ULANGENG 4:5 - KITTA KAREBA MADECENG

⁵ Iya manennaro hukkungngé upagguruwakko pada-pada iya napparéntangngé Puwang Allataalaku. Apatoi manengngiro ri wanuwa iya maéloé muwattamaki sibawa monroiro.

ULANGENG 4:5 Խաչաձեւ Հղումներ

MATIUS 28:20

Paggurui mennang turusiwi sininna iya puraé Uparéntakko. Na éngngerangngi tuli Usibawakko matu lettu paccappurenna linoé.”

IBRANI 3:5

Matinului Musa selaku pattumani ri laleng Bolana Allataala enrengngé palettu'i gau'-gau' iya maéloé nappaddissengeng Allataala ri wettu mangoloé.

ULANGENG 4:1

Namakkeda Musa lao ri bangsaéro, “Apatoiwi sininna hukkung iya upagguruwangngékko, kuwammengngi weddikko tuwo narapi muwonroi tana iya maéloé nabbéréyang Puwangnge, Allataalana toriyolomu, lao ri iko.

RIWAYA'NA RASUL-RASUL-E 20:27

Dé' naengka ulari polé ri jama-jamakku untu' pakatajangngi lao ri iko sininna rancanana Allataala.

1 KORINTUS 15:3

Aga iya upalettu'éwé lao ri Saudara-saudara iyanaritu iya puraé utarimato. Iya kaminang pentingngé, pada-pada iya tarokié ri laleng Kitta'é, upalettu'i lao ri iko makkedaé matéi Kristus nasaba dosa-dosata;

1 KORINTUS 11:28

Jaji, tungke' tau harusu'i paréssai aléna riyolo', nainappa wedding manré iyaro rotié sibawa naénung anggoro'é.

ASSURENG 18:20

Harusu'ko mappagguruwangngi lao ri mennang sining paréntana Allataala sibawa pakatajangngi cara atuwong iya makessingngé sibawa aga mennang harusu napogau'.

ANGIMANGENG 7:38

Puwangnge mabbéréyangngi sining paréntaéro lao ri Musa ri Bulu Sinai wettunna Nasuro bangsa Israélié makkasuwiyangengngi akkarobangngé ri padang kessi Sinai.

ANGIMANGENG 26:46

Iyanaro hukkung-hukkung sibawa parénta-parénta iya nabbéréyangngé Puwangnge, ri tompo'na Bulu Sinai lao ri Musa untu' bangsa Israélié.

ANGIMANGENG 27:34

Iyanaro parénta-parénta iya nabbéréyangngé Puwangnge ri tompo'na Bulu Sinai lao ri Musa untu' bangsa Israélié.

ULANGENG 4:2

Aga uwapparéntang, aja' naritamba iyaré'ga narikurangi muwi céddé. Apatoiwi parénta-paréntana Puwang Allataalamu iya uwéréngngékko.

ULANGENG 4:4

na iko iya tette'é matinulu lao ri Puwang Allataalamu tuwo mupi lettu makkekkuwangngé.

MAZMUR 71:17

Oh Allataala, Mupagguruka sipongeng maloloku, lettu makkekkuwangngé ucuritai winru-Mu iya mappabengngaé.

ANGIMANGENG 19:19

Turusiwi sining parénta-Ku. Aja' mupasilaiwi olokolo iya dé'é napada-pada. Aja' mutaneng duwanrupa bibi' ri sikonrongngé tana. Aja' mupakéi pakéyang iya ritennungngé polé ri duwanrupa wennang.

ULANGENG 4:40

Turusiwi sininna hukkung iya uwéréngngékko iyaé essoé, na iko sibawa wija-wijammu saléwangengngi matu sibawa matteru tuwo ri wanuwa iya nabbéréyangngé Puwang Allataalamu mancaji appunnangemmu untu' mannennungeng.”

ULANGENG 5:1

Napaddeppungenni Musa sininna bangsa Israélié, nainappa makkeda lao ri mennang, “Saudara-saudara, éngkalingai hukkung-hukkung iya uwéréngngékko essoéwé. Agguruiwi iyaro hukkung-hukkungngé, enrengngé turusiwi sibawa matinulu.

ULANGENG 6:1

“Nasuroka Puwang Allataalamu mappagguruwangngi sininna hukkungngéwé lao ri iko kuwammengngi mupogau'i ri wanuwa iya dé'énna namaitta namuwonroiwi.

ULANGENG 7:11

Jaji, turusini sininna hukkung iya upalettukengngékko essoéwé.”

ULANGENG 8:11

“Jagaiwi madécéd-décéng aja' narapii muwallupai Puwang Allataalamu; aja' mulalloi muwi séddi polé ri sininna hukkun-Na iya uwéréngngékko essoéwé.

ULANGENG 11:32

harusu'ko turusiwi sininna hukkung iya upalettukengngékko essoéwé.”

YEREMIA 11:6

Namakkeda Puwangnge lao ri iyya, “Laono ri kota-kotaé ri Yéhuda sibawa risining lalengngé ri Yérusalém. Palettu'i iyaé pasek-Ku lao risining tauwé kuwaro. Suroi mennang pénessaiwi sibawa turusiwi sara'-sara'na assijancik-Ku.

YEHEZKIEL 20:11

Kuwaniro Uwéréng mennang sining parénta-Ku sibawa Upagguruwangngi hukkung-hukkuk-Ku iya harusu'é naturusi mennang, saba' tau iya turusiyéngngi tette'i matu tuwo.