

Matinului Musa selaku pattumani ri laleng Bolana Allataala enrengngé palettu'i gau'-gau' iya maéloé nappaddissengeng Allataala ri wettu mangoloé.

YESAYA 33:22

Sininna passakke'na ri kappala'na mennang dé'gaga gunana; sining sompe'na dé' naulléi pallebba'i! Sininna asugirenna balié tarampasa'i matu, namaéga senna jumellana, angkanna muwi tau péso'é makkétawato. Aléna Puwangnge mancaji arutta matu; mapparéntai matu, napatettongngi hukkungngé sibawa passalama'ki polé ri balié.

HOSEA 14:9

Nabbéyangngi matu tau Israélié sining dato-dato barahalana; Upiyarai mennang sibawa Utarimai sempajanna. Pada-pada aju iya tuli maworongngé daunna, Ucinaungiwi matu mennang. Iyya ritu assalenna sininna barakka'na. Iyya, Puwang, pura mabbicara.”

ZAKHARIA 9:9

Eh pabbanuwana Sion, arennuno! Eh pabbanuwana Yérusalém, gorano! Itani! Poléi arummu sibawa apakalang! Aléna arung adélé iya tiwié asalamakeng. Iyakiya lettu'i sibawa penno ariyawang ati tonangi kaleddé, sikaju kaleddé lolo.

YOHANES 1:17

Hukkunna Puwangngé ritarimai naolai Musa. Iyakiya pammasé sibawa atinulurenna Allataala ripannessai naolai Yésus Kristus.

MAZMUR 100:5

Saba' makessingngi Puwangnge; pammasé-Na untu' mannennungengngi, sibawa atinuluren-Na massossorengngi.

KAJAJIYANG 17:1

Wettunna Abram makkéumuru aséra pulona aséra taung, nappaitanni aléna Puwangnge lao ri aléna sibawa makkeda, “Iyya'na Allataala Iya Pommakuwasaé. Atinuluri-Ka sibawa tuli pogau'ni élo-Ku.

WAHYU 19:2

Adélé'i pangadéléken-Na sibawa mapanréi! Purani napatakkenna pahukkungengngé ri yasé'na cakkuribang iya battowaé, iya solangiyéngngi linoé sibawa appangaddinna. Allataala pura hukkungngi iyaro cakkuribangngé, saba' naunoi ata-atanna Allataala.”

WAHYU 14:3

Ri yolona kadéra arajangngé, sibawa iya eppa mahlu'é enrengngé sining pamimpingngé ri mattulilinna kadéra arajangngéro, iya 144.000 tauwéro makkélongngi séddi élong iya mabarué. Iyaro élongngé dé' naulléi magguruiwi muwi séddi tau ri lainnaé 144.000 tauwéro, iya puraé ripaleppe polé ri linoé.

ULANGENG 31:30

Nanapowadani Musa iyaé élongngé gangka cappu na sininna bangsa Israélié méngkalingai.

WAHYU 17:14

Mammusui matu mennang méwai iyaro Ana' Bimbala'é. Iyakiya iyaro Ana' Bimbala'é silaong sining ana' gurun-Na iya matinulué iya puraé Naobbi sibawa Napiléro nacaui matu iyaro sining arungngé, nasaba Aléna ritu Puwanna sininna puwangngé, enrengngé Arunna sininna arungngé.”

WAHYU 11:17

Makkedai mennang, “Puwang, Allataala Pommakuwasaé, iya engkaé, sibawa iya engkaénna! Mattarima kasi'ki ri Idi saba' purani Mupaké akuwasam-Mu iya battowaé, enrengngé purani Mupammulai mapparénta!

WAHYU 4:8

Iya eppa mahlu'éro, tungke'-tungke' mappunnaiwi enneng panni, sibawa ri mattulilinna enrengngé ri lalenna pennoi sibawa mata. Esso wenni iyaro mahlu'-mahlu'é dé' nappésau makkélong, “Mapaccing, mapaccing, mapaccingngi Puwangngé, Allataala Pommakuwasaé; iya engkaé, iya engkaénna, sibawa iya engkaé matteru.”

DANIEL 6:20

Ri subunnana moto'ni arungngé sibawa lao mapperi-peri ri gowana singaé.

YESAYA 45:21

Palluruni parakaramu, pangoloni butti-buttinna, ya, leppessanni mennang barunding massibawa. Niga mabbirittangngi gau'éro sibawa mabbirittangngi sipongenna riyolo? Tenniyaga Iyya, Puwang? Dé'gaga déwata ri laik-Ku. Iyya ritu Allataala iya adélé'é sibawa Pappassalama, dé'gaga laingngé sangadinna Iyya!

MAZMUR 145:6

Nabbirittangngi matu mennang sining pangkaukem-Mu iya maseroé, arajam-Mu uwappallebbangengngi matu.

MAZMUR 99:4

Untu' alé-Mu akuwasangngé, Arung iya pojiyéngngi hukkungngé; purani Mupatettong atongengengngé; Mupajoppai hukkungngé sibawa adélékengngé ri Israél.

