ULANGENG 4:4 - KITTA KAREBA MADECENG

⁴ na iko iya tette'é matinulu lao ri Puwang Allataalamu tuwo mupi lettu makkekkuwangngé.

ULANGENG 4:4 Խաչաձեւ Հղումներ

ULANGENG 10:20

Pakalebbii Puwang Allataalamu sibawa massompa ri Aléna bawang. Sitinajako tette matinulu lao ri Aléna sibawa mattanro ri laleng asen-Na bawang.

YOSUA 23:8

Mala harusu'ko tette matinulu lao ri Puwangnge, pada-pada iya puraé mupogau' lettu makkekkuwangngé.

WAHYU 14:4

Mennang sining tau iya tette'é mapaccing pada-pada parawangngé, nasaba dé' nasisumpung sibawa makkunraié. Naccowériwi mennang iyaro Ana' Bimbala'é kégi-kégi lao. Polé ri yelle'na sininna rupa tauwé, mennang ritu iya puraé ripaleppe selaku pakkasuwiyangeng mammulangngé lao ri Allataala sibawa lao ri Ana' Bimbala'é.

ROMA 12:9

Mamaséno sibawa matinulu. Benciwi iya majaé, sibawa akkatenninno lao ri aga iya makessingngé.

RIWAYA'NA RASUL-RASUL-E 11:23

Na wettunna Barnabas lettu kuwaro, sibawa naitana pékkugi Allataala pura barakkakiwi sining tauwéro, marennu senna'ni. Nanaéllauni kuwammengngi nattonget-tongeng matinulu lao ri Puwangngé sibawa sukku atinna.

YEHEZKIEL 9:4

“Laono ri sininna sulapa'na kotaé sibawa tanrangiwi linrona sininna tau iya messé sibawa masussaé nasaba sininna pangkaukeng iya mappakaciddi-ciddi iya napogau'é ri kotaéro.”

YESAYA 26:20

Uttama'no ri laleng bolamu, éh bangsaku, namusului tange'é. Ussubbuno untu' cinampe narapi soro caina Puwangnge.

MAZMUR 63:8

saba' Iko ritu pura tulukka; ri laleng accinaungeng panni-Mu makkélokka marennu.

YOSUA 22:5

Sibawa jagaiwi kuwammengngi muturusiwi hukkung iya napparéntangngé Musa lao ri iko, iyanaritu: Amaséiwi Puwang Allataalamu, accowériwi élo-Na, turusiwi sining parénta-Na, atinuluno ri Aléna sibawa attumanino ri Aléna sibawa sissukku atimmu sibawa sukku nyawamu.”

ULANGENG 13:4

Tau makkuwaéro harusu'i rihukkung maté, nasaba maéloi papusako polé ri laleng iya naparéntangngékko Puwang Allataalamu. Aléna iyanaritu tau maja nasaba nasuroko maronta lao ri Puwang Allataalamu iya paleppe'ékko polé ri Maséré, onrommu ripowata. Jaji harusu'i riyuno, kuwammengngi naripallennye iyaro jaé. Iyakiya iko sitinajako maccowériwi Puwang Allataalamu sibawa mupakalebbi-Na; turusiwi Aléna sibawa pogau'i sininna parénta-Na. Tette'no matinulu sibawa mattumani lao ri Aléna.

WAHYU 20:4

Nainappa uwita sining kadéra akkarungengngé, sibawa sining tau iya tudangngé risining kadéra arajangngéro riwéréng kuwasa untu' pettuiwi pahukkungengngé. Uwita towi sining nyawana tau iya puraé rirette ulunna nasaba mabbéréi mennang asabbiyang passalenna Yésus, sibawa mappallebbangengngi paseng polé ri Allataala. Iyaro sining tauwé dé' nasompai olokolo'é, iyaré'ga dato'-dato'na. Dé'to mennang naengka natarima tanranna iyaro olokolo'é ri linrona iyaré'ga ri limanna. Natuwona mennang paimeng sibawa mapparénta selaku arung silaong Kristus sisebbu taung ittana.

ULANGENG 4:3

Alému mitai aga napogau' Puwang Allataalamu ri Bulu Péor. Tungke' tau iya sompaéngngi Baal Napabbinasai ri onrongngéro,

ULANGENG 4:5

Iya manennaro hukkungngé upagguruwakko pada-pada iya napparéntangngé Puwang Allataalaku. Apatoi manengngiro ri wanuwa iya maéloé muwattamaki sibawa monroiro.

ULANGENG 30:20

Eloriwi Puwang Allataalamu, apatoiwi, sibawa atinuluno ri aléna. Na iko sibawa wija-wijammu tuwoi matu sibawa malampé sunge ri wanuwa najjanciyangngé Puwangnge lao ri néné-nénému, Abraham, Ishak sibawa Yakub.”