ULANGENG 1:17 - KITTA KAREBA MADECENG

¹⁷ Aja' namatane siwali apettummu; tungke' tau harusu'i madélékiwi sibawa cara iya padaé, temmappasilaingeng niga iyaro tauwé. Aja' mumétau muwi lao ri niga, saba' apettung iya muwalaé poléi ri Allataala. Rékko séddié parakara mawatang senna untu' alému, tiwii lao ri iyya, kuwammengngi iyya pettuiwi.

ULANGENG 1:17 Խաչաձեւ Հղումներ

ULANGENG 16:19

Ri laleng mala apettung, dé' nawedding mennang tinda' siélo-élona iyaré'ga matane siwali. Dé'to nawedding mennang tarima pasoso, nasaba iyaro pasoso'é dé' naébbui tauwé mapanré sibawa malempu, angkanna mala apettung iya dé'e naadélé.

YAKOBUS 2:9

Iyakiya rékko mupasilail-laingengngi tauwé nasaba gau'-gau' mallahérengngé, pogau'ko dosa, na hukkunna Allataala pannessai makkedaé iko iyanaritu tau majjalékkai hukkung.

ASSURENG 18:26

Napajoppani mennang jamanna selaku haking-haking ri yasé'na bangsa Israélié. Parakara-parakara pentingngé napangoloi mennang ri Musa, naiya assisalang baiccu-baiccu'é napacceppini mennang.

AMSAL 24:23

Sining tau maccaé purai makkeda makkuwaé: Dé' nawedding matane siwali hakingngé.

2 TAWARIKH 19:6

sibawa mpéréngngi iyaé paréntaé lao ri mennang, “Tinda'no sibawa mapanré, nasaba mangadélékiko tenniya ri laleng asenna tolinoé, sangadinna ri laleng asenna Puwangnge. Najagaiko wettummu pettuiwi parakaraé.

ANGIMANGENG 19:15

Harusu'ko malempu rékko mangadélékiko, aja' mubélai tau kasiyasié sibawa aja' mumétau ri tau sugié.

ASSURENG 18:22

Suroi mennang tinda selaku haking-hakinna bangsaéwé, tungke'-tungke' lao ri kalompo'na. Iyaro jamangngé harusu'i napogau' mennang secara taratoro. Parakara-parakara iya pentingngé weddingngi mennang napangolo ri iko, iyakiya assisalang iya baiccu'é naulléi mennang pacceppiwi. Iyaro gau'é naringengiko matu nasaba maccowéi mennang mattanggung jawa'.

1 PETRUS 1:17

Muteppui iyaro Allataala Ambo' ri wettummu massempajang ri Aléna. Nah, Allataalaénnaro madélékiwi tolinoé sicoco' sibawa pangkaukenna tungke'-tungke' temmappasilaingeng. Rimakkuwannanaro, ri wettu engkamu mupa ri linoéwé, sitinajako pakarajai Allataala ri laleng atuwommu.

1 TESALONIKA 2:4

Dé'! Dé' tabbicara untu' pésennangiwi atinna tauwé, sangadinna untu' pésennangiwi atinna Allataala iya mojiyéngngi atitta. Saba' nangga'ki sitinaja untu' mappallebbangengngi iyaro Karéba Madécéngngé.

AMSAL 29:25

Métau ri pallolongenna tauwé, addimonrinna asussang. Ateppe'no ri Puwangnge, namuamang matu.

2 SAMUEL 14:14

Maté manekki matu; idi'é pada-padaki uwai iya tuppa'é ri tanaé nadé'na nawedding ripaddeppungeng paimeng. Muwi Allataala dé'tona napatuwoi matu paimeng tau iya matéénna; rimakkuwannanaro sitinajai Puwakku makkuraga kuwammengngi tau ripalié weddingngi lisu paimeng.

1 SAMUEL 16:7

Iyakiya makkedai Puwangnge lao ri Samuél, “Aja' mutattaré ri tappana iya magelloé sibawa matanré watakkaléna; tenniya aléna Uwélori. Dé' uwangangke pada-pada tolinoé mangangke. Tolinoé mitai tappa, iyakiya Iyya mitaka ati.”

ULANGENG 10:17

Puwang Allataalamu engkai ri yasé'na sininna déwataé sibawa nasau manengngi sininna akuwasangngé. Aléna Allataala iya marajaé sibawa makuwasa iya harusu'é riturusi. Dé' napojiwi kacowé-cowé sibawa dé'to natarima pasoso.

KOLOSE 3:25

Na muwi niga iya pogau'é asalang, natanggungngi matu iyaro sining asalanna; nasaba dé' nappasilaingeng Puwangngé.

