RUT 4:14 - KITTA KAREBA MADECENG

¹⁴ Makkedani sining makkunraié lao ri Naomi, “Ripojiwi Puwangnge! Purani nawérékko séddi eppo worowané ri essoéwé untu' piyarako. Tennapodo iyaro ana'é mancaji tassebbo'i ri Israélié!

RUT 4:14 Խաչաձեւ Հղումներ

LUKAS 1:58

Sining balibolana sibawa sumpulolona naéngkalingani pékkugi kessinna Puwangngé lao ri Elisabét, nanaccowéna marennu silaong Elisabét.

1 KORINTUS 12:26

Rékko séddié anggota mapeddi, sininna anggota laingngé mapeddi towi; rékko séddié anggota ripoji, sininna anggota laingngé maccowé marennu.

KAJAJIYANG 12:2

Maélo-Ka mpérékko wija iya maégaé sibawa mancajiwi matu bangsa iya battowaé. Maélo-Ka barakkakiko sibawa mébbui asemmu tarompo, angkammu mancaji matu barakka.

2 TESALONIKA 1:3

Saudara-saudara, tuli waji'ki mattarima kasi lao ri Allataala nasaba iko. Na mémeng sipato'ki pogau'i makkuwaéro, saba' pédé' mateppe'ko lao ri Kristus, enrengngé pédé' mamaséiwi séddié lao ri laingngé.

1 TESALONIKA 5:18

Ri laleng sininna keadaangngé sitinajako sukkuru', saba' iyanaro naélori Allataala polé ri iko selaku tau iya tuwoé masséddi sibawa Kristus Yésus.

ROMA 12:15

Accowéno marennu silaong sining tau iya marennué, sibawa terino silaong mennang iya teriyé.

KAJAJIYANG 29:35

Nainappa mattampu'si Léa nanajajiyang séddi ana' worowané. Adanna, “Iyaé sisengngé maéloka pojiwi Puwangnge.” Nanasenni iyaro ana'na Yéhuda. Purairo dé'na naémmana'na Léa.

KAJAJIYANG 24:27

Adanna, “Ripojiwi Puwangnge, Allataalana puwakku Abraham. Annessana matinului Puwangnge sibawa mamaséi lao ri puwakku Abraham. Napimpikka matteru lao ri sumpulolona.”