ULANGENG 1:11 - KITTA KAREBA MADECENG

¹¹ Tennapodo Puwang, Allataalana néné-nénému matterui tambaiwi jumellamu narapi leppi wékkasisebbu, sibawa pancajiko bangsa iya madécéngngé pada-pada iya puraé Najjanciyang!

ULANGENG 1:11 Խաչաձեւ Հղումներ

MAZMUR 115:14

Tennapodo nawérékko Puwangnge maéga ana', lao ri iko sibawa wija-wijammu.

KAJAJIYANG 22:17

maélo-Ka barakkakiko sibawa maona enrengngé mébbui wija-wijammu singngéga wéttowingngé ri langié sibawa singngéga kessi'é ri wiring tasi'é. Ana' eppomu nacaui matu sining balinna mennang.

KAJAJIYANG 26:4

Maélo-Ka mpérékko ana' eppo singngéga wéttowingngé ri langié, sibawa sininna daéraéwé maélo-Ka mpéréngngi mennang. Sininna bangsaé ri linoé méllauwi matu ri Iyya kuwammengngi Ubarakkakiwi mennang pada-pada pura Ubarakkakinna wija-wijammu.

ABBILANGENG 6:27

Nanakkeda Puwangnge, “Rékko nateppui mennang asekku selaku barakka lao ri bangsa Israélié, maélo-Ka barakkakiwi mennang.”

2 SAMUEL 24:3

Iyakiya makkedai Yoab lao ri arungngé, “Tennapodo Puwang Allataalana Datu palleppi-leppiwi ra'ya' Israélié narapi wékkasératu polé ri jumellana mennang makkekkuwangngé, sibawa tennapodo Datu tuwo mupi kuwammengngi naulléi mitai. Iyakiya untu' aga Datu puwéloi iyaé abbilangengngé?”

KAJAJIYANG 49:25

Allataalana ambo'mu tulukko; Iya Pommakuwasaé barakkakiko sibawa bosi polé ri langié enrengngé uwai polé ri yawana tanaé. Sibawa ana' enrengngé saping,

ABBILANGENG 22:12

Adanna Allataala lao ri Biléam, “Aja' mulao silaongengngi sining tauwéro, sibawa aja' mutanroiwi bangsaéro, nasaba purani Ubarakkaki.”

ASSURENG 32:13

Engngerangngi ata-atam-Mu Abraham, Ishak sibawa Yakub. Engngerangngi makkedaé majjanci-Ko sibawa tanro untu' mpéréngngi mennang wija singngéga wéttowingngé ri langié, makkuwatoro sininna tana iya Muwajjanciyangngéro mancajiwi matu appunnangenna wija-wijanna mennang untu' mannennungeng.”

KAJAJIYANG 15:5

Natiwini Puwangnge massu Abram nainappa makkeda ri aléna, “Itai langié, sibawa cobani bilangngi sining wéttowingngé; mappunnaiko matu wija-wija singngéga sining wéttowingngéro.”

1 TAWARIKH 21:3

Nappébali Yoab, “Tennapodo Puwangnge palleppi-leppiwi ra'ya'na Israélié narapi wékkasératu polé ri jumellana makkekkuwangngéwé. Iya Malebbié, dé'ga namanessana makkedaé tunru'ni mennang ri Datu? Magi naharusu pakangka abbilangeng? Matti, nasaba asalangngéro, sininna bangsaé tanggungngi addimonrinna!”

ULANGENG 1:8

Iyya, Puwang, pura majjanciyangngi sininna daéraéro lao ri toriyolomu Abraham, Ishak sibawa Yakub enrengngé wija-wijanna mennang. Jaji laono tudangiwi tanaéro.’ ”

ULANGENG 1:10

Puwang Allataalamu pura mébbui tattamba jumellana singngéga sining wéttowingngé ri langié.

ULANGENG 1:12

Iyakiya pékkugi makkullé alé-aléku mulléi méssangngi tanggung jawa iya matane'é untu' pacceppiwi sininna persoalammu?

ULANGENG 10:22

Wettunna néné-nénému lao ri Maséré, jumellana mennang banna pituppulo tau. Iyakiya Puwang Allataalamu pura mébbui jumellamu singngéga wéttowing-wéttowingngé ri langié.”

ULANGENG 28:62

Namuni jumellamu singngégani wéttowingngé ri langié, banna céddé bawang ri yelle'mu iya tuwoé mupa, nasaba dé' mumatinulu lao ri Puwang Allataalamu.

YEHEZKIEL 16:7

Uwala uwai nainappa Ubissai daraé polé ri tubummu. Ugoso'i olimu sibawa minnya zaitun. Upawekke'ko pada-pada tanet-taneng iya macommo'é. Tuwoko masitta, madising sibawa matanré, enrengngé mancaji séddi makkunrai lolo. Susummu mammulani maloppo sibawa gemme'mu malampé, iyakiya mallusu-lusuko. Wettuk-Ku lalosi, Uwitani makkedaé narapini wettummu untu' maccanring. Upallebba'i jumbaku ri tubummu iya mallusu-lusué, sibawa Uwajjanciyangngi cinta-Ku lao ri iko. Ya, Usiyo janci akawingeng sibawa iko, namumancaji appunnangek-Ku. Iyya, Puwang Iya Pommatanré pura mabbicara.