WAHYU 1:20 - KITTA KAREBA MADECENG

²⁰ Iyanaé rahasiyana polé ripitué wéttowing iya muwitaé ri lima atauk-Ku, sibawa polé ripitu ajé lampu ulawengngéro: Iyaro pitué wéttowing iyanaritu sining malaéka'na pitu jema'é, sibawa pitu ajé lampuro iyanaritu pitu jema'éro.”

WAHYU 1:20 Խաչաձեւ Հղումներ

WAHYU 2:1

“Lao ri malaéka'na jema'é ri Efésus, okii makkuwaéwé: Iyanaé paseng polé ri Aléna makkatenningngé pitu wéttowing ri lima ataun-Na, enrengngé joppa ri yelle'na iya pitu ajé lampu ulawengngéro.

WAHYU 3:1

“Lao ri malaéka'na jema'é ri Sardis, okii makkuwaé: Iyanaé paseng polé ri Aléna iya mappunnaiyé pitu roh polé ri Allataala enrengngé iya pitu wéttowingngéro. Uwisseng aga iya mupogau'é. Adanna tuwoko, padahal matéko!

WAHYU 1:16

Lima ataun-Na makkatenning pitu wéttowing, sibawa polé ri témun-Na massui sipeppa peddang tareng iya matareng wali-waliyé. Rupan-Na mattappa pada-pada mata essoé ri lakessoé.

ZAKHARIA 4:2

Makkutanani, “Aga muwita?” Mappébalika, “Séddi ajé lampu polé ri ulawengngé. Ri cappa yasé'na engka onrong minnya'na, sibawa ri mattulilinna engka pitu lampu, iya tungke'-tungke'é mappunnai pitu onrong sumbung.

WAHYU 3:7

“Lao ri malaéka'na jema'é ri Filadelfia, okii makkuwaé: Iyanaé paseng polé ri Aléna iya mapaccingngé enrengngé tongengngé. Aléna ritu pakkatenning goncing iya nappunnaiyé Daud; rékko natimpa'i, dé' muwi séddi mulléi tongkoi, sibawa rékko tattongkoi, dé' muwi séddi tau mulléi timpa'i.

WAHYU 3:14

“Lao ri malaéka'na jema'é ri Laodikia, okii makkuwaé: Iyanaé paseng polé riyasengngé Aming, Sabbi iya matinulué enrengngé tongengngé, assalenna séuwa-séuwaé iya napancajiyé Allataala.

WAHYU 2:18

“Lao ri malaéka'na jema'é ri Tiatira, okii makkuwaéwé: Iyanaé paseng polé ri Ana'na Allataala, iya malluwa'-luwa'é matan-Na pada-pada apié, enrengngé ajé-Na mabbara pada-pada tembaga ritunué.

WAHYU 2:12

“Lao ri malaéka'na jema'é ri Pérgamus, okii makkuwaé: Iyanaé paseng polé ri Aléna iya makkatenningngé peddang iya matareng walié.

WAHYU 2:8

“Lao ri malaéka'na jema'é ri Smirna, okii makkuwaéwé: Iyanaé paseng polé ri Aléna iya mammulangngé sibawa paccappurengngé – iya matéénna natuwo paimeng.

LUKAS 8:10

Nappébali Yésus, “Purano riwéréng pammasé untu' missengngi rahasiyana pékkugi Allataala mapparénta selaku Arung. Iyakiya tau laingngé ripaggurui sibawa pakkalarapangeng, kuwammengngi napénessaiwi, iyakiya dé' naissengngi aga iya kajajiyangngé; sibawa maréngkalingai, iyakiya dé' napahang.”

MATIUS 13:11

Nappébali Yésus, “Saba' purani riwéréng pangissengeng untu' missengngi rahasiyana passalenna pékkugi Allataala mapparénta, na mennang dé'.

MALEAKHI 2:7

Mémeng kewajibanna sining imangngé untu' mappagguruwangngi iya tongengngé passalek-Ku, Puwang Iya Pommatanré. Lao ri mennang ritu harusu'i makkutana ra'ya'é aga élo-Ku, nasaba mennang ritu sining suro-Ku.

ASSURENG 25:37

Ebburengngi pitu lampu ri ajé lampuéro sibawa pasangngi pékkugi carana angkanna tappana liyoloi.

ASSURENG 37:23

Ri ajéna lampuéro naébbui pitu lampu silaong pakkakkasa'na untu' paccingiwi sumbunna sibawa baki'na polé ri ulaweng tuléngngé.

ROMA 11:25

Saudara-saudara! Uwéllauko aja' muwasengngi muwissenni sini-sininnaé. Saba' engka séddi passaleng iya napuwéloé Allataala, iyakiya dé'pa naissengngi tauwé. Nauwéloriwi muwisseng; iyanaritu iyaé: Sibagiyang polé ri tau Yahudié matedde atiwi, iyakiya attangenna mennanro matteru-terui matu banna lettu ri jumella sining tau Yahudi iya laowé ri Allataala genne'ni.

WAHYU 1:4

Saudara-saudara iya engkaé ripitué jema' ri daérana Asia! Iyya, Yohanés, mamménasaiko riwérékko barakka sibawa asaléwangeng polé ri Allataala – iyanaritu Aléna iya engkaé, iya engkaénna, sibawa iya engkaénna matteru – kuwaéttopa polé ri iya pitu roh iya engkaé ri yolona kadéra arajanna Allataala,

WAHYU 1:11

Mabbicarai iyaro saddaé, “Okii aga iya muwitaé, namukiringngi iyaro kitta'é lao ri iya pitu jema'éwé: Efésus, Smirna, Pérgamus, Tiatira, Sardis, Filadelfia sibawa Laodikia.”

WAHYU 2:5

Rimakkuwannanaro, éngngerangngi pékkugi bélanako sempé'na! Toba'no polé ri dosa-dosamu, enrengngé pogau'ni aga iya mupogau'é pammulanna. Rékko dé', maélo-Ka lao ri iko sibawa bébbui ajé lampummuro polé ri onronna.

WAHYU 17:5

Ri linrona tarokii séuwa aseng iya mappunnaiyé bettuwang rahasiya. Iyaro asengngé iyanaritu “Babél Iya Battowaé, indo'na sininna cakkuribangngé sibawa sining tau maja ampé ri linoé.”

WAHYU 17:7

Nainappa makkeda iyaro malaéka'é lao ri iyya, “Aga saba'na mutahhérang-hérang? Madécéngengngi upaissengiko rahasiyana iyaro makkunraié sibawa rahasiyana olokolo' iya natonangiyé, iyanaritu iya mappunnaiyé pitu ulu sibawa seppulo tanru'.