ULANGENG 3:22 - KITTA KAREBA MADECENG

²² Aja' mumétau ri mennang, nasaba Puwang Allataalamu maélo méwaingekko.”

ULANGENG 3:22 Խաչաձեւ Հղումներ

ULANGENG 20:4

Puwang Allataalamu maccowé matu untu' tulukko, sibawa Aléna matu mpérékko apakalang.’

ASSURENG 14:14

Puwangnge matu méwangekko, na iko dé'na naparellu pogau' aga-aga.”

ULANGENG 1:30

Puwang Allataalamu pimpikko matu sibawa mammusurekko pada-pada pura musabbingngé ri Maséré

2 TAWARIKH 20:29

Métau manenni wanuwa laingngé wettunna naéngkalinga pékkugi Puwangnge caui sininna balinna Israélié.

2 TAWARIKH 20:17

Dé' muparellu mammusu ri laleng ammusurengngéwé. Laono ri onrong iya puraé ripattentungekko sibawa tajengngi kuwaro. Muwitai matu Puwangnge mpérékko apakalang. Eh pabbanuwana Yéhuda sibawa Yérusalém, aja' mumanenneng iyaré'ga métau. Uttamaki bawanni ammusurengngé, Puwangnge tulukko matu!”

YOSUA 10:42

Ri laleng siseng bawang mammusu, nacauni Yosua sining arungngéro sibawa sittaiwi sininna daéra akuwasanna mennang, nasaba Puwangnge, Allataalana Israélié, mammusurengngi Israélié.

MAZMUR 44:3

Iko muto paddésu'i bangsa-bangsaé kuwammengngi nattette umma'-Mu ri wanuwanna mennang. Mucilakaiwi bangsa-bangsa laingngé, iyakiya umma'-Mu Muleppessangngi mabbija-bija.

2 TAWARIKH 13:12

Pamimpitta iyanaritu Aléna Allataala sibawa sining iman-Na engkai kuwaé. Sadiyani mennang untu' seppung tarompé selaku tanrang lao ri idi untu' luruiko. Eh tau Israélié, aja' muéwai Puwangnge, Allataalana toriyolomu! Dé' namakkullé pakalako!”

ABBILANGENG 21:34

Makkedani Puwangnge lao ri Musa, “Aja' mumétau ri aléna. Maéloka mpérékko apakalang. Mucaui matu, sininna ra'ya'na sibawa wanuwanna. Gaukenni pada-pada pura mugaukengngéngngi Arung Sihon iya mapparéntaé ri Hésybon.”

ULANGENG 3:21

Nainappaka makkeda lao ri Yosua: Purani muwita sininna iya napogau'é Puwang Allataalamu lao ri Sihon sibawa Og, iya duwa arungngéro. Makkuwatoniro maélo Nagaukengngi tungke' arung iya musittaiyé tanana.

ULANGENG 3:23

“Iyaro wettué uwéllauwi ri Puwangnge:

ULANGENG 20:1

“Rékko laoko mammusu méwai sining balimmu, aja' mumétau mitai karéta musuna sibawa anyaranna mennang iya maégaé enrengngé tentarana mennang iya jumellanaé lebbi égai naiya jumellamu. Puwang Allataalamu paleppe'ko polé ri Maséré, makkuwatoro tulukko matu.

YOSUA 23:10

Tungke tau ri yelle'mu naulléi caui massebbu tau, nasaba Puwang Allataalamu iya mammusurengngékko, pada-pada iya pura Najjanciyangngé.

NEHEMIA 4:20

Jaji, rékko méngkalingako oni tarompé, addeppungekko masitta ri mattulilitta kuwaé. Allataalata mammusurekki matu.”

ASSURENG 14:25

Naébbui padati-padati karétana mennang masolang, angkanna sipanrasa-rasani mennang maju. Makkedani tau Maséré'é, “Puwangnge mammusu untu' tau Israélié méwaki. Laono mai talari polé kuwaé!”