RUT 4:4 - KITTA KAREBA MADECENG

⁴ Nauwasengngi harusu'ko missengngi passalenna gau'éro. Rékko maéloko melliwi, powadani ri yolona sining tauwé iya tudangngé kuwaé. Rékko dé', powadani terus terang, saba banna idi sipadduwa iya mappunnaiyé ha' ri passalengngéro; iko pammulang, nappa iyya.” Nappébali iyaro tauwé, “Ya, maéloka melliwi.”

RUT 4:4 Խաչաձեւ Հղումներ

FILIPI 4:8

Paccappurenna, Saudara-saudara lisekiwi pikkirammu sibawa gau'-gau' iya engkaé angke'na, iya sitinajaé ripoji, iyanaritu gau'-gau' iya tongengngé, iya malebbié, iya adélé'é, mapaccingngé, macenningngé, sibawa makessingngé.

2 KORINTUS 8:21

Maéloki kédo malempu tenniya banna ri yolona Puwangngé, iyakiya ri yolonato rupa tauwé.

ROMA 12:17

Rékko pogau'i ja tauwé lao ri iko, aja' muwale'i sibawa ja. Pogau'i aga iya nangga' makessingngé sininna tauwé.

YEREMIA 32:25

Namuni makkuwaro, oh Puwang Iya Pommatanré, Iko ritu iya suroékka melliwi tanaéwé ri yolona sining sabbié, namuni dé'na namaitta narisittai matu iyaé kotaé ri tau Babél-é.”

KAJAJIYANG 23:18

Sininna tau Hét-é iya engkaé hadéré ri laleng addeppu-deppungengngé ri pintu gerbanna kotaé nangakuini iyaro tanaé selaku appunnangenna Abraham.

KAJAJIYANG 23:11

“Bangsaku muto mancaji sabbi sibawa iyaro dare'é silaong gowana uwabbéréyangngi kuwammengngi weddingngi Bapa' kuburu'i bainéna Bapa'.”

ULANGENG 25:8

Nainappa sining tomariyolona kotaé harusu mobbii iyaro tauwé namabbicara sibawa aléna. Rékko tette'i dé' namaélo,

RUT 2:20

Nakkeda Naomi, “Iyaro tauwé kaluwarga macawé'ta. Aléna ritu harusu mattanggung jawa lao ri idi. Tennapodo Puwangnge barakkakiwi. Tuli narupaiwi Puwangnge jancin-Na, muwi lao ri tau iya tuwoé mupa iyaré'ga lao ri mennang iya matéénna.”

RUT 3:9

Nakkutana, “Nigako?” Nappébali Rut, “Iyya Rut, Pa'! Bapa' iyanaritu kaluwargata iya macawé'é iya harusu'é mattanggung jawa lao ri atuwotta. Talaka Pa' mancaji bainéna Bapa'.”

RUT 3:12

Mémeng tongeng, harusu'ka mattanggung jawa lao ri atuwommu, saba' iyya iyanaritu kaluwargamu iya macawé'é. Iyakiya engka mupa tau laing iya harusu'é mattanggung jawa lao ri atuwommu. Na aléna iyanaritu kaluwarga iya lebbi macawé'é naiya iyya.