WAHYU 14:4 - KITTA KAREBA MADECENG

⁴ Mennang sining tau iya tette'é mapaccing pada-pada parawangngé, nasaba dé' nasisumpung sibawa makkunraié. Naccowériwi mennang iyaro Ana' Bimbala'é kégi-kégi lao. Polé ri yelle'na sininna rupa tauwé, mennang ritu iya puraé ripaleppe selaku pakkasuwiyangeng mammulangngé lao ri Allataala sibawa lao ri Ana' Bimbala'é.

WAHYU 14:4 Խաչաձեւ Հղումներ

WAHYU 3:4

Iyakiya ri tengnga-tengngamu ri Sardis engka mupa tau iya jagaé kuwammengngi natette mapaccing pakéyanna. Joppai matu mennanro silaong Iyya sibawa mappakéyang maputé, saba' sitinajai mennang untu' iyaro.

2 KORINTUS 11:2

Muddanika lao ri iko, pada-pada muto Allataala muddani lao ri iko. Iko iyanaritu pada-padai séddié ana'dara iya mapaccingngé mupa iya puraé uwajjanciyang untu' ripabbotting sibawa séddié lakkai, iyanaritu Kristus.

YAKOBUS 1:18

Nasaba Aléna muto nanapancajiki ana'-ana'-Na naolai ada-adan-Na iya tongengngé. Napogau'i iyaro kuwammengngi talolongeng onrong iya makessingngé ri yelle'na sininna mahlu' napancajiyé.

WAHYU 5:9

Napuwélonni mennang séddi élong iya barué: “Sipato'-Ko malai iyaro kitta'é enrengngé reppa'i sining ségélé'na. Saba' pura-No riyuno, nanallalengiwi amatén-Na, rupa tauwé polé ri sininna sukué, basaé, wanuwaé enrengngé bangsaé purani muwelli untu' Allataala.

YOHANES 12:26

Tau iya maéloé tumaningi-Ka harusu'i maccowéri-Ka; kuwammengngi nasibawa-Ka matu pattumanik-Ku kégi-kégi-Ka engka. Tau iya tumaningiyék-Ka ripakalebbii matu ri Ambo'-Ku.”

YOHANES 10:27

Sining bimbala'-Ku naéngkalingai saddak-Ku. Uwisseng mennang, nanaccowéri-Ka mennang.

WAHYU 17:14

Mammusui matu mennang méwai iyaro Ana' Bimbala'é. Iyakiya iyaro Ana' Bimbala'é silaong sining ana' gurun-Na iya matinulué iya puraé Naobbi sibawa Napiléro nacaui matu iyaro sining arungngé, nasaba Aléna ritu Puwanna sininna puwangngé, enrengngé Arunna sininna arungngé.”

MAZMUR 74:2

Engngerangngi umma'-Mu iya Mupilé sipongenna riyolo, bangsa iya Mupaleppe'é kuwammengngi nancaji appunnangem-Mu. Engngerangngi matu Bulu Sion, iya Mupancajiyé onrong Muwonroiyé.

1 KORINTUS 6:20

Allataala pura melliko sibawa purana nawaja maneng. Rimakkuwannanaro, pakéi tubummu pékkugi caramu angkanna Allataala ripakalebbi.

YOHANES 8:12

Nabbicarasi Yésus lao ri tau maégaé, adan-Na, “Iyya'naé tajanna linoé. Tau iya maccowériyék-Ka dé' matu najoppa ri laleng pettangngé, iyakiya nappunnangiwi tajanna atuwongngé.”

YEREMIA 2:3

Israél, iko appunnangek-Ku paribadi, buwa atik-Ku iya Usayangngé. Upatatteppai abalaé lao ri sininna iya mébbuékko manrasa-rasa, Iyya, Puwang, pura mabbicara.”

1 PETRUS 2:9

Iyakiya iko iyanaritu bangsa iya ripilé, imang-ngimang iya tumaningiyéngngi Arungngé, bangsa iya mapaccingngé, banna untu' Allataala, umma'na muto Allataala. Allataala piléko sibawa mobbiko massu polé ri pettangngé untu' muttama ri laleng tajanna iya mattappaé, sibawa akkatta kuwammengngi muwappallebbangengngi biritta passalenna sining pangkaukenna iya dé'é padanna.

EFESUS 1:14

Roh-énna ritu boro' makkedaé tarimaki matu aga iya puraé najjanciyang Allataala lao ri umma'-Na. Iyanaé mpérékki ateppereng makkedaé Allataala paleppe'i matu umma'-Na. Ripojiwi Allataala nasaba arajan-Na!

