ULANGENG 7:13 - KITTA KAREBA MADECENG

¹³ Maéloi mamaséiko sibawa barakkakiko, angkanna maéga ana'mu sibawa tattamba-tamba jumellamu. Maéloi barakkakiwi sining dare'mu, angkanna powassélé gandong, anggoro sibawa minnya zaitun. Maéloi barakkakiko angkanna maéga saping sibawa bémbé bimbala'mu. Sininna barakka'éro mutarimai matu ri wanuwa iya nawéréngngékko Puwangnge, situru sibawa jancin-Na lao ri néné-nénému.

ULANGENG 7:13 Խաչաձեւ Հղումներ

YOHANES 14:21

Tau iya tarimaéngngi parénta-parénta-Ku sibawa napogau'na, iyanaritu mamaséiyék-Ka. Namaséiwi matu Ambo'-Ku tau iya mamaséiyékko. Uwamaséi towi iyaro tauwé sibawa Uwappaitanna alé-Ku lao ri aléna.”

YOHANES 15:10

Rékko mupajoppai parénta-parénta-Ku, tette'ko matinulu ri pammasé-Ku, pada-pada Iyya tette matinulu ri pammaséna Ambo'é nasaba pajoppai parénta-parénta-Na.

YOHANES 16:27

nasaba aléna Ambo'é mamaséiko. Namaséiko nasaba mumaséi-Ka, sibawa mateppe' makkedaé polé-Ka ri Allataala.

ASSURENG 23:25

Rékko musompa-Ka, Puwang Allataalamu, maélo-Ka barakkakiko sibawa inanré enrengngé énungeng, sibawa sininna lasaé maélo-Ka pabélaiwi polé ri iko.

MATIUS 6:33

Jaji usahakangngi riyolo', kuwammengngi napparénta Allataala ri laleng atuwo-tuwommu sibawa pogau'ni élo-Na. Naiya manenna laingngé nawéréttokko matu Allataala.

AMSAL 10:22

Nasaba barakka'na Puwangnge bawang namancaji sugi tauwé; majjama marejjingngé dé' naulléi tambaiwi waramparangngé.

AYUB 42:12

Ribarakkakiwi Ayub ri Puwangnge sibawa lebbi tabbollompollong ri laleng atuwonna, naiya ri wettu dé'napa nakennai abala. Mappunnai Ayub 14.000 kajunna bémbé bimbala, 6.000 kajunna unta, 2.000 kajunna saping, sibawa 1.000 kajunna kaleddé.

ULANGENG 28:11

Riwérékko matu maéga ana'. Maégai matu olokolo'mu sibawa wassélé tanamu maonai ri wanuwa iya Najjanciyangngé Puwangnge lao ri néné-nénému untu' Nawérékko.

MAZMUR 1:3

Iyaro tauwé naduppai sininna usahana; pada-padai ajué ri wiring saloé iya mabbuwaé ri wettunna sibawa dé' naengka namakelle daunna.

ULANGENG 7:7

Napojiko sibawa napiléko Puwangnge, tenniya nasaba lebbi battowako naiya bangsa-bangsa laingngé; sitongenna iko iyanaritu bangsa iya kaminang baiccu'é ri tompo'na linoé.

MAZMUR 11:7

Saba' makessingngi Puwangnge sibawa adélé, Namaséiwi tau iya pogau'éngngi makessingngé; naitai matu tau malempué sibawa naissengngi Puwangnge.

ANGIMANGENG 26:9

Maélo-Ka barakkakiko sibawa mpérékko maéga ana' eppo. Aga iya puraé Ujancingekko, pasti Urupaiwi.

ULANGENG 13:17

Iyaro barab-barang tattanroé dé' nawedding ritaro untu' alému, iyakiya harusu'i riyancuru siseng. Nasoro matu caina Puwangnge nanappaitangngi paressé babuwana lao ri iko. Makacuwai matu lao ri iko sibawa pancajiko bangsa iya battowaé pada-pada iya Najjanciyangngé lao ri toriyolomu,

ULANGENG 30:5

Namuwappunnaiwi matu paimeng tana naonroiyé riyolo néné-nénému. Sibawa ripancajiko lebbi madécéng, sibawa jumellamu mabéla lebbi battowa naiya toriyolomu.

MAZMUR 127:3

Ana'-ana'é iyanaritu pabbéréna Allataala, sitongenna, pabbéréi mennang ritu.

MAZMUR 146:8

sibawa naébbui tau butaé naulléi makkita. Napatokkongngi tau mabuwangngé, sibawa mamaséiwi tau iya malempué.

AMSAL 15:9

Nacéccé Puwangnge cara atuwonna tau madorakaé, iyakiya Namaséiwi tau iya makkuragaé pogau'i élo-Na.

ULANGENG 1:8

Iyya, Puwang, pura majjanciyangngi sininna daéraéro lao ri toriyolomu Abraham, Ishak sibawa Yakub enrengngé wija-wijanna mennang. Jaji laono tudangiwi tanaéro.’ ”

ULANGENG 28:1

“Rékko muturusiwi Puwang Allataalamu sibawa matinulu pogau'i sininna parénta iya uwéréngngékko iyaé essoé, napancajiko matu bangsa iya tarompoé ri linoé.

NEHEMIA 9:32

Oh Allataala, Allataalata iya mawatangngé! Allataala iya battowaé namasero! Matinulu-Ko makkatenningngi sininna assijancingngé; janci-jancim-Mu Murupaiwi sibawa Mupogau'i. Sipongenna arung Asyur tenre'ki lettu makkekkuwangngé, maéga anrasa-rasang ripéneddingi. Sining arutta, imangngé, nabié sibawa sining tomariyoloé, makkuwatoro sining toriyoloé sibawa ra'ya'é, pura manenni manrasa-rasa. Aja' Muwallupaiwi sininna anrasa-rasangngéro! Aja' Muwallupaiwi polé ri paréngngeram-Mu!

AYUB 1:10

Tuli Mulinrungiwi aléna, kaluwargana sibawa sininna asugirenna. Mubarakkakiwi jama-jamanna sibawa Muwéréngngi maéga olokolo, genne untu' pennoiwi sininna wanuwaé.

MAZMUR 107:38

Puwangnge mpéréngngi mennang maéga ana', sibawa matterui mabbija-bija olokolo'na.