ULANGENG 1:1 - KITTA KAREBA MADECENG

¹ Iyaé kitta'é mallise'i ada-ada iya napalettu'é Musa lao ri bangsa Israélié wettunna mennang engka ri padang kessi'é ri Lompo Yordan. Iyaro lompo'é engkai ri seddé alauna Salo Yordan, seddéna kota Suf, pallawangenna kota Paran riséddié tibang, sibawa kota-kota Tofel, Laban, Hazerot sibawa Di-Zahab ri tibang laingngé. (

ULANGENG 1:1 Խաչաձեւ Հղումներ

1 SAMUEL 25:1

Dé' namaitta rimunrinna maténi Samuél. Maddeppungeng manenni Israélié untu' maccowériwi upacara abbaratangngé. Nainappa rikuburu ri bolana ri Rama. Purairo laoni Daud ri padang kessi Paran.

YOSUA 22:4

Nasituru sibawa jancin-Na, Puwang Allataalamu pura mabbéréyang atennangeng lao ri saudara-saudaramu, tau Israél laingngé. Jaji, makkekkuwangngé lisuno ri daéramu ri seddé alauna Salo Yordanro iya nawéréngngékko Musa riyolo.

YOSUA 9:10

sibawa passalenna aga iya Napogau'é lao ri iya duwa arung Amorié ri seddé alauna Yordan, iyanaritu Sihon arung Hésybon sibawa Og arung Basan iya monroé ri Asytarot.

YOSUA 9:1

Karéba passalenna sining apakalanna Israélié tassiyani risininna arungngé ri seddé yajanna Salo Yordan – ri bulué, ri ponna bulué, sibawa ritanété mattuttung wiring Tasi Tengngaé lettu sibbéla Bulu Libanon ri seddé manorang; iyanaritu sining arung Hét, Amori, Kanaan, Féris, Héwi sibawa Yébus.

ULANGENG 33:2

“Polé ri Bulu Sinaiwi Puwangnge; mompoi ri yasé'na Edom pada-pada mata essoé sibawa polé ri Bulu Paran tappai umma'-Na. Risibawangngi ri seppulo sebbu malaéka'; malluwa apié ri seddé ataunna.

ABBILANGENG 35:14

tellu ri seddé alauna Salo Yordan sibawa tellu ri tana Kanaan.

ABBILANGENG 34:15

Iyaro tana manana mennang ri seddé alaunai Salo Yordan, ri seddéna kota Yérikho.”

ABBILANGENG 32:32

Ri yawa pappimpinna Puwangnge maéloki mallétto ri wanuwa Kanaan sibawa maju mammusu, iyakiya sitinajai tana seddé alaunaé Salo Yordan tette'i mancaji appunnangetta.”

ABBILANGENG 32:19

Dé' tamaélo tarimai muwi céddé polé ri tanana mennang ri liwenna Salo Yordan, nasaba purani ritarima bagiyatta kuwaé, ri seddé alauna Salo Yordan.”

ABBILANGENG 32:5

riyéllauwi kuwammengngi iyaé tanaé riwérékki mancaji appunnangetta. Aja' tasuroki létté ri liwenna Salo Yordan.”

ABBILANGENG 13:3

Situru sibawa paréntana Allataalaro, Musa suroi mennang polé ri padang kessi Paran. Iya manenna tauwéro iyanaritu sining pamimping ri yelle'na tau Israélié: Suku Pamimpinna Rubén Syamua ana' Zakur Siméon Safat ana' Hori Yéhuda Kaléb ana' Yéfune Isakhar Yigal ana' Yusuf Efraim Hoséa ana' Nun Bényamin Palti ana' Rafu Zébulon Gadiél ana' Sodi Manasyé Gadi ana' Susi Dan Amiél ana' Gemali Asyér Sétur ana' Mikhaél Naftali Nahbi ana' Wofsi Gad Guél ana' Makhi

ABBILANGENG 12:16

Nainappa mennang nasalai Hazérot namakkéma ri padang kessi Paran.

ABBILANGENG 11:35

Polé kuwaniro iyaro bangsaé létté lao ri daéra Hazérot, nanakkéma ri onrongngéro.

ABBILANGENG 10:12

Nanajoppana tau Israélié matturu-turuseng salaiwi padang kessi Sinai, nanappésauna iyaro ellungngé wettunna lettu ri padang kessi Paran.

KAJAJIYANG 21:21

Indo'na pakawingngi sibawa séddi makkunrai Maséré.

ABBILANGENG 13:26

sibawa laporo'i lao ri Musa, Harun sibawa sininna umma Israélié iya maddeppungengngé ri Kadés, ri padang kessi Paran. Nacuritani mennang aga iya puraé naita sibawa majjellokengngi buwa-buwa iya natiwié mennang.

HABAKUK 3:3

Iko Allataala Iya Pommapaccingngé polé ri Téman, Poléko ri buluna Paran. Nasalipuriwi langié arajam-Mu; pennoi linoé sibawa pappojiyang untu' alé-Mu.

ULANGENG 2:8

Nainappa joppaki matteru, salaiwi laleng iya lalowé ri kota-kota Elat sibawa Ezion-Géber mattuju ri Tasi Maté, nainappa bélo' lilau manorang mattuju ri padang kessi Moab.

YOSUA 3:16

iyatoro wettué napettu massolo uwaina saloé. Mabéla ri bagiyang ulunna saloé, maddeppungengngi uwaina ri Adam, séddiwi kota iya monroé ri seddéna kota Sartan. Uwaéna ri bagiyang toddang iya massolo'é lao ri Tasi Maté pettu siseng, angkanna naulléi mallétto umma Israélié ri yasé'na tana rakkoé siyolong kota Yérikho. Sining imang iya mpulééngngi Petti Assijancingngéro tette'i tettong ri tengnga-tengngana saloé narapi lettu maneng umma Israélié ri liweng.

1 ARUNG-NGARUNG 11:18

Joppani mennang polé ri Midian, nainappa lao ri Paran. Kuwaro siyagangngaré tau masséddi sibawa mennang, nainappa silaong mennang lao ri Maséré méwai sita arung Maséré. Iyaro arungngé nawéréngngi Hadad bola sibawa tana untu' naonroi enrengngé nakkatuwo-katuwoi.

ULANGENG 5:1

Napaddeppungenni Musa sininna bangsa Israélié, nainappa makkeda lao ri mennang, “Saudara-saudara, éngkalingai hukkung-hukkung iya uwéréngngékko essoéwé. Agguruiwi iyaro hukkung-hukkungngé, enrengngé turusiwi sibawa matinulu.

ULANGENG 27:1

Nainappa silaong sininna pamimpinna Israélié, napalettu'ni Musa iyaé pasengngé lao ri bangsaéro, “Turusiwi sininna parénta iya uwéréngngékko essoéwé.

ULANGENG 29:1

Iyanaé ada-ada assijancing iya nasaba paréntana Puwangnge naébbui Musa sibawa bangsa Israélié wettunna mennang engka ri tana Moab. Iyaro assijancingngé sinrupai pattamba polé ri assijancing iya naébbué Puwangnge sibawa mennang ri Bulu Sinai.

ULANGENG 31:1

Mabbicarasi Musa lao ri bangsa Israélié,