ULANGENG 6:5 - KITTA KAREBA MADECENG

⁵ Amaseiwi Puwang Allataalamu sibawa sukku atimmu: Appaitangngi iyaro ri laleng cara atuwommu sibawa ri laleng pangkaukemmu.

ULANGENG 6:5 Խաչաձեւ Հղումներ

MARKUS 12:30

Amaséiwi Puwang Allataalamu sibawa sissukku atimmu, sibawa sissukku nyawamu, sibawa sininna akkalemmu enrengngé sininna awatangemmu.’

MATIUS 22:37

Nappébali Yésus, “Amaséiwi Puwang Allataalamu sissukku atimmu, sibawa sissukku nyawamu, enrengngé sininna akkalemmu.

LUKAS 10:27

Nappébali iyaro tauwé, “ ‘Amaséiwi Puwang Allataalamu sitonget-tongeng atimmu, sibawa sitonget-tongeng nyawamu, sibawa sininna awatangemmu enrengngé sininna akkalemmu,’ sibawa ‘Amaséiwi pada-padammu pada-pada muwamaséinna alému.’ ”

ULANGENG 10:12

“Makkekkuwangngé, Saudara-saudara, puriyatini aga iya natuntu'é Puwang Allataalamu polé ri iko: Pakalebbii Puwang Allataalamu sibawa pogau'ni sininna parénta-Na. Eloriwi sibawa assompano ri Aléna sibawa sininna tubu nyawamu.

ULANGENG 30:6

Iko sibawa wija-wijammu riwéréng matu ati iya mapatoé, angkanna muéloriwi Puwang Allataalamu sibawa sukku atimmu namulléi matteru monro ri wanuwaéro.

ULANGENG 4:29

Namusappai matu Puwang Allataalamu, narékko musappai sibawa sukku atimmu, muruntu'i matu.

1 YOHANES 5:3

Saba' mamaséi Allataala bettuwanna matinulu lao ri parénta-parénta-Na. Na parénta-parénta-Na dé' namatane untu' aléta,

MARKUS 12:33

Sibawa harusu'i tolinoé mamaséiwi Allataala sibawa sukku atinna, sibawa sininna akkalenna enrengngé sininna awatangenna. Sibawa harusu' towi namaséi pada-padanna pada-pada aléna. Lebbi kessingngi iyaro naiya makkasuwiyangengngé akkarobangeng ritunu sibawa sining akkarobangeng laingngé lao ri Allataala.”

ULANGENG 11:13

Jaji turusiwi parénta-parénta iya upalettukengngékko essoéwé; éloriwi Puwang Allataalamu sibawa massompa ri Aléna sibawa sukku tubu nyawamu.

2 ARUNG-NGARUNG 23:25

Dé'pa naengka arung pada-pada Arung Yosia iya mattumanié ri Puwangnge sibawa sukku atinna, sibawa mappaitangngi iyaro ri laleng atuwo-tuwonna sibawa pangkaukenna, situru sibawa sininna hukkung iya engkaé ri laleng Kitta'na Musa. Muwi labe'na Arung Yosia, dé'na gaga arung iya pada-padaé aléna.

MATIUS 10:37

Tau iya mamaséiyéngngi ambo'na iyaré'ga indo'na lebbi na Iyya, dé' nasitinaja mancaji ana' guruk-Ku. Makkuwatoro tau iya mamaséiyéngngi ana' worowanéna iyaré'ga makkunrainna lebbi na Iyya.

ULANGENG 11:1

“Eloriwi Puwang Allataalamu, sibawa tuli turusiwi sininna parénta-Na.

ULANGENG 13:3

aja' mupuriyatiwi. Puwang Allataalamu pakéi iyaro tauwé untu' cobaiko, untu' mitai aga tonget-tongekko pojiwi Puwangnge sibawa sukku iyaré'ga dé'.

ULANGENG 19:9

harusu'siko pilé tellu kota allinrungeng. (Iyaro wanuwaé maéloka mpérékko rékko mupogau'i sininna séuwa-séuwaé iya uparéntangngékko iya essoé, sibawa rékko mupojiwi Puwang Allataalamu sibawa tuwo situru pappagguruwan-Na.)

ULANGENG 30:16

Iyaé essoé uparéntakko untu' méloriwi Puwang Allataalamu sibawa mapato ri Aléna nenniya pogau'i sininna hukkung sibawa parénta-Na kuwammengngi mumadécéng sibawa mancaji bangsa iya battowaé. Puwang Allataalamu barakkakiko matu ri wanuwa iya dé'énna namaitta mutudangiwi.

ULANGENG 30:20

Eloriwi Puwang Allataalamu, apatoiwi, sibawa atinuluno ri aléna. Na iko sibawa wija-wijammu tuwoi matu sibawa malampé sunge ri wanuwa najjanciyangngé Puwangnge lao ri néné-nénému, Abraham, Ishak sibawa Yakub.”

1 ARUNG-NGARUNG 3:3

Namaséiwi Salomo Puwangnge sibawa maccowériwi panunju'-panunju' polé ri ambo'na, iyakiya maggéré mupi sibawa makkasuwiyangeng olokolo ri maddupa-rupang onrong.

MAZMUR 119:2

Masennangngi tau iya maccowériyéngngi parénta-Na, sibawa sukkui atinna makkuraga missengngi Puwangnge.

ULANGENG 13:4

Tau makkuwaéro harusu'i rihukkung maté, nasaba maéloi papusako polé ri laleng iya naparéntangngékko Puwang Allataalamu. Aléna iyanaritu tau maja nasaba nasuroko maronta lao ri Puwang Allataalamu iya paleppe'ékko polé ri Maséré, onrommu ripowata. Jaji harusu'i riyuno, kuwammengngi naripallennye iyaro jaé. Iyakiya iko sitinajako maccowériwi Puwang Allataalamu sibawa mupakalebbi-Na; turusiwi Aléna sibawa pogau'i sininna parénta-Na. Tette'no matinulu sibawa mattumani lao ri Aléna.

ULANGENG 30:10

Iyakiya harusu'ko mapato lao ri Puwang Allataalamu sibawa turusiwi sininna hukkun-Na iya tarokié ri laleng kitta'éwé, kitta Hukkunna Puwangnge. Harusu'ko lisu ri Aléna sibawa sukku atimmu.

YOSUA 22:5

Sibawa jagaiwi kuwammengngi muturusiwi hukkung iya napparéntangngé Musa lao ri iko, iyanaritu: Amaséiwi Puwang Allataalamu, accowériwi élo-Na, turusiwi sining parénta-Na, atinuluno ri Aléna sibawa attumanino ri Aléna sibawa sissukku atimmu sibawa sukku nyawamu.”

2 TAWARIKH 15:12

Majjanciwi mennang lao ri Puwangnge makkedaé sukkui atinna sibawa nyawana maélo tuwo situru élona Puwangnge, Allataalana toriyolona.

MAZMUR 31:24

Eloriwi Puwangnge, éh sininna umma'-Na, nalinrungiwi Puwangnge tau iya matinulué. Iyakiya Nahukkungngi tau matempoé sibawa dé' nacarinnaiwi.