ULANGENG 7:4 - KITTA KAREBA MADECENG

⁴ kuwammengngi dé' mennang napabélaiwi ana'-ana'mu polé ri Puwangnge untu' massompa déwata-déwata laing, macayii Puwangnge Nanapaccappuko matu masitta.

ULANGENG 7:4 Խաչաձեւ Հղումներ

ULANGENG 6:15

Rékko sompako déwata-déwata laing, nakennako matu caina Puwang Allataalamu sibawa ripaccappu siseng, saba' Puwang Allataalamu iya engkaé ri tengnga-tengngamu dé' namaélo ripappadai muwi aga.

HAKING-HAKING 2:20

Rimakkuwannanaro macai senna'ni Puwangnge lao ri umma Israélié, sibawa makkeda, “Purani Uparéntang néné-nénéna bangsaéwé kuwammengngi nakkatenningngi assijancingngé ri yelle'ta Iyya sibawa mennang. Iyakiya iyaé bangsaé napettuiwi passiyo janciéro; najjalékkaiwi mennang parénta-Ku.

HAKING-HAKING 2:11

Namadosana tau Israélié lao ri Puwangnge. Dé'na mennang namassompa lao ri Puwangnge, Allataalana néné-nénéna mennang, iyanaritu Allataala iya puraé tiwii mennang massu polé ri Maséré. Mappammulani mennang sompai Baal sibawa Asytorét enrengngé déwata-déwata laing iya nasompaé bangsa-bangsa ri mattulilinna mennang. Namacaina Puwangnge lao ri mennang sibawa leppessangngi garembolangngé gasai sibawa rampo'i mennang. Dé' pakkullénna mennang moloiwi sining balinna ri mattulilinna.

ULANGENG 4:26

Memmuwaré langié sibawa linoé iyaé essoé mancaji sabbi makkedaé rékko dé' muturusika, lennye'ko matu masitta polé ri tana iya muwonroiyé ri liwenna Salo Yordanro. Dé' matu mumaitta monro kuwaro; ripaccappu sisekko matu.

ASSURENG 20:5

Aja' musompai dato'-dato' makkuwaéro, nasaba Iyya'na Puwang Allataalamu, na dé' umaélo ripappada-padai sibawa muwi aga. Sining tau iya benciyék-Ku, Uhukkungngi lettu ri wija matellué sibawa maeppaé.

ULANGENG 20:18

Unoi mennang, kuwammengngi dé' naébbuko madosa lao ri Puwang Allaataalamu ri laleng napaggurummu pogau'i gau'-gau' mappakaciddi'-ciddi'é lao ri déwata-déwatana mennang.

YOSUA 23:12

Rékko dé' mumatinulu sibawa sicampuru'ko sibawa bangsa-bangsa iya monroé mupa ri yelle'mu, enrengngé kawikko sibawa mennang,

HAKING-HAKING 3:6

Kawing sicampuru'ni umma Israélié sibawa bangsa-bangsaéro, sibawa maccowé sompai déwata-déwatana.

ASSURENG 34:16

Rékko kawingngi ana'-ana'mu sibawa sining makkunrai laingngé, ripalécéi matu risining makkunraiéro untu' salai-Ka nanasompai déwata-déwatana.

YOSUA 22:15

Nalettu'na mennang ri onronna suku Rubén, Gad sibawa suku Manasyé ri daéra Giléad.

1 ARUNG-NGARUNG 16:31

Dé'topa nagenne ri aléna tuwo madosa pada-pada Arung Yérobéam, mala napubainéi Izebél ana'na Arung Etbaal polé ri Sidon, sibawa massompai lao ri Baal.