ULANGENG 1:25 - KITTA KAREBA MADECENG

²⁵ Nainappa lisu mennang ri idi tiwi buwa-buwa iya nalolongengngé mennang kuwaro sibawa laporo'i makkedaé wanuwa iya maéloé nabbéréyang Puwang Allataalataro macommo senna.

ULANGENG 1:25 Խաչաձեւ Հղումներ

ASSURENG 3:8

Rimakkuwannanaro nonnoka untu' paleppe'i mennang polé ri limanna tau Maséré'é sibawa tiwii mennang massu polé ri wanuwaéro mattuju riséuwaé wanuwa iya malowangngé. Tanana sugi sibawa macommo, namakkekkuwangngé naonroiwi bangsa Kanaangngé, bangsa Hét-é, Amorié, Féris-é, Héwié sibawa Yébus-é.

ABBILANGENG 13:20

Pakkasse'i atimmu. Itai aga macommo tanana sibawa maéga ajukajunna. Aja' muwallupaiwi tiwi lisu céddé buwa-buwa iya tuwoé kuwaro.” Iyaro wettué pammulanna wettu anggoro'é.

ABBILANGENG 13:27

Adanna mennang lao ri Musa, “Purani risalidiki iyaro wanuwaé sibawa mitai makkedaé sugii namacommo tanana, sibawa iyanaé céddé buwa-buwa polé kuwaro.

ABBILANGENG 14:7

Makkedani mennang lao risininna ra'ya'éro, “Wanuwa iya risalidikiyéro dé' padanna kessinna.

ULANGENG 1:24

Nauttamakiwi mennang iyaro daéra buluna sibbéla Lompo Eskol, nainappa najalajja.

ULANGENG 1:26

Iyakiya muéwai paréntana Puwang Allataalamu, sibawa dé' mumaélo muttamakiwi wanuwaéro.