1 KORINTUS 16:15

Tentu Saudara naisseng Stéfanus sibawa kaluwargana; mennang ritu tau iya bunge'-bunge'é mancaji Kristéng ri Akhaya. Sukku atinna mennang majjamai banna untu' tumaningiwi umma'na Allataala.

RIWAYA'NA RASUL-RASUL-E 20:28

Sitinajako jagaiwi aléna sibawa jagai towi sininna jema'é iya puraé nabbéréyang Rohna Allataala lao ri iko untu' rijagai, saba' pura riyakkako mancaji jennang ri jema'éro. Sitinajako jagaiwi iyaro jema'na Allataala pada-pada pakkampié jagaiwi bimbala'na, nasaba Allataala pura pancajiwi iyaro jema'é appunnangeng ri Aléna naolai amaténna Ana'-Na.

YOHANES 13:37

Nakkutanasi Pétrus, “Magi nadé' nawedding maccowéki Puwang makkekkuwangngé? Macenning atikku maté untu' Puwang!”

MATIUS 25:1

“Rékko poléi Ana'na Tolinoé selaku Puwang, keadaanna pada-padai ri laleng pakkalarapangngéwé: Engka seppulo ana'dara tinrosiwi bottingngé tungke'-tungke' mala pajjennangeng, nainappa lao duppaiwi bottimpurané.

MATIUS 8:19

Naengka séddi guru agama lao ri Yésus sibawa makkeda, “Pa' Guru, maéloka maccowériwi Bapa' kégi-kégi lao!”

ELONG MARAJA 1:3

Lellakko mabau, asemmu pada-padai minnya wangi iya tuppa'é; iyanaro saba'na nacintako sining ana'daraé!

1 TIMOTIUS 4:3

Napaggurui mennang tauwé dé' nakawing sibawa dé' nanré inanré mattentué. Padahal iyaro inanré napancajiwi Allataala untu' riyanré sibawa mattarima kasi lao ri Allataala untu' riyanré sibawa mattarima kasi lao ri Allataala polé risining tau iya mateppe'énna ri Kristus sibawa missengngénni pappagguruwang tongengngé iya polé ri Allataala.

1 KORINTUS 7:28

Iyakiya rékko kawingngi Saudara, iyaro tenniya dosa. Makkuwatoro rékko séddié ana'dara kawing, tenniyai bettuwanna madosai. Banna mennang iya kawingngéro moloiwi matu maéga asussang. Macinnaka kuwammengngi Saudara ripabélai polé risining asussangngéro.

AMOS 6:1

Macilakono iko tuwoé mannyamen-nyameng ri Sion, sibawa iko iya marasa amangngé ri Samaria – iko éh sining pamimpinna masyaraka bangsa Israél iya poréwé, iko iya biyasaé rilokkai ri ra'ya'é untu' méllau pattulung!

ELONG MARAJA 6:8

Namuni engka enneng pulona permaisuri, sibawa aruwa pulona gundi, enrengngé maéga senna ana'dara,

MAZMUR 45:14

Muttama'i Putri arungngé sibawa penno agelloreng, wajunna risulang ulaweng.

MATIUS 19:12

Nasaba engka tau dé' naulléi tennakawing, saba' mémeng mennang jajiwi makkuwaro. Engkato dé' nakawing nasaba tau laingngé mébbui makkuwaro. Sibawa engkato iya aléna muto piléi dé' nakawing, kuwammengngi naulléi tumaningiwi Allataala. Tau iya mulléngngi tarimai pappagguruwangngéwé, leppessanni natarima.”

EFESUS 5:27

Narimakkuwannanaro naébbui Kristus iyaro jema'é tettong sibawa maraja enrengngé mapaccing ri yolona, sibawa dé'gaga akurangenna iyaré'ga cellana muwi aga.

IBRANI 12:23

Muwaccowériwi séuwa addeppungeng iya marowaé – addeppungenna ana'-ana' macowana Allataala, iya aseng-ngasennaé riyokii ri laleng surugaé. Laoko mangolo ri Allataala, Hakinna sininna rupa tauwé. Muwoloiwi roh-rohna tau iya makessingngé, iya puraénna ripassukku.

WAHYU 21:22

Dé' uwitai Bolana Allataala ri laleng kotaéro, saba' Bolana Allataalana iyanaritu aléna Puwangngé, Allataala Iya Pommakuwasaé, sibawa iyaro Ana' Bimbala'é.

WAHYU 21:23

Iyaro kotaé dé' naparellu ritappari mata esso iyaré'ga kéteng, saba' arajanna Allataala tappariwi, sibawa iyaro Ana' Bimbala'é iyanaritu lampunna.