WAHYU 1:13 - KITTA KAREBA MADECENG

¹³ Ri tengnga-tengngana sining ajé lampuéro tettongngi séddi tau iya paitaé pada-pada tolinoé. Pakéi jumba iya labbunaé lettu ri ajé. Ri aro-Na pakéi pattongko aro ulaweng.

WAHYU 1:13 Խաչաձեւ Հղումներ

DANIEL 7:13

Ri laleng pakkitakku iyaro wennié, uwitai séuwa iya pada-padaé tolino. Poléi sibawa riyattulilingi ri ellungngé nainappa lao ri Aléna iya tuwoé mannennungeng sibawa riyappaddissengeng lao ri aléna.

DANIEL 10:16

Nainappa malaéka' iya maddupa tolinoéro loro'i limanna sibawa géssai témukku. Makkedaka lao ri aléna, “Puwang, iyaé pakkitangngé mébbuka makkuwamani natenre'ku angkanna dé' siseng pakkullékku.

WAHYU 15:6

Nainappa iya pitu malaéka'é sibawa iya pitu abalaéro polé ri Bolana Allataala. Pakéyanna mennang poléi ri kaing lénang iya mapaccingngé sibawa lala'-lala'é. Enrengngé pakéi mennang pattongko aro iya riyébbué polé ri ulawengngé.

WAHYU 14:14

Nainappa makkitaka, napaitana séuwa ellung iya maputé. Ri yasé'na ellungngéro tudangngi séddi tau iya paitaé samanna pada tolinoé. Ri ulun-Na engka séddi passigera' ulaweng, sibawa ri liman-Na engka séddi kandao iya matarengngé.

ANGIMANGENG 8:7

Puranana napappakéi pakéyang imang ri Harun: kaméja, babbang sibawa jumba. Makkuwatoro éfod iya riyassiyorengngé ri babuwana sibawa passiyo polé ri kaing alusu'é.

DANIEL 7:9

Ri wettu makkitaku matteru, siyagangngaré kadéra akkarungeng ripalénne. Nainappa aléna iya tuwoé mannennungeng tudang ri yasé'na sala séddinna kadéra-kadéra akkarungengngéro. Pakéyan-Na sibawa gemme'-Na maputé mapaccing pada-pada ape'é. Kadéra akkarungen-Na sibawa padati-padatinna malluwa'-luwa' nasaba lumpa api,

YESAYA 11:5

Tinda'i sibawa adélé nenniya matinulu ri laleng sini-sininnaé.

IBRANI 4:15

Iyaro Imang Lompota tenniya imang iya dé'é naulléi maccowé péneddingiwi sining alemmatta. Sibalé'na, purani ricobai ri sininna gau'é, pada-pada muto idi; banna Aléna dé' napogau' dosa!

ASSURENG 39:5

Babbang ritennung alusu'é riyébbui polé ri bahang iya padaé sibawa riyajjairengngi ri éfod-éro angkanna mancaji séddi bagiyang pada-pada iya napparéntangngé Puwangnge lao ri Musa.

WAHYU 2:1

“Lao ri malaéka'na jema'é ri Efésus, okii makkuwaéwé: Iyanaé paseng polé ri Aléna makkatenningngé pitu wéttowing ri lima ataun-Na, enrengngé joppa ri yelle'na iya pitu ajé lampu ulawengngéro.