WAHYU 19:16

Ri jumbana sibawa ri poppan-Na tarokii asengngéwé, “Arunna sininna arungngé, sibawa Puwanna sininna puwangngé.”

ZEFANYA 3:5

Iyakiya engka mupi Puwangnge ri kotaéro; tuli Napogau'i iya tongengngé sibawa dé' naengka iya salaé. Tungke' élé pasti mabbéréi adélékeng lao ri umma'-Na. Iyakiya tau iya dé'é naissengngi adélékengngé ri kotaéro tette'i pogau'i majaé tennaisseng masirié.

MIKHA 7:20

Lao ri umma'-Mu, wijanna Abraham sibawa Yakub, Muwappaitangngi matu atinulurem-Mu sibawa pappojim-Mu iya dé'é gaga paggangkannaro pada-pada iya Muwajjanciyangngé lao ri toriyolota riyolo.

MAZMUR 105:5

Eh wijanna Abraham, atan-Na, sibawa wijanna Yakub, tau napilé-Na, éngngerangngi sininna anu makalallaing iya Napogau'é, aja' muwallupaiwi sining apettun-Na.

MAZMUR 78:12

Ri yolona toriyolona, mébbui Allataala anu makalallaing ri wanuwa Maséré, ri tanéténa Zoan.

AYUB 5:9

Dé' padanna winru-winruna Allataala; dé' taulléi pahangngi. Sining anu makalallaing iya Naébbué, tenribilang sibawa dé'gaga cappuna.

2 TAWARIKH 24:6

Rimakkuwannanaro riyobbini Imang Yoyada, pamimpinna mennang, nanakkeda, “Tenniyaga Musa atanna Puwangnge pura suroi ra'ya'é makkamaja sima untu' mongkosokiwi Kémana Puwangnge? Makkekkuwangngé, magi sining tau Léwiéro dé' nadessa'i Bapa' untu' paddeppungeng sima polé ri ra'ya'é ri Yéhuda sibawa Yérusalém?” (

1 TAWARIKH 6:49

Harun sibawa wija-wijanna jamanna mattunu dupai, makkasuwiyangengngi akkarobangeng ritunu ri yasé'na mézbaé, pogau'i sininna rupanna upacaraé ri Bili' Pommapaccingngé, sibawa makkasuwiyangengngi akkarobangeng pappaledda dosana umma Israélié. Iya manennaro napogau'i mennang situru panunju-panunju iya nabbéréyangngé Musa atanna Allataala.

WAHYU 14:8

Malaéka' iya maduwaé maccinrolaiwi malaéka' iya mammulangngé nagorato, “Sempé'ni! Kota Babél iya battowaé sempé'ni! Purani naébbu sininna bangsaé mancaji mabo' sibawa uwai anggoro – iyanaritu anggoro polé ri napessu pappangaddinna!”

DANIEL 9:11

Sininna Israélié purani najjalékkai hukkung-hukkum-Mu sibawa dé' namaélo méngkalingai saddam-Mu. Madosaki lao ri Iko, narimakkuwannanaro Mupakennaiki tanro iya tarokiénna ri laleng Kitta'na Musa, atam-Mu.

NEHEMIA 9:14

Esso Saba' iya mapaccingngé harusu'i naramé-raméi mennang, sibawa naolai Musa Muwabbéréyangngi hukkum-Mu.

ULANGENG 34:5

Namaténa Musa atanna Puwangnge ri tana Moab, pada-pada napowadaé Puwangnge riyolona.

ULANGENG 32:3

Maélo-Ka pojiwi asenna Puwangnge. Abbirittangngi arajanna Allataalata!

YOSUA 22:5

Sibawa jagaiwi kuwammengngi muturusiwi hukkung iya napparéntangngé Musa lao ri iko, iyanaritu: Amaséiwi Puwang Allataalamu, accowériwi élo-Na, turusiwi sining parénta-Na, atinuluno ri Aléna sibawa attumanino ri Aléna sibawa sissukku atimmu sibawa sukku nyawamu.”

AYUB 36:24

Tuli ripojiwi nasaba winru-Na, sibawa sipato'ko pakarajai.

MAZMUR 18:30

Mupéwatangika untu' paccappui balié; nasibawang bantuwanna Allataalaku uleppoi attahanangenna mennang.

MAZMUR 92:5

Saba' pangkaukem-Mu pésennangiwi atikku, makkélokka marennu nasaba winru-Mu.

MAZMUR 111:7

Adélé'i Puwangnge sibawa matinului ri laleng sininna tindakan-Na, sininna parénta-Na weddingngi riyattuwang.

1 TIMOTIUS 1:17

Allataala, Arunna sininna wettué, sitinajai ripakalebbi sibawa tuli ripoji, saba' Aléna mannennungeng, iya dé'é napaita sibawa iya séuwaé! Aming.

WAHYU 1:8

“Iyya'na ritu iya pammulangngé sibawa iya paccappurengngé,” adanna Puwang Allataala, iya engkaé, sibawa iya engkaénna enrengngé iya engkaé matteru, Iya Pommakuwasaé.