EFESUS 6:9

Saudara-saudara iya mancaji puwangngé! Sitinajako kédo makkuwatoro lao ri ata-atammu. Aja'na mupakéi mangancangngé. Engngerangngi makkedaé iko sibawa ata-atammu, pada-padako mappunnai séddi puwang, iyanaritu Puwangngé ri surugaé. Dé' nappasilaingeng tappa.

ROMA 2:11

Saba' Allataala gaukengngi sininna tauwé pada-padai.

LUKAS 20:21

Nasining tau iya puraé risogo'ro makkedani lao ri Yésus, “Pa' Guru, irissenni makkedaé sininna napowadaé sibawa nappagguruwangngé Bapa' tongengngi. Irisseng towi Bapa' mappaggurui sibawa terus terang passalenna napuwéloé Allataala lao ri tolinoé, saba' dé' nappilé bulu Bapa'.

MARKUS 12:14

Laoni mennang ri Yésus nanakkeda, “Bapa' Guru, irisseng makkedaé malempui Bapa', sibawa dé'na najampangiwi pallolongenna niga-niga. Terus terangngi nappagguruwang Bapa' élona Allataala lao ri tolinoé, saba' Bapa' dé' napasilaingengngi tauwé. Nah, coba Bapa' powadakki, ‘Manuru' pallolongenna agamata, weddikki'ga makkamaja sima lao ri Kaisar iyaré'ga dé'? Harusu'ki'ga wajai iyaro simaé iyaré'ga dé'?’ ”

MATIUS 22:16

Nanakirinna mennang ana'-ana' gurunna lao ri Yésus silaong siyagangngaré anggota-anggotana golonganna Hérodés. Makkedani iyaro sining tauwé lao ri Yésus, “Pa' Guru, irissekki Bapa' malempu. Mappaggurui Bapa' sibawa terus terang passalenna élona Allataala lao ri tolinoé, nadé' mubati-batiwi pallolongenna nigi-nigi. Saba' Bapa' dé' napasilaingengngi tauwé.

YEREMIA 1:17

Sadiya-sadiyano Yérémia! Laono sibawa palettu'ni ri mennang, sininna iya Uwapparéntengngé ri iko. Aja' mumétau ri mennang, kuwammengngi aja' Uwébbuko lebbi métaupasi rékko siyolokko sibawa mennang.

AYUB 31:34

Pallolongenna tau maégaé dé' uwétauriwi, sibawa pappakatunana tauwé, dé' upaduliwi. Dé' naengka uwonro ri bolaé iyaré'ga mammekko bawang, banna nasaba métauka ripakatuna matu.

ULANGENG 24:17

Aja' murampasa'i ha'na tau laingngé sibawa ana' béué, sibawa aja' muwalai pakéyanna séddié janda untu' boro'.

ASSURENG 18:18

Iyaro caraé naposoi alému, sibawa iyatoro sining tauwé. Iyaro jama-jamangngé maéga senna'i untu' séddi tau.

KAJAJIYANG 18:25

Aja' nasining tau iya dé'é napasalaro riyunoi silaong iya pasalaé. Aja' Puwang! Saba' rékko tapogau'i Puwang, tau iya dé'é napasala pasti rihukkungngi matu silaong iya pasalaé. Pékkugi makkullé hakinna alangngé tinda' dé' naadélé!”

ULANGENG 25:1

Ebara'na duwa tau Israél lao ri pengadilangngé untu' mapparakara, nainappa iya séddié ripannessani dé' napasala, na laingngé pasala.

1 SAMUEL 2:25

Rékko pasalai tauwé lao ri tolinoé, naulléi Allataala méwaiwi; iyakiya rékko madosai tauwé lao ri Puwangnge, nigana mulléi tulungngi?” Iyakiya dé' mennang nabati-batiwi pangajana Eli ambo'na, saba' purani napettui Puwangnge untu' mpunoi mennang.

2 TAWARIKH 19:5

Ri tungke kota mabbénténgngé ri Yéhuda makkai haking-haking,

MAZMUR 82:2

“Aja'na tamangadélé sibawa macéko-céko, sibawa aja' muwaccowé lao ri tau majaé.

AMSAL 18:5

Dé' namakessing maccowé ri tau madorakaé sibawa tenre'i tau iya dé'é napasala.

MALEAKHI 2:9

Na-Uwébbu tokko matu ripakariyawa ri umma Israélié nasaba dé' muturusiwi élo-Ku, sibawa nasaba mupasilaingengngi tauwé wettunna mupagguru umma'-Ku.”

AMSAL 28:21

Dé' namakessing pasilail-laingengngi tauwé; iyakiya engkato haking iya maéloé maggau' macéko-céko banna untu' lolongeng céddé dowi.