ULANGENG 1:10 - KITTA KAREBA MADECENG

¹⁰ Puwang Allataalamu pura mébbui tattamba jumellana singngéga sining wéttowingngé ri langié.

ULANGENG 1:10 Խաչաձեւ Հղումներ

ULANGENG 10:22

Wettunna néné-nénému lao ri Maséré, jumellana mennang banna pituppulo tau. Iyakiya Puwang Allataalamu pura mébbui jumellamu singngéga wéttowing-wéttowingngé ri langié.”

ULANGENG 28:62

Namuni jumellamu singngégani wéttowingngé ri langié, banna céddé bawang ri yelle'mu iya tuwoé mupa, nasaba dé' mumatinulu lao ri Puwang Allataalamu.

ASSURENG 32:13

Engngerangngi ata-atam-Mu Abraham, Ishak sibawa Yakub. Engngerangngi makkedaé majjanci-Ko sibawa tanro untu' mpéréngngi mennang wija singngéga wéttowingngé ri langié, makkuwatoro sininna tana iya Muwajjanciyangngéro mancajiwi matu appunnangenna wija-wijanna mennang untu' mannennungeng.”

KAJAJIYANG 22:17

maélo-Ka barakkakiko sibawa maona enrengngé mébbui wija-wijammu singngéga wéttowingngé ri langié sibawa singngéga kessi'é ri wiring tasi'é. Ana' eppomu nacaui matu sining balinna mennang.

KAJAJIYANG 15:5

Natiwini Puwangnge massu Abram nainappa makkeda ri aléna, “Itai langié, sibawa cobani bilangngi sining wéttowingngé; mappunnaiko matu wija-wija singngéga sining wéttowingngéro.”

KAJAJIYANG 28:14

Wija-wijammu singngégai matu awué ri tanaé. Nalowangiwi matu daérana mennang lao tulili, nanaolako sibawa wija-wijammu, maélo-Ka barakkakiwi sininna bangsaé ri linoé.

NEHEMIA 9:23

Mupancajiwi wija-wijanna mennang singngéga wéttowingngé ri bitaraé. Muwéréngngi mennang tana untu' naonroi, tana iya puraé Mujanciyangngi néné-nénéna.

ASSURENG 12:37

Najoppana tau Israélié sibawa mallaleng polé ri kota Raamses lao ri kota Sukot. Jumellana mennang 600.000 tau, dé' naribilang makkunraié sibawa ana'-ana'é.

1 TAWARIKH 27:23

Dé' nabilangngi Arung Daud sining tau iya makkéumuru'é ri yawana 20 taung, saba' Puwangnge pura majjanci maélo mébbui tau Israélié singngéga wéttowingngé ri langié.

ABBILANGENG 10:36

Sibawa sises-siseng iyaro Petti Assijancingngé lettu ri onrong appésaungngé, makkedai Musa, “Lisuni' oh Puwang, ri massebbu-sebbu kaluwargana Israélié.”

ULANGENG 1:11

Tennapodo Puwang, Allataalana néné-nénému matterui tambaiwi jumellamu narapi leppi wékkasisebbu, sibawa pancajiko bangsa iya madécéngngé pada-pada iya puraé Najjanciyang!

ULANGENG 7:7

Napojiko sibawa napiléko Puwangnge, tenniya nasaba lebbi battowako naiya bangsa-bangsa laingngé; sitongenna iko iyanaritu bangsa iya kaminang baiccu'é ri tompo'na linoé.

ULANGENG 26:5

Nainappa ri yolona Puwang Allataalamu, harusu'ko powadai ada-adaéwé: ‘Oh Puwang, néné-nénéku séddiwi tau Aram iya solléé. Natiwii kaluwargana ri Maséré untu' monro kuwaro selaku pangungsi. Wettunna lao kuwaro jumellana mennang céddé bawang, iyakiya mancajiwi bangsa iya battowaé sibawa mawatang.

MAZMUR 107:38

Puwangnge mpéréngngi mennang maéga ana', sibawa matterui mabbija-bija olokolo'na.

YESAYA 51:2

Engngerangngi néné-nénému Abraham sibawa Sara; wettuk-Ku mobbii Abraham, dé' nappunnai ana'; nainappa Ubarakkaki sibawa Uwéréng wija-wijanna iya maégaé.

YEHEZKIEL 16:7

Uwala uwai nainappa Ubissai daraé polé ri tubummu. Ugoso'i olimu sibawa minnya zaitun. Upawekke'ko pada-pada tanet-taneng iya macommo'é. Tuwoko masitta, madising sibawa matanré, enrengngé mancaji séddi makkunrai lolo. Susummu mammulani maloppo sibawa gemme'mu malampé, iyakiya mallusu-lusuko. Wettuk-Ku lalosi, Uwitani makkedaé narapini wettummu untu' maccanring. Upallebba'i jumbaku ri tubummu iya mallusu-lusué, sibawa Uwajjanciyangngi cinta-Ku lao ri iko. Ya, Usiyo janci akawingeng sibawa iko, namumancaji appunnangek-Ku. Iyya, Puwang Iya Pommatanré pura mabbicara.