ULANGENG 5:11 - KITTA KAREBA MADECENG

¹¹ Aja' muteppui asek-Ku sibawa sembarangang, saba' Iyya, Puwang Allataalamu, hukkungngi nigi-nigi iya makkégunang salaéngngi asek-Ku.

ULANGENG 5:11 Խաչաձեւ Հղումներ

ASSURENG 20:7

Aja' muteppuwi asek-Ku sibawa sembarangang, saba' Iyya, Puwang Allataalamu, hukkungngi nigi-nigi iya makkégunang salaéngngi asek-Ku.

ULANGENG 6:13

Pakalebbii Puwang, Allataalamu, sibawa massompa ri Aléna bawang, narékko mattanroko, pogau'i ri laleng asen-Na bawang.

ANGIMANGENG 19:12

Aja' muwajjanci ri laleng asek-Ku rékko dé' mumakkatta rupaiwi jancié, nasaba iyaro mutuna-tunaiwi asek-Ku. Iyya'na Puwang Allataalamu.

YAKOBUS 5:12

Iya penting senna'é, iyanaritu: Aja' muwattanro, muwi nasabbing langié, iyaré'ga nasabbing tanaé, iyaré'ga muwi nasabbing agi-agi. Powadai bawang “Iyyé” rékko akkattamu iyyé, sibawa “Dé'” rékko akkattamu dé'; kuwammengngi na aja' naripakennaiko pahukkungeng ri Allataala.

YEREMIA 4:2

Rékko mattanroko ri laleng asek-Ku sibawa tuwoko malempu, adélé sibawa tongeng, sininna bangsaé méllauwi matu ri Iyya kuwammengngi Ubarakkakiwi mennang, nanapoji-Ka matu mennang.”

MAZMUR 139:20

Napowadai mennang majaé passalenna Iko, sibawa mattanro bellé-belléi nasabbing kota-kota-Mu.

ULANGENG 10:20

Pakalebbii Puwang Allataalamu sibawa massompa ri Aléna bawang. Sitinajako tette matinulu lao ri Aléna sibawa mattanro ri laleng asen-Na bawang.

HOSEA 4:2

Mattanroi mennang, iyakiya dé' narupaiwi; mabbelléi, mabbuno, ménnau, sibawa malawengngi mennang. Tattambai jaé, sibawa kajajiyangngi abbunowangngé matturu-turuseng.